Morgunblaðið - 12.12.2015, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 12. DESEMBER 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Stekkjarstaur kom með strætisvagni til byggða í
gærmorgun. Heimsótti hann meðal annars börn-
in á leikskólanum Kvistaborg. Sveinninn
skemmti krökkunum á meðan þau fóru í stutta
ferð um Fossvogshverfi. Heimsóknin er liður í
jólaverkefni þar sem Strætó fær leikskólabörn
til að senda jólamyndir sem prýða vagnana í des-
ember. Fyrsti íslenski jólasveinninn, Stekkjar-
staur, kemur í Þjóðminjasafnið kl. 11 í dag.
Jólasveinn með strætó til byggða
Morgunblaðið/Eggert
Strætisvagnar skreyttir með jólamyndum leikskólabarna
Agnes Bragadóttir
agnes@mbl.is
Fimmtán manna sendinefnd frá rúss-
nesku matvælastofnuninni, eins kon-
ar „heilbrigðisvottunarnefnd“, kom
hingað til lands snemma í september-
mánuði. Enn er beðið eftir skýrslu
nefndarinnar hér á landi og því að
hún gefi út „heilbrigðisvottorð“ til
handa íslenskum fiskvinnslufyrir-
tækjum, en hingað til hefur verið
vandkvæðalítið að fá slíkt vottorð frá
Rússum í kjölfar slíkra heimsókna.
Nánast árlega hefur slík nefnd
komið hingað til lands, til þess að
kynna sér hvernig fiskvinnslufyrir-
tæki og frystihús, sem átt hafa í við-
skiptum við Rússland, standa sig
hvað varðar heilbrigðismál, hrein-
læti, frágang, pökkun og fleira.
Þegar nefndin kom hingað til lands
í nóvember í fyrra var lokað á við-
skipti við nokkur íslensk fiskvinnslu-
fyrirtæki, en það var í fyrsta skipti
sem það gerðist, samkvæmt upplýs-
ingum Morgunblaðsins.
„Þetta var ansi stór sendinefnd frá
Rússunum, eða um fimmtán manns,
sem kom hingað snemma í septem-
ber. Þeir skiptu sér í smærri hópa og
fóru um land allt að heimsækja fisk-
vinnslufyrirtæki og skoða,“ segir við-
mælandi Morgunblaðsins, sem þekk-
ir vel til heimsókna heilbrigðisnefnda
Rússanna.
Ekkert bólar á vottorði
Hann segir að eftir heimsóknirnar
um landið hafi nefndarmenn lýst yfir
mikilli ánægju með hvernig til hafi
tekist, jafnframt því sem út hafi verið
gefið að þau fyrirtæki sem lentu á
rauðum lista í nóvember í fyrra hefðu
gert úrbætur á því sem athugasemd-
ir voru gerðar við þá, af hálfu Rúss-
anna. Stjórnvöld og forsvarsmenn út-
gerða og fiskvinnslufyrirtækja hafi
því staðið í þeirri meiningu að um vel
heppnaða heimsókn hafi verið að
ræða.
Nú eru liðnir þrír mánuðir og
hvorki bólar á skýrslu Rússanna um
Íslandsförina, né „heilbrigðisvottorð-
inu“ rússneska frá nefndinni.
Samkvæmt samtölum blaðamanns
Morgunblaðsins í gær við fulltrúa
fiskvinnslu, útgerðar og stjórnvalda
leikur lítill vafi á því í huga viðmæl-
enda að það að Rússar haldi svona að
sér höndum tengist beint viðskipta-
banni Rússa á Íslendinga og þetta fá-
læti Rússa sé bein afleiðing af því.
Eins og kunnugt er settu Rússar í
sumar bann á innflutning sjávaraf-
urða frá Íslandi og hefur það þegar
haft mikil áhrif.
Ekkert bendir til þess að breyting
verði á viðskiptaleysinu milli Rúss-
lands og Íslands í náinni framtíð,
samkvæmt upplýsingum Morgun-
blaðsins.
Rússar halda að sér höndum
 Rússnesk sendinefnd sem kom til landsins í haust til þess að gera úttekt
á íslenskri fiskvinnslu hefur hvorki gefið út „heilbrigðisvottorð“ né skilað skýrslu
Morgunblaðið/Skapti
Fiskvinnsla Rússarnir heimsóttu
um 80 fyrirtæki í september.
Helgi Bjarnason
helgi@mbl.is
„Þessi bókmenntagrein hafði veru-
leg áhrif, meðal annars á ritun ann-
arra veraldlegra sagna eins og Ís-
lendingasagna,“ segir Bragi
Halldórsson, fyrrverandi kennari í
íslensku við Menntaskólann í
Reykjavík. Hann hefur unnið að
undirbúningi heildarútgáfu 146 æv-
intýra frá miðöldum. Slíkt safn hef-
ur ekki áður komið út á Íslandi.
