Morgunblaðið - Sunnudagur - 20.12.2015, Blaðsíða 2
Segðu aðeins frá hlutverki þínu í Ófærð.
Hinrika er lögreglukona í litlum bæ úti á landi. Hún hefur
mikið jafnaðargeð og sterka réttlætiskennd enda ber hún
virðingu fyrir starfi sínu og er metnaðarfull í því án þess þó
að vilja endilega klífa upp metorðastigann. Hún býr með
manni sem er töluvert eldri en hún og er allt önnur týpa en
þau eru sátt hvort við annað og fallegur fínlegur þráður á
milli þeirra. Þau hafa ekki eignast börn og ekki víst að þau
geri það enda hefur maður það á tilfinningunni að Hinriku
finnist nóg um þau vandamál sem þegar blasa við heiminum
þó að hún fari ekki að leggja sitt af mörkum til að bæta á
þau.
Þættirnir eru m.a. teknir upp á Siglufirði og
Seyðisfirði. Lentirðu einhvern tímann í ófærð á
leið þinni á tökustað?
Ég lenti ekki í ófærð á leið á tökustað enda var ég meira og
minna alltaf á staðnum. Ég lenti hins vegar stundum í því að
komast ekki í bæinn þau fáu skipti sem ég átti frí.
Ertu nokkuð komin með ógeð á snjó og myrkri
eftir tökurnar?
Nei alls ekki, ég elska snjóinn og elska hvernig hægist á öllu þeg-
ar það er allt á kafi. Ég hugsa að Hinrika sé sammála mér.
Íslenskir rithöfundar hafa stimplað sig inn í norr-
æna sakamálasöguheiminn en er Ófærð þátturinn
sem á eftir að gera það sama fyrir Íslendinga í
„nordic noir“-sjónvarpsheiminum?
Við skulum bara vona það, það væri auðvitað frábært ef þessi sería
yrði til þess að við stimpluðum okkur inn í þennan norræna
sakamálaseríuheim sem er auðvitað mikið „trend“ núna, enda allir
orðnir leiðir á þessari amerísku sakamáladellu sem miðar að því einu
að ganga fram af manni með ógeði.
Nú ertu komin í nýtt hlutverk í borgarpólitíkinni;
hvernig fer það saman að vera leikari og stjórnmála-
maður?
Það gengur bara mjög vel, auðvitað er minni tími til að leika en þessi störf
byggjast bæði á því að hafa áhuga á fólki og brenna af ástríðu fyrir ein-
hverju. Svo er eins gott að hafa gaman af þessu öllu, annars er þetta nú
lítils virði.
Morgunblaðið/Styrmir Kári
ILMUR KRISTJÁNSDÓTTIR
SITUR FYRIR SVÖRUM
Elskar
snjóinn
Í fókus
2 MORGUNBLAÐIÐ SUNNUDAGUR 20.12. 2015
Þetta er erfitt. Ekkert sem stendur upp úr
eftir öll þessi ár. Jú, kærastinn minn gaf mér
einu sinni tölvu, það var mjög góð gjöf.
Þórdís Vala Þórðardóttir
Skautar þegar ég var tólf ára.
María Viðarsdóttir
Ég er bara ánægður með allt. Það er eftir-
minnilegt að um fermingu fengum við bræð-
ur skíði. Það var fín og góð gjöf.
Almar Danelíusson
Matchbox-bíll sem ég fékk þegar ég var sex
ára. Af því að allt hitt voru mjúkir pakkar.
Davíð Jónsson
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
SPURNING VIKUNNAR HVAÐ ER BESTA JÓLAGJÖF SEM ÞÚ HEFUR FENGIÐ?
Njála er jólasýning
Borgarleikhússins og
styttist í frumsýningu. Lof-
að er litríkri og forvitnilegri
leikhúsveislu en Brynhild-
ur Guðjónsdóttir leikur
Njál. Æfingar standa yfir
og fékk ljósmyndari að
skyggnast á bak við tjöldin
þar sem leikhúsfólk var á
þönum. Baksviðs 46
ÚR BLAÐINU
Forsíðumyndina tók
Árni Sæberg
Sunnudagsblaðið mælir
með nokkrum spenn-
andi borðspilum frá
síðustu árum sem eru
tilvalin fyrir fjölskylduna
til að spila saman.
Jólafríið er kjörinn tími
fyrir spilamennskuna.
Fjölskyldan 36
Í nýjustu bók sinni Litlar byltingar – draumar um betri
daga segir Kristín Helga Gunnarsdóttir sögur tíu
íslenskra alþýðukvenna. Hún skrifar nú fyrir fullorðna
en hefur fram til þessa einkum skrifað bækur fyrir
börn og unglinga. Bækur 56
Sporvagninn Girnd verð-
ur jólasýning Þjóð-
leikhússins í ár. Stefán
Baldursson leikstýrir
verkinu af alkunnri fag-
mennsku. Stefán snýr aft-
ur í Þjóðleikhúsið eftir
áratug í óperuheimum.
Menning 52
Ilmur Kristjánsdóttir leikur í spennuþáttunum Ófærð sem frumsýndir verða á
RÚV 27. desember. Hún er jafnframt formaður velferðarráðs Reykjavíkur-
borgar og varaborgarfulltrúi Bjartrar framtíðar.