Morgunblaðið - Sunnudagur - 25.10.2015, Blaðsíða 18
Ferðalög
og flakk
Sankti Pétursborg er ein af helstu menningarborgum heims. Í miðju
menningarsenunnar er óperuhúsið sem þykir með þeim allra
fremstu í heiminum. Í þessari rösklega 150 ára gömlu byggingu hafa
risar á borð við Tchaikovsky, Mussorgsky og Rimsky-Korsakov
frumsýnt verk sín, og margir frægustu dansarar og söngvarar heims
stigið sín fyrstu skref upp á stjörnuhimininn.
Óperuhúsið er þekkt undir ýmsum nöfnum. Formlega nafnið er
Mariinskiy Teatr, en heimamenn láta yfirleitt duga að tala um Mar-
ínku. Þegar Sovétmenn voru við völd hét byggingin Kirov-leikhúsið.
Þökk sé veiklun rúblunnar að undanförnu eru miðarnir ekki dýrir
í krónum talið og auðvelt að kaupa á heimasíðu leikhússins, Mariin-
sky.ru. Ferðalangar ættu að hafa gætur á að kaupa miðana bara beint
af leikhúsinu, og líka að sneiða hjá þeim hópum sem bjóða upp á túr-
ista-sýningar á ballett- og óperuverkum á öðrum stöðum. Þetta eru
hópar sem kalla sig nöfnum sem láta þá sem ekki vita betur halda að
þeir séu að sjá „alvöru“ uppfærslu. Þessar sýningar komast ekki með
tærnar þar sem Marínka hefur hælana.
Þá er upplagt að hefja kvöldið á léttum snæðingi á veitingastað í
göngufæri við óperuhúsið, því oft getur það gerst að umferðin í
borginni þyngist á kvöldin. Væri leiðinlegt að missa af fyrsta þætti
vegna óvæntrar umferðarteppu.
Í HÓPI ÞEIRRA ALLRABESTU
Óperuhúsinu
má ekki sleppa
Ljósmynd/Mariinsky.ru
Oxana Skorik
og Timur
Askerov í
Svanavatninu.
*
Bókmenntaborgin mikla
Unnendur heimsbókmenntanna fá mikið
út úr því að heimsækja Pétursborg.
Borgin er sögusvið atburða úr bókum eins
og Önnu Karenínu, Evgení Ónegín, Stríði
og friði og Fávitanum. Er vert að heimsækja
heimili Dostojevskís sem í dag er safn
og er stutt frá Dostoyevskaya-neðan-
jarðarlestarstöðinni.
A
llir ættu að heimsækja
Sankti Pétursborg, þó
ekki væri nema einu
sinni á lífsleiðinni. Þar
má komast í beina snertingu við
merka og glæsta sögu borgar-
innar og heimsækja menning-
arstofnanir sem eiga engan sinn
líka. Við hvert fótmál leynist
dularfull kirkja, fagurlega skreytt
brú, eða safn þar sem einhver
merkismanneskjan bjó og ýmist
lagði drög að heimsyfirráðum
eða skapaði ódauðleg listaverk.
Ekki síður merkilegt er að
komast í snertingu við rússnesku
þjóðina, sem er enn að mýkjast
upp eftir hin hörðu ár komm-
únismans. Þar blandast saman á
götunum Lödur og Benzar,
rammkristnar babúskur og
spengilegar ungfrúr sem eru í
stuttum pilsum í öllum veðrum.
Í matinn er vodki og borscht,
eða kampavín og kavíar. And-
stæðurnar gera samfélagið bara
enn ómótstæðilegra.
Vetrarhöll og Blóðkirkja
Gott er að byrja ferðina á því
að rölta upp aðalgötuna, Nevsky
Prospekt, sem hefur verið lífæð
borgarinnar allt frá því Pétur
mikli gerði fyrstu drög að skipu-
lagi byggðarinnar. Gatan er
breið og löng, og liggur upp að
Vetrarhöllinni sem núna hýsir
Hermitage-listasafnið.
Á leiðinni upp breiðgötuna má
finna Kazan-dómkirkjuna, Blóð-
kirkjuna, og Gostini Dvor sem
er verslunarmiðstöð sem Péturs-
borgarar byggðu á sama tíma og
Íslendingar bjuggu enn í torfkof-
um. Í nágrenni Kazan-dómkirkj-
unnar er kjörið að leita uppi
báta sem sigla með ferðamenn
eftir ám og skurðum Péturs-
borgar og upplifa fagra borgar-
myndina.
Stutt frá Blóðkirkjunni er
Rússneska safnið sem skartar
óviðjafnanlegum verkum rúss-
nesku meistaranna og er vel
heimsóknarinnar virði.
Hermitage safnið er eitt af
höfuðsöfnum heimsins og út-
heimtir hálfan dag hið minnsta.
Mörgum finnst líka gaman að
skoða náttúruminjasöfnin hinum
megin við Nevu, á Vasilievsky-
eyju, þar sem finna má alls kyns
furðuverur uppstoppaðar eða í
formaldehýði.
Af öðrum stöðum sem vert er
að skoða er Péturs og Páls virk-
ið, Ísaks-dómkirkjan og Smolny
Klaustrið. Peterhof-höllin stutt
fyrir utan bæinn er líka vel þess
virði að heimsækja.
Næturlest til Moskvu
Upplagt er að tvinna saman í
einn pakka ferð til Pétursborgar
og Moskvu, ef tíminn leyfir.
Hraðlest fer á milli borganna en
það getur líka verið mjög nota-
legt að taka næturlestina og
vera mættur árla dags á áfanga-
stað, úthvíldur og hress. Sumir
sofa hvergi betur en um borð í
þessari lest.
Ferðalangar ættu að hafa hug-
fast að áður en flogið er til
Rússlands þurfa Íslendingar, rétt
eins og íbúar flestra annarra
landa, að sækja um vegabréfs-
áritun. Er vissara að sækja um
áritunina með góðum fyrirvara
og hafa hugfast að fullnægja
ýmsum skilyrðum. Einfaldar það
málin ef flogið er með ferða-
skrifstofu sem gætir að öllum
formsatriðum og útvegar tilskilda
pappíra.
Ljósmynd/Flickr - Dennis Jarvis (CC)
Málverkið Endurkoma týnda son-
arins eftir Rembrandt er eitt af
meistaraverkunum í Hermitage.
ÁFANGASTAÐUR VIKUNNAR: SANKTI PÉTURSBORG
Borgin sem Pétur mikli byggði
Í PÉTURSBORG ER MERGJUÐ SAGA RÚSSLANDS ÁÞREIFANLEG
OG HÆGT AÐ UPPLIFA EINSTAKA MENNINGU
Ásgeir Ingvarsson ai@mbl.is
Blóðkirkjan í miðborg Pétursborgar er eitt kröftugasta dæmið sem finna má um rússneska byggingarlist og á sér merka sögu.
Íburðinn vantar ekki í Dómkirkju heilags Ísaks.
Mariinsky óperuhúsið er rótgróin stofnun.
Ljósmynd/Wikipedia - A.Savin (CC)