Morgunblaðið - Sunnudagur - 25.10.2015, Blaðsíða 32

32 MORGUNBLAÐIÐ SUNNUDAGUR 25.10. 2015
Græjur og tækni
Eigin hringitónn
Margir vilja helst búa til eigin
hringitóna í símann og á mark-
að er komið nýtt app til að út-
búa eigin hringitón sem tækni-
vefsíðan Phonearena kaus sem
besta nýja app síðustu viku.
Appið ber einfaldlega heitið
Ringtone Maker.
* Í epli.is kostar 16 GB iPhone6s 124.990 kr. 64 GB kostar 134.990 kr. og
128 GB 154.990 kr. Hjá Nova kostar síminn það
sama en Nova býður líka upp á að taka iPhone 5 eða
5S upp í iPhone 6s. Svo er líka hægt að fá 6s Plus,
sem er stærri týpan af sexunni, skjárinn á honum er
5,5" samanborið við 4,7".
* Örgjörv-inn í símanum
er nýtt afbrigði af
A-línunni, A9, sem
Apple segir að sé
tvöfalt hraðvirkari en
A8, sem er í sexunni,
en tiftíðni á honum er
1,85 MHz samanborið við
1,4 GHz. Grafíkörgjörvinn
er líka nýr, var fjögurra
kjarna en er nú sex kjarna og
tiftíðnin 680 MHz samanborið
við 450 Mhz. Vinnsluminni er líka
tvöfalt meira, komið í 2 GB.
NÝR IPHONE SEM KYNNTUR VAR UM DAGINN, IPHONE 6S, VIRÐIST
EKKI MERKILEG UPPFÆRSLA VIÐ FYRSTU SÝN. ÞEGAR GRANNT ER
SKOÐAÐ KEMUR ÞÓ Í LJÓS AÐ SÍMINN ER MIKIÐ ENDURBÆTTUR.
Þó það sé traustvekjandi og gott í sjálfu sér, þá er það að vissuleyti leiðinlegt hvað iPhone-uppfærslur eru orðnar fyrirsjáanlegar.Útlits- og meiriháttar kerfisuppfærslur koma á sléttum tölum
(2010, 2012, 2014) og svo er innvolsið dagrétt á oddatölum (2011, 2013,
2015). Nú er einmitt oddatala, 2015, og þá er komið að S-útgáfu.
iPhone 6 var náttúrlega framúrskarandi sími á sínum tíma, mikil
bylting með stærri skjá, betri myndavél og miklu glæsilegri hönnun.
Við fyrstu sýn virðist iPhone 6s einmitt vera meira af því sama, útlitið
er ekki breytt, nema náttúrlega pastellitapallíettan – bendi sér-
staklega á nærbuxnableika símann. Um leið og kveikt er á símanum
kemur þó í ljós að það eru fleiri breytingar en litatónar og sumar
þeirra bæði merkilegar og magnaðar.
Það sem einna mestur fengur er í snýr að snertiskjánum og
virðist kannski ekki svo merkilegt, en er vísbending um tækni
sem verður allsráðandi í iPhone-símum og keppinautar Apple
munu eflaust stæla. Fyrirbærið kalla Apple-bændur 3D To-
uch og minnir ekki svo lítið á Force Touch-tæknina sem
kynnt var í MacBook-fartölvum í vor. Á þeim
var músarflöturinn, snertiflöturinn, allur einn
hnappur og þegar maður styður á flötinn er
sem hann sé að svara með mismunandi virkni
eftir því hve fast og hve lengi er þrýst á flöt-
inn.
Á símunum heitir tæknin nú 3D Touch eins
og getið er, enda er hún nokkuð breytt, til að
mynda mun nákvæmari og hraðvirkari. Nota-
gildið er kannski ekki svo ýkja mikið eins og
er en það sem virkar virkar fáránlega vel.
Dæmi um virkni er að þegar smellt er á for-
rit á skjánum opnast viðbótarvalmynd fyrir það forrit, ef forritið styður
þá virkni á annað borð. Þetta er dæmigerð viðbót sem fer lítið fyrir til
að byrja með en eftir því sem forritum fjölgar sem styðja hana verður
hún ómissandi.
