Morgunblaðið - Sunnudagur - 03.04.2016, Qupperneq 22

Rænd
framtíðinni
Miskunnarlaust stríð hefur staðið yfir í Suður-Súdan í tvö ár. „Þar
skiptast stjórnarhermenn og uppreisnarhópar á að brenna niður þorp,
nauðga konum og stúlkum, gelda drengi, drepa karlmennina eða þvinga
þá til að slást í hópinn. Eins og svo oft áður er það saklaust fólk, aðal-
lega börn, sem þjáist mest,“ segir Sunna Ósk Logadóttir í grein sinni sl.
fimmtudag í Morgunblaðinu en hún heimsótti flóttamannabúðirnar í
Adjumani-héraði í Úganda nýlega ásamt Kristínu Heiðu Kristinsdóttur
sem fangaði mannlífið þar í myndum. Langflestir sem flýja stríðs-
ástandið í Suður-Súdan fara til Úganda og konur og börn eru í miklum
meirihluta. Mörg börn koma ein. Allar líkur eru á að þau verði árum eða
áratugum saman í flóttamannabyggðunum, jafnvel ævina á enda. Þau
hafa verið rænd framtíðinni. khk@mbl.is
„Monsungu!“ (hvíti maður) kölluðu sum börnin í forundran þegar þau sáu bleiknefjaðan ljósmyndara og þyrptust að til að
snerta ljóst hörund manneskju frá Íslandi. Sumum þeirra leist ekkert á þetta fyrirbæri og settu í brýrnar, önnur hlógu.
Heimili fólks í flóttamannabyggðunum eru gerð úr leir með þéttu og
regnheldu stráþaki. Þessi fjölskylda hafði skreytt hús sitt með teikningum.
Örbirgðin er mikil og margir eiga enga skó og sumir engin
klæði. Einhverjir eiga bros og passa vel hver upp á annan.
Þessi kona bar þess merki að hafa reynt ýmislegt um ævina
og yfir öxl hennar gægðist barnið á bakinu fullt undrunar.
Í FLÓTTAMANNABÚÐUM Í ÚGANDA
22 MORGUNBLAÐIÐ SUNNUDAGUR 3.4. 2016