Morgunblaðið - Sunnudagur - 24.04.2016, Blaðsíða 2

2 MORGUNBLAÐIÐ SUNNUDAGUR 24.4. 2016
Barnamyndir hafa einkennt Facebook-færslur undanfarið. Í tilefni afBarnamenningarhátíð var fólk hvatt til að setja myndir af sér frá því íbarnæsku á samfélagsmiðilinn og tengja við myllumerkið #barna-
menning.
Þegar myndirnar eru skoðaðar kemur upp í hugann sú staðreynd að einu
sinni voru allir börn. Einu sinni voru allir með bollukinnar og blik í augum.
En eftir því sem horft er lengur á myndirnar kemur fleira en krúttlegar
kinnar og sakleysisbrosin upp í hugann. Hvað með alla þá sem síðan hættu að
brosa svona blítt eins og á fyrstu árum ævinnar?
Fyrir þá sem urðu fyrir einelti í grunnskóla er eflaust ekkert gleðiefni að
rifja upp myndir úr barnæsku. Á
grunnskólaárunum fá því miður allt
of margir þau skilaboð að þeim sé
ofaukið. Allt í einu er börnum sagt af
jafnöldrum sínum að þau eigi ekki að
heyrast og ekki sjást. Enginn vilji
þau.
Nýjustu skelfingardæmin um
þetta eru neteinelti þar sem börn
senda öðrum börnum skilaboð og
óska þeim alls ills – jafnvel dauða.
Segja þeim, þessum sem áður voru
full af gleði og krúttleika og brostu
sínu blíðasta í myndavélina, að þau
ættu bara helst ekki að vera til.
Hvar svo sem það birtist getur ein-
elti í sinni ömurlegustu mynd leitt
það af sér að þolandinn hættir að
vilja vera til.
Við sem eigum börn á grunnskólaaldri berum mikla ábyrgð. Með betri
fræðslu um einelti og stóraukinni vitund um skelfilegar afleiðingar þess höf-
um við nú aukin tækifæri til að hjálpa börnum okkar að berjast gegn einelti,
hvort sem börnin kunna að vera gerendur, þolendur eða áhorfendur. Þeir
sem rannsakað hafa einelti segja að allir þessir hópar þurfi stuðning og
fræðslu. Fyrir örfáum áratugum var engin fræðsla, enginn stuðningur og
ekki jafnmikil vitund um alvarleika eineltis.
Barnamyndirnar eru krúttlegar, en það var samt ekki allt betra í gamla
daga. Nú höfum við tækifæri til að breyta. Barnamyndirnar minna okkur á
að allir fæðast með sama rétt til að njóta viðurkenningar og enginn hefur rétt
á að hrifsa blik úr augum barnsins.
Grunnskólabörn í Varmárskóla í Mosfellsbæ vöktu athygli fyrr í vetur þegar
þau dönsuðu kröftuglega gegn einelti.
Morgunblaðið/Styrmir Kári
Bollukinnar og
breyttir tímar
Pistill
Eyrún
Magnúsdóttir
eyrun@mbl.is
’Við sem eigum börn ágrunnskólaaldri ber-um mikla ábyrgð. Meðbetri fræðslu um einelti
og stóraukinni vitund um
skelfilegar afleiðingar
þess höfum við nú aukin
tækifæri til að hjálpa
börnum okkar.
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Eyrún Magnúsdóttir eyrun@mbl.is Gunnþórunn Jónsdóttir gunnthorunn@mbl.is Inga Rún Sigurðardóttir ingarun@mbl.is
Júlía Margrét Alexandersdóttir julia@mbl.is Orri Páll Ormarsson orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Saga Ólafsdóttir
Í fyrsta lagi var ég frekar hissa. Í
öðru lagi var ég frekar vonsvikin og
í þriðja lagi vona ég að Guðni Th. Jó-
hannesson bjóði sig fram!
SPURNING
DAGSINS
Hvað
finnst þér
um að
Ólafur
Ragnar
hafi boðið
sig fram
aftur? Úranus Ingi Kristinsson
Ég hefði ekki gert það ef ég væri
hann, ég hefði leyft öðrum að kom-
ast að.
