Morgunblaðið - Sunnudagur - 24.04.2016, Blaðsíða 31

RÓM Á vefnum www.mypremiu-
meurope.com bloggar höf-
undur meðal annars um Róm,
en líklega hefur um fáar
borgir jafnmikið verið
skrifað. Flestum er kunn-
ugt um helstu kennileiti
borgarinnar á borð við Co-
losseum, Trevi-gosbrunn-
inn og fleira. Í færslu sem
höfundur nefnir Hidden gems
of Rome, eða Leyndar perlur
Rómar, er farið yfir nokkra staði
sem eru utan alfaraleiðar og ferðamenn
horfa oft framhjá.
Monte Mario er 139 metra hæð rétt utan Rómar
en af toppi hennar er útsýni yfir alla borgina. Hæðin
er norðvestur af borginni og það tekur um korter að
keyra þangað frá miðborg Rómar. Þar eru fallegar
gönguleiðir og almenningsgarður sem er þess virði
að heimsækja.
Það vantar ekki kirkjurnar í Róm en bloggarinn
bendir á Santa Prassede-kirkjuna sem fáir heim-
sækja. Kirkjan er frá 8. öld og óskaplega falleg, en
fellur gjarnan í skuggann af öðrum stærri og þekkt-
ari kirkjum borgarinnar.
PARÍS „En viltu í alvörunni koma aftur heim og hljóma eins og þú hafir bara fylgt eftir
hefðbundnum leiðarvísi um París?“ Svona spyr bloggari sem heldur úti blogginu
www.parisyearabroad.com um leið og upplýst er um fjölda leynistaða í borginni sem
ekki eru tilgreindir í almennum upplýsingum
sem gefnar eru ferðamönnum. Færsluna kall-
ar bloggarinn: Hidden Paris: The Secret
Spots That Parisian Locals Don’t Want Us
to Find sem á íslensku myndi útleggjast sem
Dulda París: Leynistaðirnir sem Parísarbúar vilja
ekki að við finnum.
Bent er meðal annars á þá áhugaverðu staðreynd að
alla miðvikudaga og laugardaga er hægt að fara á nám-
skeið býflugnarækt í Jardin du Luxembourg eða Lúx-
emborgargarði. Áhugasömum er bent á að bý-
flugnaræktin þar sem námskeiðin eru haldin eru í
suðvesturhorni garðsins.
Höfundur bloggsins bendir ennfremur á verslunina
Deyrolle (www.deyrolle.fr) sem sérhæfir sig í uppstopp-
uðum dýrum. Heimsókn í hana ku vera vel þess virði,
ekki aðeins fyrir safnara heldur fyrir þá sem vilja sjá
eitthvað svolítið skrýtið og öðruvísi.
Arkitektúr Strawberry Hill House er áhugaverður.
Utan alfaraleiðar í London, París og Róm
Opinberar vefsíður stórborga geta verið ágæt leið til að afla grunnupplýsinga um staðinn sem
ferðast á til. Vilji fólk kafa dýpra og fá nánari innsýn í staðinn eru ferðablogg prýðileg leið til
upplýsingaöflunar. Oft er þar að finna ábendingar um „leynistaði“ sem oft vilja gleymast.
Eyrún Magnúsdóttir eyrun@mbl.is
LONDON Á blogginu www.theeverygirl.com
er skrifað um leynistaði Lundúnaborgar í færsl-
unni 10 hidden sights in London, England.
Margir telja sig þekkja London en bloggarinn
telur sig geta bætt ýmsu við þá þekkingu. Hún
bendir til að mynda á Strawberry Hill House sem
er víst mögnuð upplifun sem jafnast á við góða
leikhúsferð. Frekari upplýsingar um þetta sögu-
fræga hús, sem ferðamenn heimsækja þó ekki í
stórum stíl, er að finna á vefnum
www.strawberryhillhouse.org.uk en
þar eru einnig leiðbeiningar um
hvernig má komast þangað.
Bloggarinn telur upp fleiri leyni-
staði í London. Hún bendir á að það
séu fleiri hverfi sem skarti fögrum
litum en Notting Hill-hverfið, sem er
þekkt fyrir litrík hús. Bywater
Street í Chelsea-hverfinu státar af
húsum í öllum regnbogans litum og
það er vel þess virði fyrir ferðalanga
að leggja lykkju á leið sína til að
ganga um þessa fallegu götu.
Getty Images/iStockphoto
Útsýnið frá Monte
Mario hæðinni yfir
Róm að kvöldlagi.
Lúxemborgargarður í
París laðar marga að,
en færri vita að þar er
hægt að fara á nám-
skeið í býflugnarækt.
Deyrolle
verslunin í
París selur
uppstoppuð
dýr.
Bjartir og sumarlegir litir einkenna
húsin við Bywater Street.
24.4. 2016 MORGUNBLAÐIÐ SUNNUDAGUR 31
Höfðabakka 9, 110 Reykjavík, sími 525 8210
eddaehf@eddaehf.is • www.eddaehf.is
EDDA
HEILDVERSLUN
Stofnsett 1932
Allt lín fyrir:
Hótelið - Gistiheimilið - Bændagistinguna - Airbnb
Rúmföt og lök
Handklæði
Sængur og koddar
Sloppar og inniskór
ÚRVALS SÓSUR
ÍSLENSK FRAMLEIÐSLA
Santa Prassede-kirkjan í
Róm er gullfalleg en færri
ferðamenn heimsækja
hana en margar aðrar.