Morgunblaðið - Sunnudagur - 20.12.2015, Blaðsíða 41

20.12. 2015 MORGUNBLAÐIÐ SUNNUDAGUR 41
S
máhesturinn á í bölvuðu basli með sjálfan sig þessa dagana. Hon-
um líður nefnilega akkúrat núna eins og fólki líður yfirleitt annan
í jólum. Ástandið er svona eins og þegar fólk er búið að ofstöffa
sig af allt of góðum mat og langar varla til að lifa lengur vegna of-
gnóttar.
Það verður að játast hér með að það er ekki alveg eðlilegt að vera kom-
inn á þennan stað fimm dögum fyrir jól. Eins og staðan er núna þyrfti
helst að keyra með smáhestinn upp í Víðidal og láta lóga honum eða finna
nýja leið til að víra saman á honum kjaftinn þannig að ekkert kæmist inn
fyrir hans varir nema alveg tær vökvi (eins og til dæmis vatn).
Eftir að smáhesturinn fór að lyfta lóðum og iðka sykurleysi af mikilli
hjartans lyst hefur þolið fyrir óhollustu aukist svo hryllilega mikið að
þetta jaðrar við að vera vandamál. Í hvert skipti sem hann „brýtur“ eigin
reglur og stöffar sig með sæta-
brauði og súkkulaði verður lík-
amleg og andleg líðan svo slæm
að hún jaðrar við hættumörk.
Smáhesturinn er reyndar
ekki ennþá kominn í jólaölið en
hann tók svo hraustlega á því
með söruáti í vikunni að hann
var að hugsa um að reyna að fá
innlögn á einhverja stofnun.
Þegar smáhesturinn druslað-
ist á leikfimisæfingar í vikunni
fannst honum hann ekki geta
neitt og allt varð eitthvað ómögulegt. Sjálfstraustið alveg í kjallaranum
og allt það.
Og þegar smáhesturinn þurfti í alvörunni að hugsa sig um áður en
hann staðfesti komu sína í teiti þá hugsaði hann með sér að eitthvað væri
að. Þá áttaði hann sig á því að átið væri að leika hann svo grátt að hann
væri að missa lífsviljann. Að vilja frekar vera heima uppi í sófa að horfa á
sjónvarpið en að hitta vini sína er ekki alveg nógu gott og í raun alveg úr
karakter. Það er að segja ef smáhesturinn hefur einhvern karakter yfir-
höfuð.
Smáhesturinn er því kominn í „létta sultun“ fyrir jólin svo það þurfi
ekki að keyra hann upp í Víðidal. Það skiptir nefnilega máli að geta tekið
á móti nýju ári með bros á vör og með hjartað fullt af þakklæti. Og þó
vandamálin flokkist öll sem fyrsta heims vandamál þá verður samt að tala
um þau – og þið sem kannist við þetta vitið núna að þið eruð ekki ein. Jai
Baguan. martamaria@mbl.is
Vantar far upp
í Víðidal?
* Þegar smáhest-urinn druslaðistá leikfimisæfingar í
vikunni fannst hon-
um hann ekki geta
neitt og allt varð eitt-
hvað ómögulegt.
Í S L E N S K H Ö N N U N O G S M Í Ð I
LAUGAVEGI 61 KRINGLUNNI SMÁRALIND
Árvakur leitar að duglegum
einstaklingum í 50% hlutastarf.
Um er að ræða dreifingu á höfuðborgarsvæðinu. Vinnutíminn er
3-4 tímar í senn, sex daga vikunnar og að mestu í næturvinnu.
Góðir tekjumöguleikar og fín hreyfing fyrir duglegt fólk.
Viðkomandi þarf að vera orðinn 18 ára og hafa bíl til umráða.
Umsóknir er hægt að fylla út á mbl.is, neðst á forsíðu.
Á umsóknareyðublaðinu skal tiltaka dreifingu þegar spurt
er um ástæðu umsóknar. Einnig er hægt að skila inn umsókn
merktri starfsmannahaldi í afgreiðslu Morgunblaðsins
í Hádegismóum 2.
Fyrir frekari upplýsingar má hafa samband við
dreifingarstjóra Árvakurs, Örn Þórisson
í síma 569-1356 eða á ornthor@mbl.is
Aukavinna
fyrir orkubolta