Morgunblaðið - Sunnudagur - 20.12.2015, Blaðsíða 36
36 MORGUNBLAÐIÐ SUNNUDAGUR 20.12. 2015
Fjölskyldan Gerður Kristný og Guðni Líndal Benediktsson lesa upp úr nýútkomn-um bókum sínum, Dúkku og Leyndardómi erfingjans, og spjalla við
börnin klukkan 13 sunnudaginn 20. desember á Kex hosteli. Upplest-
urinn er hluti af dagskrá sem kallast heimilislegir sunnudagar.
Dúkka og Leyndardómur erfingjans
Sjá útsölustaði Crabtree & Evelyn á www.heggis.is
Þ
að hefur orðið mikil borð-
spilavakning hér á landi
síðustu ár. Úrvalið hefur
aukist í verslunum og
þessi heimur opnast fyr-
ir landanum. Hér verða
talin upp nokkur spil
sem eru skemmtileg fyr-
ir alla fjölskylduna. Það
er svo margt annað til
en matador, þó að það
geti alveg staðið fyrir
sínu, en það þarf að
minnsta kosti enginn að spila lúdó
um jólin frekar en hann vill. Borðs-
pil eru líka fín jólagjöf eða möndlu-
gjöf og geta sameinað systkini og
fjölskyldur í ljúfum leik. Það þýðir
að minnsta kosti ekki að vera of
tapsár. Þessi spil er almennt hægt
að spila á innan við klukkutíma
sem er mikill kostur. Þannig fara
ekki heilu dagarnir í eitt spil og
þeir sem tapa fá strax tækifæri til
að gera betur í öðrum leik.
Fyrir þá sem vilja kynna sér
borðspil eru þýsku verðlaunin Spil
ársins (Spiel des Jahres) áhrifa-
mikil verðlaun og jafnframt gæða-
stimpill.
Haldin hafa verið Íslandsmeist-
aramót í sumum þessum spilum.
Hægt er að hafa það í huga ef fjöl-
skyldan er orðin þreytt á að spila,
þá er gott að leita að fleiri spilavin-
um.
Catan
Þetta er sígilt fjölskylduspil fyrir
tíu ára og eldri en það kom út árið
1995 í Þýskalandi. Spilið er marg-
verðlaunað og hefur
selst í 22 milljónum
eintaka og verið
þýtt á 30 tungumál,
þar á meðal ís-
lensku. 2-4 geta
spilað það en
líka er hægt að
kaupa ýmsar
viðbætur til að gera spilið fjöl-
breytilegra og svo fleiri geti
spilað.
Spilið snýst um eyjuna Cat-
an. Leikmenn nema þar land,
leggja vegi, stofna þorp sem
þróast yfir í borgir. Keppst er
um landsvæði og auðlindir. Það
sem er svo skemmtilegt við
þetta spil er að upphafsborðið er
alltaf ólíkt því sexhyrningar eru
lagðir saman í nýtt munstur í
hvert sinn. Auðlindir eru takmark-
aðar og gefa mismikið af sér og á
endanum stendur uppi einn lands-
höfðingi en spilinu lýkur þegar
ákveðnum stigafjölda er náð og
getur oft verið mjótt á mununum.
Carcassonne
Carcassonne er einfalt og snjallt
borðspil, þar sem þátttakendur
mæta nýjum áskorunum í hverjum
leik. Landslagið
umhverfis Car-
cassonne er
mótað með því
að leggja niður
reiti og raða
þeim saman.
Byrjunarborðið
sjálft er því ekki
eiginlegt borð
heldur raðast
saman á nýjan
hátt í hvert sinn og stækkar í
hverri umferð. Kostur er að Car-
cassonne hentar sérlega vel fyrir
tvo leikmenn og auðvelt er að setja
nýja leikmenn inn í spilið og reglur
þess.
Grunnspilið kom fyrst út árið
2000 en eftir það hafa komið út yf-
ir 30 viðbætur.
Carcassonne er fyrir 2-5 leik-
menn sjö ára og eldri og er mjög
gott fjölskylduspil.
7 Wonders
Þetta spil kom út árið 2010 og er
margverðlaunað. Það trónir einnig
á toppi lista Boardgamegeek yfir
bestu fjölskylduspilin.
Þetta er
spil fyrir
tíu ára og
eldri og
geta 2-7
spilað það.
Allir gera
í einu
þannig að
þegar allir
kunna spilið þá tekur spilið bara
hálftíma í spilun sama hve margir
spila.