„Ég hef verið að vinna að þessu,
að safna ævintýrunum úr handritum
og vísindaritum, frá því sumarið
2011. Ég hef haft mikla ánægju af
því. Það er þó með þetta eins og
margt annað að ég hefði aldrei lagt í
verkið í upphafi ef ég hefði vitað
hvað það var flókið mál.“
Hann segist vera kominn með
prentsmiðjuhandrit og útgefanda.
Bókaforlagið Skrudda hyggst gefa
verkið út í nokkrum bindum á næsta
ári, fáist styrkir til þess. Rík-
isstjórnin samþykkti í gær, að til-
lögu forsætisráðherra, að veita
þrjár milljónir króna til útgáfunnar.
Ævintýrin eru kristileg, svokall-
aðar dæmisögur, sem prestar flétt-
uðu gjarnan inn í prédikanir sínar,
allt til siðaskipta. Þau ganga út á að
leiðbeina fólki með að hegða sér
eins og það á að gera.
Einn helsti upphafsmaður æv-
intýra eða dæmisagna, svokallaðra
exempla á latínu, var spænskur gyð-
ingur, Petrus Alfonsi, sem hafði
mikil samskipti við Mára. Hann var
einna fyrstur til að semja ævintýri
snemma á 11. öld með safni sínu. Rit
hans á latínu varð gífurlega vinsælt
og með því opnaði hann sagnasjóð
austurlenskra ævintýra fyrir Evr-
ópumönnum, allt frá Indlandi,
Persíu og Arabíu allar götur til 3. og
4. aldar. Á síðari hluta 13. aldar og í
upphafi þeirrar 14. urðu síðan til
enn stærri söfn ævintýra á latínu og
úr þeim var þýtt á íslensku á 14. öld
og á 15. öld bættust síðan við þýð-
ingar úr miðensku.
Sagnasjóður ævintýranna
Morgunblaðið/Kristinn
Ævintýramaður Bragi Halldórsson
teflir og safnar ævintýrum.
 Undirbúin heildar-
útgáfa á ævintýrum
frá miðöldum
Forstjóri Lands-
nets segir brýnt
að hefjast handa
við styrkingu
meginflutnings-
kerfis Landsnets.
Notendur hefðu
orðið fyrir minna
straumleysi í fár-
viðrinu sem gekk
yfir landið í byrj-
un vikunnar ef
kerfisstyrkingar sem félagið vill ráð-
ast í hefðu verið komnar til fram-
kvæmda. Viðgerð á háspennulínum
Landsnets er að mestu lokið og er
beint tjón félagsins metið um 120
milljónir króna en afleitt tjón sam-
félagsins er enn meira.
„Það er afar líklegt að notendur
hefðu orðið fyrir minna straumleysi í
óveðrinu á mánudagskvöld og að-
faranótt þriðjudags ef styrkingar og
endurbætur á flutningskerfinu
hefðu verið komnar til fram-
kvæmda,“ er haft eftir Guðmundi
Inga Ásmundssyni, forstjóra Lands-
nets, í tilkynningu. „Það voru ein-
göngu eldri flutningslínur með tré-
möstrum sem skemmdust. Stærri
línurnar okkar, sem eru bæði nýrri
og með stálgrindarmöstrum, stóðust
veðurálagið eins og til dæmis á Hall-
ormsstaðarhálsi þar sem vindstyrk-
urinn fór yfir 72 metra á sekúndu í
hviðum.“
Alls brotnuðu 30 möstur í flutn-
ingskerfi Landsnets vegna vind-
álags og ísingar í fárviðrinu.
120 millj-
óna tjón í
óveðrinu
Guðmundur Ingi
Ásmundsson
 Brýnt að styrkja
meginflutningskerfið
Ríkisstjórnin samþykkti í morgun,
að tillögu forsætisráðherra, að veita
samtals 9 milljóna króna styrk í til-
efni jóla til tíu góðgerðarsamtaka
sem starfa hér á landi.
Mæðrastyrksnefnd Akureyrar,
Mæðrastyrksnefnd Hafnarfjarðar,
Mæðrastyrksnefnd Kópavogs,
Mæðrastyrksnefnd Vesturlands og
Hjálpræðisherinn á Íslandi fá
800.000 krónur hver.
Þá fá Hjálparstarf kirkjunnar,
Samhjálp – félagasamtök, Rauði
kross Íslands, Fjölskylduhjálp Ís-
lands og Mæðrastyrksnefnd
Reykjavíkur eina milljón krónur
hver.
Styrkja til
góðs um jól
VITA - Skógarhlíð 12 - Sími 570 4444
Jólapakki VITA
Jólagjöfin er ferð til Kanarí eða Tenerife
KANARÍ
Verð frá69.900 kr.*
og 12.500 Vildarpunktar
á mann m.v. 2 í íbúð með 1
svefnherbergi á Las Camelias.
*Verð án Vildarpunkta 79.900 kr.
TENERIFE
Verð frá 109.900 kr.*
og 12.500 Vildarpunktar
á mann m.v. 2 í íbúð með 1
svefnherbergi á La Siesta.
*Verð án Vildarpunkta 119.900 kr.
16. - 26. jan.16. - 26. jan.