Morgunblaðið - Sunnudagur - 20.12.2015, Blaðsíða 47

H
eimur leikhússins er sveipaður dulúð og töfrum. Þegar
tjaldið er dregið upp sér áhorfandinn afrakstur þrotlausrar
vinnu leikara, dansara, leikstjóra, búningahönnuða, sviðs-
myndahönnuða, tæknimanna, handritshöfunda og margra
annarra. En á bak við tjöldin er falinn heimur sem áhorf-
andinn fær ekki að sjá. Ljósmyndari Morgunblaðsins fékk að vera fluga á
vegg á þessum litríka og óvenjulega vinnustað sem Borgarleikhúsið er.
Nú eru í gangi stífar æfingar fyrir Njálu, jólasýninguna í ár. Baksviðs
var nóg um að vera. Þar gekk fólk um með hárkollur á höfði og svartar
tennur, það handfjatlaði handrit og þuldi línurnar sínar. Dansarar liðu um
gólf í undarlegum korselettum og stigu trylltan dans. Það var ys og þys og
leikstjórinn, Þorleifur Örn Arnarsson, stökk á sviðið til að ræða málin við
dansarana. Njáll sjálfur, leikinn af Brynhildi Guðjónsdóttur, stóð á sviðinu
í eigin heimi, niðursokkinn í handritið. Greinilegt er að uppfærslan verður
óhefðbundin og ögrandi og miðað við búninga, förðun og dansinn sem dun-
aði þegar ljósmyndara bar að garði verður sýningin veisla fyrir augað.
Njála í nýjum búningi
BRENNU-NJÁLSSAGA ER VIÐFANGSEFNI JÓLASÝNINGAR BORGARLEIKHÚSSINS Í ÁR EN FRUMSÝNT VERÐUR
30. DESEMBER. ÞAÐ VAR Í NÓGU AÐ SNÚAST Á BAK VIÐ TJÖLDIN Í VIKUNNI ENDA STYTTIST Í FRUMSÝNINGU.
ÁHORFENDUR MEGA BÚAST VIÐ ÖGRANDI OG FORVITNILEGRI UPPFÆRSLU Á SÍGILDU BÓKMENNTAVERKI OKKAR.
Myndir og texti: Ásdís Ásgeirdóttir asdis@mbl.is
Brynhildur Guðjónsdóttir
leikur Njál í jólasýningu
Borgarleikhússins.
Þorleifur Örn Arnarsson
stendur á sviði með
dönsurum og leikurum.
Vala Kristín Eiríksdóttir
hlustar með athygli á
orð leikstjórans.
20.12. 2015 MORGUNBLAÐIÐ SUNNUDAGUR 47