Þetta er uppbyggingarspil þar
sem spilari reynir að vera með
magnaðasta veldið í lok þriggja
alda. Hægt er að einbeita sér að
byggingum, vísindum eða hernaði
auk þess sem leikmennt geta byggt
eitt undur veraldar, annað hvort að
fullu eða hluta til. Sá sem hefur
síðan staðið sig best í uppbygging-
unni ber svo sigur úr býtum.
Ticket to Ride
Spilið gengur út á að finna lest-
arleið á milli borga. Leikmenn fá
úthlutað lestarleiðum og reyna að
eigna sér
leiðir smám
saman frá
einni borg
og í aðra.
Lituð
spil eru
notuð til
að eigna
sér leiðir
og litlir lestarvagnar settir á
teinana til að sýna eignarhlut
viðkomandi leikmanns. Sá vinn-
ur sem fær flest stig. Sumar leiðir
eru lengri en aðrar og gefa þá
fleiri stig en ekki er gott að ná
ekki að ljúka leið.
Spilið er fyrir 2-5 leikmenn átta
ára og eldri.
Það er til fyrir lestarkerfi mis-
munandi landa og svæða, til dæmis
Bandaríkjanna, Bretlands, Norður-
landa og Evrópu.
Bohnanza
Þetta er skemmtilegt spilastokka-
spil þar sem þátttakendur setja
niður baunir í 2-3 akra og reyna að
selja þær með eins miklum hagnaði
og þeir geta. Þegar baunir eru
seldar fást fleiri gullpeningar fyrir
margar baunir af sömu tegund.
Markmið spilsins er að vinna sér
inn flesta gullpeninga með því að
setja niður, taka upp og selja
baunir. Ef leikmenn eru ekki fyrir-
hyggjusamir
geta þeir
neyðst til að
þurfa að taka
upp og selja
baunirnar áður
en þær þrosk-
ast og á lægra
verði en þeir
höfðu gert sér
vonir um.
Stundum fæst jafnvel ekkert gull
fyrir uppskeruna.
Þetta þykir skemmtilegt og
fjörugt spil, sem býður upp á mikil
samskipti milli leikmanna.
Bohnanza er fyrir 2-7 leikmenn,
tíu ára og eldri.
Dominion
Það var valið spil ársins árið 2009.
Það snýst um að byggja upp sitt
litla konungdæmi
með því að kaupa
og bæta alls kyns
spilum við veldi
sitt. Kænskan felst
í því að byggja
upp spilastokk
með mismunandi
spilum sem gera spilaranum kleift
að skemma fyrir hinum eða bæta
ríkidæmi sitt.
Spilið er fyrir 2-4 leikmenn 13
ára og eldri.
Pandemic
Pandemic kom
nýlega út í ís-
lenskri þýðingu.
Það þykir
skemmtilegt
samvinnuspil þar
sem leikmenn
koma saman til
þess að reyna að
sigrast á fjórum sjúkdómum áður
en þeir tortíma mannkyninu. Það
er fyrir 2-4 leikmenn átta ára og
eldri og reynir á samstarfshæfni
og útsjónarsemi. Leikmannahóp-
urinn setur sig í hlutverk sóttvarn-
arteymis, ferðast um heiminn og
meðhöndlar og kemur í veg fyrir
útbreiðslu hættulegra farsótta og
faraldra. Nauðsynlegt er að vinna
saman til að takast ætlunarverkið.
Samvinnuspil þýðir að leikmenn
sigra eða tapa saman. Það getur
verið gott til að treysta fjöl-
skylduböndin.
Heimildir: Boardgamegeek.com,
bordspil.is, spilavinir.is og nor-
dicgames.is en þar er líka að
finna upplýsingar um fjölmörg
borðspil til viðbótar.
LEIÐARVÍSIR UM BORÐSPIL
Spennandi og
fjölbreytileg
ÞAÐ ER FRÁBÆR SKEMMTUN FYRIR FJÖLSKYLDUR AÐ
SPILA SAMAN. JÓLAFRÍIÐ ER KJÖRINN TÍMI TIL AÐ
SETJAST SAMAN VIÐ BORÐIÐ OG HAFA ÞAÐ NOTALEGT
YFIR ÁHUGAVERÐU SPILI. EN HVAÐA BORÐSPIL ERU
SKEMMTILEG? SUNNUDAGSBLAÐIÐ MÆLIR HÉR MEÐ
NOKKRUM GÓÐUM FYRIR ÝMSA ALDURSHÓPA.
Inga Rún Sigurðardóttir ingarun@mbl.is
Catan er margverðlaunað borðspil, sem hefur selst í 22 milljónum eintaka og verið þýtt á 30 tungumál, m.a. íslensku.
Ljósmynd/Wikipedia