Morgunblaðið - Sunnudagur - 24.04.2016, Blaðsíða 38

LESBÓK Þess er minnst út um löndin að í dag, 23. apríl, eru 400 ár frá andlátileikskáldsins mikla Williams Shakespeare. Meðal viðburða hér á landi
er frumsýning Kómedíuleikhússins á Daðrað við Sjeikspír.
Fjórar aldir frá andláti jöfurs
38 MORGUNBLAÐIÐ SUNNUDAGUR 24.4. 2016
V
ika bókarinnar verður haldin í
kringum alþjóðlegan dag bók-
arinnar, sem er í dag, 23. apríl, en
vikan hófst á miðvikudaginn var.
Dagskrá tengd vikunni verður
víða á landinu, að sögn Láru Aðalsteinsdóttur
hjá Bókmenntaborginni. Dagskráin er fjöl-
breytt og fyrir alla aldurshópa og stendur hún
til mánaðamóta. Fæðingardag Halldórs Kiljans
Laxness ber upp á dag bókarinnar, 23. apríl, en
skáldjöfrarnir Shakespeare og Cervantes, sem
samdi Don Kíkóta, létust báðir þennan dag. Þá
voru Vorbókatíðindi Félags íslenskra bókaút-
gefenda borin út í vikunni um allt land en þar
getur fólk kynnt sér flóru íslenskra bókmennta
nú í vor.
Bóksala eykst í kjölfarið
„Hvaða áhrif vika bókarinnar hefur mun ekki
hafa verið mælt en bóksalar sjá greinilega
aukningu í bóksölu í öllum flokkum,“ segir
Lára. Hún bendir á að í ár hafi dagskráin m.a.
verið tengd við Barnamenningarhátíð sem stað-
ið hefur yfir þessa vikuna.
„Það er sérstaklega ánægjulegt að sjá að nú í
ár voru afhent í fyrsta sinn Barnabókaverðlaun
Reykjavíkurborgar í þremur flokkum og var at-
höfnin í Höfða. Verðlaunin voru veitt fyrir frum-
samda bók, Koparborgina eftir Ragnhildi
Hólmgerirsdóttur, þýddar bækur úr erlendu
máli á íslensku, Skuggahliðina og Villtu hliðina
eftir Sally Green, og svo fyrir myndskreytingar
en þær hlaut Linda Ólafsdóttir fyrir myndir í
bókinni Ugla og Fóa og maðurinn sem fór í
hundana, eftir Ólaf Hauk Símonarson. Þetta
eykur vægi barnabóka enn frekar,“ segir hún
og tekur fram að dagskrá bókavikunnar teygi
sig um allt land og taki bæði skólar og bókasöfn
þátt auk þess sem viðburðir verða á kaffihúsum
og víðar. „Síðan má benda á skemmtilegan við-
burð sem er sýningin Áður en Íslendingar féllu
fyrir Prins Polo sem hófst 20. apríl á Kjarvals-
stöðum en hún stendur yfir til 24. apríl og eru
allir velkomnir,“ segir Lára.
Á sumardaginn fyrsta voru síðan Bókaverð-
laun barnanna afhent en þar völdu börnin sína
uppáhaldsbók, bæði þýdda og svo íslenska rit-
aða bók: Mömmu klikk eftir Gunnar Helgason
og Dagbók Kidda klaufa: besta ballið, sem
Helgi Jónsson þýddi.
„Þá verða útgáfuhóf í bókaverslunum í vik-
unni og 22. apríl, á fullu tungli, komu út bækur
hjá forlaginu Tunglinu, Lególand - leiðarvísir
eftir Andra Snæ Magnason og Sönn saga - lyga-
saga eftir Lúkínaos frá Samósata,“ segir Lára.
Fjölbreytt dagskrá í safninu
Í Borgarbókasafninu er dagskrá tileinkuð ævi-
sögum og sjálfsævisögum. Dagskráin er fjöl-
breytt að vanda en gestir geta komið og skrifað
sinn eigin ævisögutitil, sem hverjum og einum
finnst hæfa best, en auk þess verður stillt út
ýmsum ævisögubókum og fjöldi titla verður til
sýnis. Þá getur almenningur skemmt sér við að
fylgjast með skemmtilegum og furðulegum ævi-
sögutitlum á fésbókarsíðum safnanna.
Þá hefur verið opnuð í Þjóðarbókhlöðunni
sýning um verk Snorra Hjartarsonar sem nefn-
ist Inn á græna skóga og um leið var fagnað
þriðju útgáfu Forlagsins á ljóðum skáldsins.
