Morgunblaðið - 03.11.2015, Blaðsíða 7

FRÉTTIR 7Innlent
MORGUNBLAÐIÐ ÞRIÐJUDAGUR 3. NÓVEMBER 2015
www.fi.is
Hreyfðu þig úti
í náttúrunni
Ert þú Landvætt
ur?
FERÐAFÉLAG ÍSLANDS | Mörkinni 6 | 108 Reykjavík | S: 568 2533 | fi@fi.is | www.fi.is Skráðu þig inn – drífðu þig út
Ert þú Landvættur?
Ferðafélag Íslands stofnar æfingahópinn FÍ Landvætti sem
hefur það markmið að æfa saman og klára allar fjórar þrautir
Landvættarins á árinu 2016.
Fossavatnsgangan: 50 km skíðaganga. 30. apríl
Bláalónsþrautin: 60 km fjallahjól. 11. júní
Urriðavatnssundið: 2,5 km útisund. 23. júlí
Jökulsárhlaupið: 33 km fjallahlaup. 13. ágúst
Hópstjórar eru Brynhildur Ólafsdóttir og Róbert Marshall
Kynningarfundur miðvikudaginn 4. nóvember kl. 20,
í sal FÍ, Mörkinni 6. Allir velkomnir.
.
Laufey Rún Ketilsdóttir
laufey@mbl.is
Fyrirliggjandi drög að nauða-
samningum slitabúa þriggja
stærstu viðskiptabankanna, Kaup-
þings hf., Glitnis hf. og LBI hf.,
fara nú fyrir kröfuhafafund til
samþykkis. Seðlabanki Íslands
samþykkti fyrir helgi að nauða-
samningsdrögin uppfylltu kröfur
laga um gjaldeyrismál og því eru
næstu skref í höndum kröfuhaf-
anna. Kröfuhafarnir kjósa um
nauðasamninginn og að því loknu
verður krafist staðfestingar hans
fyrir héraðsdómi.
Endanleg staðfesting nauða-
samningsins er forsenda fyrir því
að ekki verði lagður 39% stöð-
ugleikaskattur á slitabúin en frum-
varp um stöðugleikaskatt var sam-
þykkt á Alþingi í júní síðastliðnum
með öllum greiddum atkvæðum.
Var honum ætlað að stuðla að los-
un fjármagnshafta með efnahags-
legan stöðugleika og almannahag
að leiðarljósi ef ekki næðust
nauðasamningar.
40 milljarða afgangur
Neikvæðum greiðslujafnaðar-
áhrifum af uppgjöri slitabúa föllnu
bankanna verður algjörlega eytt
með mótvægisaðgerðum og gott
betur þar sem gert er ráð fyrir 40
milljarða afgangi. Uppgjörið á
ekki að hafa áhrif á gengi krón-
unnar og reiknað er með að
skuldastaða ríkissjóðs muni batna.
Felast mótvægisaðgerðirnar í
afhendingu stöðugleikaframlags
sem meðal annars veitir tryggingu
fyrir því að eignir sem metnar eru
lágt á efnahagsreikningum búa
föllnu bankanna valdi ekki
greiðslujafnaðarvanda reynist þær
verðmætari en áætlað var, um-
breytingu gjaldeyrisinnistæðna í
starfandi fjármálafyrirtækjum í
lengri lán og uppgreiðslu lána sem
ríki og Seðlabanki Íslands veittu
við stofnun Arion banka hf. og Ís-
landsbanka hf.
Stöðugleikaframlag búanna
nemur alls tæplega 379 milljörðum
króna og skiptist þannig að Glitnir
greiðir 229 milljarða króna, Kaup-
þing um 127 milljarða króna og
LBI hf. um 23 milljarða króna.
Skattaleiðin óvissari
Fyrirséð var að slitabúin myndu
frekar freista þess að uppfylla
stöðugleikaskilyrðin en að greiða
stöðugleikaskattinn.
Skattaleiðin felur í sér töluverða
óvissu þar sem engar útgreiðslur
yrðu mögulegar úr slitabúinu fyrr
en skatturinn væri greiddur en
það gæti dregist úr hófi ef gerður
yrði ágreiningur um lögmæti
skattsins fyrir dómstólum. Óvissa
ríkir einnig um framtíðarvirði inn-
lendra eigna og eins um endanlega
fjárhæð heildareigna í árslok 2015.
Framvindan verður í hönd-
um kröfuhafa og dómstóla
 Stöðugleikaskilyrði fram yfir stöðugleikaskatt  Seðlabanki gaf grænt ljós
Morgunblaðið/Golli
Stöðugleiki Slitabú föllnu bankanna hafa unnið að nauðasamningsdrögum sem nú fara fyrir kröfuhafafund og svo
dómstóla. Stöðugleikaskattur verður lagður á búin ef nauðasamningar nást ekki. Meiri óvissa fylgir skattaleiðinni.
Bjarni Benediktsson, fjármála- og
efnahagsráðherra, segir að skýra
þurfi hvers vegna tölvupóstum
fyrrverandi ráðuneytisstjóra við-
skiptaráðuneytisins var eytt.
„Mér finnst þetta alvarlegt mál.
Mér skilst að það standi til að
skoða málið í stjórnskipunar- og
eftirlitsnefnd sem ég tel vera rétt-
an vettvang til þess.“
Eiga að vera aðgengileg
Eins og Morgunblaðið hefur
greint frá kom það fram í tölvu-
pósti aðallögfræðings Seðlabankans
til sérstaks saksóknara að öllum
tölvupóstum ráðuneytisstjórans
hefði verið eytt. Torveldaði það
rannsókn á aðdraganda þess að
gjaldeyrisreglur voru settar í árs-
lok 2008 og hvers vegna lögáskilið
samþykki ráðherra fyrir reglunum
skorti.
Bjarni segir þetta kalla á skýr-
ingar. „Gögn eiga að vera aðgengi-
leg í stjórnkerfinu ef menn þurfa
að skoða forsendur fyrir ákvarð-
anatöku og skilja hvernig niður-
stöður voru leiddar fram í ein-
stökum málum. Það getur ekki
verið einstökum ráðuneytum í
sjálfsvald sett hvernig meðferð
gagna er háttað. Mér finnst að
þessar upplýsingar kalli á skýr-
ingar á því hvernig þetta gerðist
og hvort það samrýmist þeim al-
mennu reglum sem hafa gilt í
stjórnkerfinu. Þetta kom mér mjög
á óvart og þetta kallar á frekari
skýringar og svör.“
Kallar á
frekari
skýringar
 Segir alvarlegt að
tölvupóstum var eytt