Víkurfréttir - 15.12.1988, Síða 47

m ur
jtUUt 1
Heilsugæslulæknir í Grindavík:
Rettur sjúklinga
fyrir borð borinn
Vegna deilumáls Ríkisendur-
skoðunar og Kristmundar As-
mundssonar, heilsugæslulæknis
í Grindavík, var á fimmtudag
haldinn borgarafundur í Festi.
Þar greindi Kristmundur frá að-
draganda deilunnar og hver
staðan væri nú. Auk þess töluðu
formaður heimilislækna og yfir-
læknir heilsugæslunnar í Arbæ,
Reykjavík.
Birtist ræða Kristmundar hér
á eftir:
„Góðir Grindvíkingar.
Það mál sem við ætlum að ræða
hér í kvöld er þannig til komið, að
fimmtudaginn 24. nóvember s.l.
hafði fulltrúi Ríkisendurskoðunar
samband við mig símleiðis og tjáði
mér að þeir mundu mæta á Heilsu-
gæsluna í Grindavík fimmtudag-
inn 1. des. til þess að endurskoða
reikninga mína til sjúkrasamlaga
og Tryggingastofnunar ríkisins
vegna útlagðrar vinnu minnar við
móttöku hér á heilsugæslustöð-
inni. Þeir sögðust vera að vinna að
samskonar úttekt á verkum lækna
á heilsugæslunni í Keflavík.
Mundu þeir mæta 3 saman, 2
endurskoðendur og 1 trúnaðar-
læknir á vegum Ríkisendurskoð-
unar, sem mér skildist að væri
þeim til aðstoðar. Bauð ég þá vel-
komna.
Þriðjudaginn 29. nóvember, er
ég var staddur á Heilsugæslustöð
Keflavíkur vegna starfa minna, þá
eru þessir sömu aðilar frá Ríkis-
endurskoðun og síðar komu hing-
að þar að störfum, og varð ég þar
vitni að starfstilhögun þeirra.
Verður að viðurkennast að mér
varð ansi starsýnt á þær aðferðir
sem beitt var. Þarna sátu 3 menn
inni í lokuðu herbergi með hundr-
uð sjúkraskýrslna sjúklinga
Heilsugæslustöðvar Keflavíkur
umhverfís sig og fletti trúnaðar-
læknirinn í þeim að vild sam-
kvæmt fyrirmælum endurskoð-
endanna. Enginn Iæknir Heilsu-
gæslu Keflavíkur var þarna við-
Kristmundur Ásmundsson
Ljósm.: hpé
staddur til að fylgjast með fram-
gangi mála.
Þóttu mér þessi vinnubrögð
með öllu óviðunandi, en mér hafði
skilist að viðkomandi læknir
heilsugæslustöðva hverju sinni
yrði aðili að endurskoðuninni.
Taldi ég að hagsmunum sjúklinga
væri stofnað í stóra hættu með
þessum vinnubrögðum og jafn-
framt hætt við alvarlegum trúnað-
arbresti á milli læknis og sjúklings
ef þetta fengi að viðgangast óátal-
ið.
Ákvað ég því í samráði við
stjórn Félags íslenskra heimilis-
lækna, að hafna alfarið þessari
vinnutilhögun við endurskoðun
reikninga minna við heilsugæsl-
una hér í bæ. Tilkynnti ég fulltrú-
um Ríkisendurskoðunar þessa
ákvörðun mína símleiðis snemma
að morgni fimmtudagsins 1. des.
s.l.
Framangreindir 3 menn mættu
engu að síður á Heilsugæslustöð
Grindavíkur kl. 13 þennan sama
dag og kröfðust aðgangs að
sjúkraskýrslum ykkar hér í bæ á
sama máta og í Keflavík. Gerði ég
þeim þá bréflega grein fyrir því að
ég setti mig alls ekki upp á móti
endurskoðun reikninga minna
sem slíkri, en myndi ekki hleypa
þeim í sjúkraskýrslur minna sjúkl-
inga enda er það lagaleg og sið-
ferðisleg skylda mín sem læknis
Grindvíkinga að standa vörð um
skýrslurnar og ekki hleypa nein-
um óviðkomandi í þær sem ekki
væri þar til að sinna hagsmunum
sjúklinga og þá aðeins með sam-
þykki sjúklings, hvorki læknum né
öðrum.
Bauð ég þeim aftur á móti upp á
endurskoðun þá þegar ef viðhöfð
yrði svokölluð „Árbæjaraðferð",
en henni verða gerð nákvæm skil
hér síðar af öðrum. Hennar kostur
er sá að sé hún viðhöfð kemst eng-
inn í skýrslur sjúklinga annar en
þeirra læknir, en er jafnframt jafn-
gott tæki til að ganga úr skugga
um réttmæti reikninga lækna, að
mati Félags íslenskra heimilis-
lækna.
Þetta gátu fulltrúar Ríkisendur-
skoðunar ekki fallist á og yfirgáfu
staðinn að svo búnu. Föstudaginn
2. des„ eða daginn eftir er ég síðan
kvaddur fyrir sakadóm í Keflavík.
Mætti ég þar mánudaginn 5. des.
Krefst Ríkisendurskoðun þar, að
mér skilst ótakmarkaðs og óhindr-
aðs aðgangs að sjúkraskýrslum
Grindvíkinga ásamt öðrum gögn-
um Heilsugæslunnar. Eg áréttaði
hinsvegar framangreinda afstöðu
mína til málsins og leitaði eftir því
að „Árbæjaraðferðin" yrði við-
höfð. Málið verður síðan flutt í
byrjun næstu viku og dómsupp-
kvaðning væntanlega skömmu
síðar.