Hægt er að láta fara vel um sig í safninu og
hlýða á ljóðalestur Gunnars Þorsteinssonar á
ljóðum Snorra í spjaldtölvu í stólum sem Ólöf
Jakobína Ernudóttir hönnuður hefur komið fyr-
ir. Í dag koma rithöfundar síðan saman í Borg-
arbókasafninu í Grófarhúsi kl. 13.30 og kynna
rit sem hlotið hafa tilnefningu til viðurkenninga
Hagþenkis, félags höfunda fræðirita og
kennslugagna.
Féllum fyrir Prins Polo
Áður en Íslendingar féllu fyrir Prins Polo nefn-
ist sýning sem opnuð hefur verið á Kjarvals-
stöðum og er samstarfsverkefni íslenskra nem-
enda í 9. og 10.bekk Landakotsskóla og pólskra
grunnskólanema frá Wroclav í Póllandi. Sýn-
ingin er hluti verkefnis sem kallast „Story Tell-
ing Lab for Young Adults“ og eru sýndir textar
og ljósmyndir frá Íslandi og Póllandi.
Á mánudaginn mun Vilborg Davíðsdóttir
ræða í Borgarbókasafni Spönginni kl.17.15 bók
sína Ástin, drekinn og Auður djúpúðga, undir
yfirskriftinni „Að skálda (í) söguna“.
Dagskrá tileinkuð Laxness
Og fleira er á döfinni. Jón Yngvi Jóhannsson
bókmenntafræðingur mun á þriðjudaginn
kemur spjalla um verk Halldórs Laxness í
Kaffislipp, Hótel Reykjavík Marina og hefst
erindið klukkan 16.30. Halldór fæddist, eins
og fram hefur komið, 23. apríl, á degi bók-
arinnar og fer dagskráin fram á ensku. Jón
Yngvi fjallar um verk Halldórs og stöðu hans
innan íslenskra bókmennta og lesið verður úr
verkum skáldsins.
Sumri fagnað er yfirskrift dagskrár í Bóka-
safni Seltjarnarness á miðvikudag, 27. apríl,
sem hefst kl. 17.30. Bergrún Íris, barnabóka-
höfundur og myndskreytir, les þá upp úr bók
sinni Sjáðu mig sumar. Á bókasafni Reykja-
nesbæjar kynnir Ásgerður Guðrúnardóttir
sma dag klukkan 19.30 bók sína Mínímalískur
lífsstíll. Á fimmtudaginn 28. apríl mun Guðrún
Ásmundsdóttir síðan vera í Menningarhúsinu
í Kringlunni í gervi Elísabetar Englands-
drottningar klukkan 17 og kynna bók eftir Al-
an Bennett, Enginn venjulegur lesandi.
Samræður og spurningalist
Gagnrýni og gaman nefnist opinn kynning-
arfundur í Laugalækjarskóla, kl. 17 á föstu-
deginum, 28. apríl, þar sem Jón Thoroddsen
kynnir bók sína Gagnrýni og gaman: samræð-
ur og spurningalist. Henni er ætlað að efla
sjálfstæða hugsun barna og unglinga. Að-
gangur er ókeypis. Þann 30. apríl, um næstu
helgi, verður Halla Karen loks í Bókasafni
Reykjanesbæjar klukkan 11.30, les upp, syng-
ur og gæðir ævintýri nýju lífi. Nánar má lesa
um dagskrá bókavikunnar á bokmenntaborg-
in.is.
Gestir Eymundsson virða
fyrir sér bækur fyrir síð-
ustu jól. Bóksala eykst í
viku bókarinnar, segir
Lára Aðalsteinsdóttir.
Morgunblaðið/Styrmir Kári
Vegleg vika bókarinnar
Vika bókarinnar er haldin um allt land með þátttöku skóla, bókasafna og kaffihúsa. Dagskráin er fjölbreytt og fyrir alla aldurs-
hópa en hún hófst 20. apríl og stendur út mánuðinn. Dagur bókarinnar, 23. apríl, er fæðingardagur Halldórs Kiljans Laxness.
Ragnheiður Linnet ragnheidur.linnet@gmail.com
’Hvaða áhrif vika bók-arinnar hefur mun ekkihafa verið mælt en bóksalar sjágreinilega aukningu í bóksölu í
öllum flokkum.“
Lára Aðalsteinsdóttir fagnar nýjum Barna-
bókaverðlaunum Reykjavíkurborgar.