Morgunblaðið/Ásdís
Sigríður Björnsdóttir
Ég held að það sé tími til kominn að
skipta.
Ægir Máni Helgason
Mér er eiginlega sama. Ég ætla ekki
að kjósa hann en mér er nokkuð
sama ef hann kemst áfram.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Morgunblaðið/Golli
JÚLÍAN JÓHANN KARL JÓHANNSSON
SITUR FYRIR SVÖRUM
Sterkur í sagnfræði
Forsíðumyndina tók
Golli.
Júlían J. K. Jóhannsson varð um síðustu helgi Evrópumeist-
ari unglinga í kraftlyftingum, 23 ára og yngri, í +120 kg
flokki. Keppt var í Malaga á Spáni. Júlían lyfti alls rúmu
tonni og bætti samanlagðan árangur sinn um 37,5 kg.
Hefurðu alltaf verið stór og sterkur?
Já. Ég æfði körfubolta þegar ég var yngri, var stærstur og sterkastur, en
svo liðu árin og ég var allt í einu bara sterkastur! Þá langaði mig að verða
enn sterkari, prófaði kraftlyftingur og fann að þar ætti ég heima.
Kraftakarlar tala oft um hve mikið þeir borða. Þú læt-
ur væntanlega meira ofan í þig en meðalmaður?
Já, ég er í þyngsta keppnishópnum svo ég borða töluvert! Reyni
að vera skynsamur en ég borða mjög mikið kjöt, mikið af
skyri og ýmsum klassískum mat.
Hvað lyftirðu miklu á EM?
Ég tók 1.050 kíló samanlagt; 395 í hnébeygju,
290 í bekkpressu og 365 í réttstöðulyftu. Ég
hef aldrei lyft svona miklu í hnébeygju
eða réttstöðulyftu, tók jafn mikið í bekk
á EM unglinga í fyrra en náði þá ekki
gildri hnébeygju og féll úr leik.
Áttirðu von á þessu?
Undirbúningur gekk mjög vel þar til
fyrir þremur vikum að ég tognaði í innan-
lærisvöðva. Ég var bjartsýnn þrátt fyrir
það; maður er alltaf að togna eitthvað og orðinn
fær í að takast á við það! Aðalátakið er ekki á
þennan vöðva og ég fann ekki fyrir neinu á mótsstað,
enda búinn að liggja í nuddi og kælingu vikurnar á undan.
Hvaðan voru helstu keppinautarnir?
Það voru Úkraínumaður og Rússi, sem er yfirburðamað-
ur í hnébeygju, lyfti 430 kílóum en tók 5 kg minna en ég í
bekk. Fyrir síðustu grein, réttstöðulyftuna, hafði hann 30
kílóa forskot á mig en þar lyfti ég 42,5 kg meira en hann.
Bestur í Evrópu en hvar ertu á heimsvísu?
Ég varð heimsmeistari í mínum aldursflokki í fyrra svo ég
get sagt; það er skrýtið en samt gaman: ég er fremstur
meðal jafningja og stefni á að staðfesta það á HM unglinga í
haust. Það er þónokkuð upp í þá allra sterkustu, í fullorðins-
flokki, en það er ekki mjög langt upp í topp 10 í heiminum og
mér finnst raunhæft að ég komist í þann hóp á næsta ári, á
fyrsta ári mínu í fullorðinsflokki. Það er ekki svo langt síðan
þeir bestu voru í unglingaflokki; sá besti er 26 ára.
Hvað er svo framundan?
Næst er Íslandsmeistaramótið og þar sem þetta er síðasta
keppnisárið mitt í unglingaflokki stefni ég að því að keppa
oftar en áður. HM unglinga er í haust og þá ætla ég líka að
vera með í opnum flokki á HM fullorðinna.
Þú ert að læra sagnfræði; er stefnan að
verða sterkasti sagnfræðingur í heimi?
Þú segir nokkuð! Mér hefur gengið vel hingað til í náminu, í
kringum mót á maður að vísu til að vanrækja það en ég er
búinn með tvö ár í BA-námi og finnst þetta mjög gaman.