Vegna þessa ágreinings og
vegna þeirra þungu áhyggju sem
ég hef af því að réttur sjúklinga í
málinu verði fyrir borð borinn,
ákvað ég í samráði við stjórn Fél-
ags íslenskra heimilislækna að
kalla til þessa borgarafundar um
málið.
Að lokum við ég segja það, að
mér er alveg óskiljanlegt hvers-
vegna stór stofnun í ríkiskerfinu
getur ekki sæst á það að viðhafa
þær starfsaðferðir, sem hvoru
tveggja tryggir rétta reikninga-
gerð lækna og jafnframt gætir þess
að trúnaður læknis við sjúklinga
sína sé ekki fótum troðinn og
einskis virtur.“ ’ hpé/Grv..
TEKIÐ í TAFL
Hann leynist víða tafláhuginn. hér eru það krakkar í Grunnskóla Njarðvíkur sem brugðu sér í skák,
meðan aðrir voru að útbúa jólaföndur á dögunum. Ljósm.: epj.
JÓLABLAÐ 1988
Árbók
Suður-
nesja
komin
út
Árbók Suðurnesja 1986-87 er
komin út. Utgefandi er Sögufélag
Suðurnesja í samvinnu við Sam-
band sveitarfélaga á Suðurnesjum.
Ritstjórar eru Jón Böðvarsson og
Ragnar Karlsson.
Að þessu sinni hefur Árbókin að
geyma níu greinar ogfrásöguþætti
sem snerta sögu Suðurnesja með
einum eða öðrum hætti. Af frum-
sömdum greinum ritar Jón Böðv-
arsson um Hafgerðingadrápu -
elsta íslenskt helgikvæði sem brot
er varðveitt úr, Olafur Ásgeirsson
býr máldaga Brynjólfs biskups
Sveinssonar um Kálfatjarnar-
kirkju frá 1662 til prentunar,
Kristinn Arnar Guðjónsson ritar
um áhrif landbrots og sandfoks á
byggð og jarðardýrleika á Suður-
nesjum 1686-1847, Ragnar Karls-
son gerir Rauðhöfðasagnir að um-
talsefni og reynir að varpa sögu-
legu ljósi á tilurð sagnanna, Jón
Gíslason ritar um Jón Sighvatsson
dannebrogsmann í Höskuldarkoti
í tengslum við .Evimmningu hans
frá 1844 sem birt eríÁrbókinniog
Jón Valur Jensson ritar yfirlit um
útgefnar ættfræðiheimildir um
Suðurnesjaættir.
Tveirfrásöguþættireruaðauki í
Árbókinni. Samanburður á forn-
tíð og nútíð í Rosmhvalaneshreppi
eftir Sigurð Br. Sívertsen Útskála-
klerk sem ekki hefur verið gefinn
út áður og þýðing á ferðafrásögu
George Steuart Mackenzie um
Reykjanesskaga, en Mackenzie
ferðaðist vítt um landið sumarið
1810 og ritaði um ferð sína marg-
rómaða ferðabók.
Sú nýlunda hefur verið tekin
upp að Árbókin hafi að innihalda
umsagnir um sem flestar bækur er
fjalla um Suðurnes eða hafa lands-
hlutann að sögusviði. Að þessu
sinni eru birtar sjö umsagnir um
Suðurnesjabækur.
Auk þessa er að finna í Árbók-
inni skýrslu stjórnar Byggðasafns
Suðurnesja 1987 og félagatal
Sögufélags Suðurnesja.
Árbók Suðurnesja er 178 blað-
síður að stærð, prýdd fjölda
mynda og korta og hafa sumar
ljósmyndirnar ekki birst áður i
bók. Ritið verður til sölu í flestum
bókaverslunum. Einnig verður
hægt að nálgast bókina hjá Sam-
bandi sveitarfélaga á Suðurnesj-
um.
HÚSNÆÐISSTOFNUN RÍKISINS
TÆKNIDEILD
ÚTBOÐ
Nefnd sú sem sér um byggingu almennra kaupleigu-
íbúða í Miðneshreppi óskar eftir tilboðum i bygg-
ingu eins parhúss, einnar hæðar byggðu úr timbri,
verk nr. U.05.03, úr teikningasafni tæknideildar
Húsnæðisstofnunar ríkisins.
Brúttóflatarmál húss 191 m2.
Brúttórúmmál húss 670 m3.
Húsið verður byggt við götuna Ásabraut nr. 3a
Sandgerði og skal skila fullfrágengnu, sbr. útboðs-
gögn.
Afhending útboðsgagna er á skrifstofu Miðnes-
hrepps, Tjarnargötu 4, Miðneshreppi, og hjá tækni-
deild Húsnæðisstofnunar ríkisins, Laugavegi 77,
Reykjavík, frá þriðjudeginum 13. desember 1988,
gegn kr. 10.000,00 skilatryggingu.
Tilboðum skal skilað á sömu staði eigi síðar en
fimmtudaginn 29. desember 1988 kl. 11:00 og verða
þau þá opnuð að viðstöddum bjóðendum.
F.h. byggingarnefndar kaupleiguíbúða,
tæknideild Húsnæðisstofnunar rikisins.
JOL HUSNÆÐISSTOFNUN
RÍKISINS
LJ LAUGAVEGI77101 REYKJAVÍK SÍMI 696900