Útlitið á símanum er óbreytt, en þó breytt því glerið í honum er sér-
styrkt og sterkara en í sexunni. Einnig er hönnun á boddíinu endur-
bætt og síminn allur sterkbyggðari.
Eins og ég nefndi er 3D Touch-tæknin ein helstu tíðindin við 6s-
símann, en þó með það í huga að kostir hennar eigi eftir að koma bet-
ur í ljós á næstu árum. Endurbætur sem skila sér strax eru þó fjöl-
margar og þar helst hvað myndavélina varðar, enda hefur hún fengið
rækilega yfirhalningu.
Myndflagan er ný og stærri, komin upp í 12 milljón díla, 12 megapix-
el, sem er umtalsvert meira en á sexunni – myndflagan á henni var 8
milljón díla. Myndvinnslan í símanum er líka betri og litir eðlilegri, en
örgjörvinn er líka nýr og mun hraðvirkari. Vert er að geta þess að ekki
er bara myndflagan stærri heldur eru fókuspunktar tvöfalt fleiri en í
eldri gerðinni.
Stærri myndflaga og betri örgjörvi gefur færi á að taka betri vídeó
og síminn ræður nú við 4K myndskeið, 3840 x 2160 dílar, á 30 römm-
um á sekúndu. Alla jafna vista símar ekki hvern ramma fyrir sig held-
ur bara breytingar á römmum, en í nýju myndavélinni geymir síminn
alla ramma í fullri upplausn sem gerir myndböndin betri, en spænir
líka upp plássið á símanum. Það er því rétt að hafa það í huga þegar
valin er minni stærð, 16, 64 eða 128 GB - 16 GB er of lítið ef ætlunin
er að taka eitthvað af myndskeiðum (og eins ef eigandinn er ekki dug-
legur að taka til í myndamöppunni og/eða hefur unun af því að horfa á
bíómyndir á símanum).
Myndavélin á framhliðinni, sjálfsmyndavélin, er líka mikið endurbætt,
og tími til kominn. Nú er hún 5 milljón dílar, en myndavélar á eldri
gerðum iPhone hafa verið merkilega lélegar. Það er ekkert flass við
myndavélina á framhliðinni, en Apple á svar við því, skjárinn nýtist sem
einskonar leifturljós, Retina flash, en hann lýsir þegar smellt er af til
að gefa meiri birtu fyrir sjálfsmyndina. Víst er það „redding“, en snið-
ug sem slík.
Önnur viðbót við myndavélina, sem ég er á báðum áttum með, er það
sem Apple kallar Live Photos, en þá tekur vélin upp aðeins lengur eftir
að smellt er af og hægt að skeyta hljóði eða myndskeiðsbroti við ljós-
myndina, ef vill.
Víst er þetta magnað apparat, gríðarflottur sími, en stóra spurningin
er náttúrlega hvort ástæða sé til að skipta. Ef þú ert með 5s eða eldra
módel af iPhone, þá er svarið já, undireins! Ef þú átt aftur á móti
iPhone 6 er erfiðara að segja af eða á, nema þú viljir miklu, miklu
betri myndavél, umtalsverða hraðaaukningu og sterkbyggðari síma. Já,
eða bleikan síma.
ÁRNI
MATTHÍASSON
ENGIN VENJULEG
UPPFÆRSLA
* Ólíkt því sem maður hefur van-ist, að símarnir verði alltaf þynnri og
léttari, þá er 6s heldur þykkari en fyr-
irrennarinn, 7,1 mm samanborið við 6,9
mm, og líka nokkuð þyngri, 143 g á móti
129 g. Þetta skýrist væntanlega helst af innleið-
ingu 3D Touch-tækninnar, en gerir símann í raun
þægilegri í hendi, manni finnst minni líkur á að hann
muni renna úr hendinni.
Græjan
Mundu eftir súpukortinu
FR
Í
súp
a d
ag
sin
s
Súpukort
Austurveri • Glæsibæ • Húsgagnahöllinni • Mjódd • Smáratorgi • Suðurveri
Sími 533 3000 bakarameistarinn.is
Velkomininn í hlýjuna
í súpu dagsins
Hægt að fá súpu í
brauðkollu eða í skál.
Súpu dagsins sérðu á
Facebook síðunni okkar