Morgunblaðið - Sunnudagur - 24.04.2016, Blaðsíða 44

44 MORGUNBLAÐIÐ SUNNUDAGUR 24.4. 2016
LESBÓK
KVIKMYNDIR Emily Blunt er í aðalhlutverki í
kvikmyndinni The Girl on the Train en fyrsta stikl-
an úr myndinni var frumsýnd í vikunni. Þetta er
sálfræðitryllir og þykir minna á Gone Girl sem var
með Ben Affleck í aðalhlutverki. Myndin verður
frumsýnd í haust. Hún fjallar um konu sem ferðast á
hverjum einasta degi með lest framhjá húsinu þar
sem fyrrverandi eiginmaður hennar býr ásamt nýju
konunni sinni. Blunt leikur Rachel, en hún er alkó-
hólisti sem var gift Tom (Justin Theroux). Inn í
þetta fléttast dularfullt morð og Rachel sjálf er
grunuð en hún man ekki hvað gerðist eitt örlagaríkt
kvöld. Myndin er byggð á samnefndri metsölubók
eftir Paulu Hawkins.
Stúlkan í lestinni
Emily Blunt uppáklædd á frumsýningu.
AFP
TÓNLIST Sýning tileinkuð pönkhljómsveit-
inni Ramones var opnuð í Queens-safninu í
New York í mánuðinum. Sýningin ber nafnið
Hey! Ho! Let’s Go! Ramones og fæðing pönks-
ins. Sýningin hefur verið þrjú ár í undirbún-
ingi og mun síðan ferðast víða. Sýningin
fagnar lífi og ferli Joey, Johnny, Dee Dee og
Tommy Ramone. Þetta er fyrsta sýningin
sem er tileinkuð Ramones. Á henni er að
finna alls kyns gripi tengda sveitinni sem
vekja áreiðanlega skemmtilegar minningar,
ekki síst hjá eldri aðdáendum. Fyrir áhuga-
sama er rétt að geta þess að hún stendur yfir
til 31. júlí.
Sýning um Ramones
Aðdáandi skoðar sýninguna.
AFP
Íslendingar kjósa sér forseta ísumar, eins og varla hefur fariðframhjá nokkrum manni í lýð-
veldinu undanfarna daga. Níu vikur
eru til kjördags. Nú eru sjö vikur til
annars merkisviðburðar; þegar gera
má ráð fyrir að meginþorri lands-
manna, fótboltaáhugamenn og aðrir,
verði með hugann við Evrópumótið í
Frakklandi.
Margir munu án nokkurs vafa
sitja límdir við Skjá 1 þegar flautað
verður til fyrsta leiks karlalandsliðs
Íslands á stórmóti. Þá verða næstum
því jól hjá mörgum!
Endalausar vangaveltur verða í
aðdraganda forsetakjörs um hver
hreppir hnossið en litlu minni, ef að
líkum lætur, um mögulegt gengi Ís-
lands á Evrópumótinu í Frakklandi
og hverjir verði fulltrúar okkar þar.
Enginn nennir lengur að velta fyr-
ir sér hvort landsliðsbúningurinn nýi
er fallegur eður ei svo hægt er að
snúa sér að aðalatriðinu á ný: að
hlakka til EM af miklum krafti!
Allir lykilmenn liðsins frá undan-
keppninni eru öruggir með sæti í
landsliðshópnum ef þeir sleppa við
meiðsli, en jafnframt verður spenn-
andi að sjá hvort þjálfararnir Lars
og Heimir draga eitthvað óvænt upp
úr hattinum þegar tilkynnt verður
hverjir skipa endanlegan hóp og
hvað það verður þá.
Hannes Þór Halldórsson mark-
maður meiddist illa í haust og missti
af síðasta leik undankeppninnar en
er blessunarlega orðinn heill heilsu á
ný og stendur án efa á milli stang-
anna. Samspil hans og varnarinnar
er svo gott að best er að halda öllu
óbreyttu þar. Meiðist enginn verða
því Birkir Már Sævarsson, Kári
Árnason, Ragnar Sigurðsson og Ari
Freyr Skúlason í vörn. Akkerið á
miðjunni verður sem fyrr Aron Ein-
ar Gunnarsson, fyrirliði, ódrepandi
baráttujaxl sem er liðinu gríðarlega
mikilvægur og ekki síður starfs-
bróðir hans, Gylfi Sigurðsson – óum-
deild stjarna liðsins, sem borið hefur
lið Swansea á herðum sér í
ensku úrvalsdeildinni síðustu
vikur. Það góða við Gylfa er að
velgengnin stígur honum ekki
til höfuðs; hann er besti leikmaður
Íslands en ekki of fínn til að vinna
skítverkin líka þegar með þarf.
Hjálpar í raun ótrúlega mikið til í
vörn en er samt iðulega hættulegasti
sóknarmaðurinn í sömu andrá. Jó-
hann Berg Guðmundsson og Birkir
Bjarnason eru óumdeilanlega fyrstu
kostir í stöðu vængmannanna
tveggja á miðjunni og í fremstu víg-
línu hafa mest leikið Kolbeinn Sig-
þórsson og Jón Daði Böðvarsson, en
nú gera aðrir framherjar líka tilkall
til stöðu í byrjunarliðinu, ekki síst
Alfreð Finnbogason sem hefur
heldur betur náð sér á strik á ný
eftir að hann fluttist til
Þýskalands í
vetur. Svo er það
kóngurinn, Eiður
Smári Guðjohnsen,
sem gengur í endurnýj-
un lífdaga með Molde í
Noregi; maðurinn
sem hugsar hraðar
en aðrir, eins og
Norðmenn hafa átt-
að sig á.
Ég segi (næstum
því) eins og í auglýs-
ingunni: Hann verð-
ur að vera með!
Ari Freyr Skúlason, Birkir
Bjarnason og Gylfi Sigurðsson
fagna sigurmarki þess
síðastnefnda á móti Hollandi í
Amsterdam í fyrrahaust.
Morgunblaðið/Skapti Hallgrímsson
Fyrsti leikur Íslands á EM
verður gegn Cristiano Ro-
naldo og samherjum hans frá
Portúgal þriðjudaginn 14.
júní klukkan níu um kvöld að
staðartíma, í borginni Saint-
Etienne í suðausturhluta
Frakklands. Spáð er góðu
veðri og fjölda skælbrosandi
og lífsglaðra Íslendinga í
borginni! Annar leikur Ís-
lands er við Ungverja í Mar-
seille við Miðjarð-
arhafið, næststærstu
borg landsins, laug-
ardaginn 18. júní klukk-
an fimm að staðartíma.
Hannes Halldórsson, sem á
myndinni fagnar sigrinum
glæsilega á Hollandi í Amst-
erdam í haust, og félagar
hans mæta svo Austurrík-
ismönnum í Saint-Denis, út-
borg Parísar, miðvikudag-
inn 22. júní kl. fimm að
staðartíma.
Af stað í
Saint-Etienne
Allir fara að hlakka til …
Rúmlega sjö vikur eru þar til Aron Einar og Cristiano Ronaldo heilsast í Saint-Etienne, fyrir fyrsta leik íslensks karlalandsliðs á
stórmóti í fótbolta. Portúgalir, Ungverjar og Austurríkismenn eru mótherjar í riðlinum. Svo fara menn annaðhvort heim eða …
Skapti Hallgrímsson skapti@mbl.is
Þeir verða vafalítið allir á EM: Viðar Örn Kjartansson, Birkir Már Sævarsson,
Eiður Smári Guðjohnsen, Birkir Bjarnason og Jóhann Berg Guðmundsson.