Morgunblaðið - 03.06.2016, Síða 25

FRÉTTIR 25Innlent
MORGUNBLAÐIÐ FÖSTUDAGUR 3. JÚNÍ 2016
Fallegt fyrir
heimilið
Laugavegi 99 – Sími 777 2281
(gengið inn frá Snorrabraut) aff.is
Concept store
Benedikt Bóas
benedikt@mbl.is
Fyrir 30 árum birtist grein í Morgunblaðinu
um að Bogi Eggertsson hefði tekið fyrstu
skóflustunguna að Reiðhöllinni í Víðidal. Húsið
var fyrsta fjölnota íþrótta-
hús borgarinnar en golf-
arar, knattspyrnufólk,
frjálsíþróttafólk og fleiri
notuðu húsið til að æfa sig
þegar snjór var yfir borg-
inni. Húsið var mikil bylting
fyrir reiðmennsku á Ís-
landi, það var fyrsta reið-
höll landsins en nú eru um
50 hallir víða um land. Höll-
in er í eigu Reykjavíkur-
borgar og leigir Hesta-
mannafélagið Fákur hana af borginni.
„Reiðhöllin var gríðarleg bylting,“ segir
Hjörtur Bergstað, formaður Fáks. „Þetta var
fyrsta stóra íþróttahúsið sem var byggt og
fyrstu árin nýttu fjölmargir íþróttamenn hana.
Við vorum í samkeppni við aðrar íþróttir en
svo hefur það breyst síðustu 15 ár. Þetta er
mikið mannvirki og það hefur ekki orðið þróun
í byggingu svona reiðhalla. Sprettur tók reið-
höll í notkun fyrir tveimur árum og húsin eru
áþekk. Þetta hús hefur staðist tímanns tönn.“
Líf í húsinu frá morgni til kvölds
Þrátt fyrir stærðina er húsið sprungið utan
af starfseminni og vilja Fáksmenn byggja
eina, jafnvel tvær reiðhallir til viðbótar. Aðra í
Víðidal og hina í Almannadal. „Í dag fer stór
hluti tamninga fram innanhúss og húsið er
nýtt fyrir hestamenn frá átta að morgni til 11 á
kvöldin. Húsið er sprungið utan af starfsem-
inni og þó að húsin hafi ekki breyst hefur reið-
mennskan breyst mikið á þessum árum. Hún
hefur þróast í evrópska reiðmennsku, þar sem
æfingar eru og fólk vinnur öðruvísi í hest-
unum. Í gamla daga var bara lagt á, pelinn
settur í vasann og riðið í langan útreiðartúr. Í
dag er þetta orðið allt annað og menn leggja
gríðarlega vinnu í hrossin sín. Sú vinna fer
mikið fram inni í reiðhöll.“
Hjörtur segir að þeir sem stóðu að bygging-
unni hafi sýnt mikinn kjark og þor með því að
ráðast í slíka byggingu. „Menn voru tilbúnir að
leggja peninga sína í svona stórt mannvirki og
jafnvel eiga von á því, eins og svo gerðist, að
tapa þeim.“
Miklar reiðhallarsýningar hafa verið haldn-
ar í höllinni hvert ár auk þess sem Meat Loaf
og Whitesnake stigu þar á svið og trylltu lýð-
inn með eftirminnilegum hætti. „Það gekk vel
á sínum tíma en það sem misfórst var að það
gekk erfiðlega að koma gestunum frá svæðinu.
En við erum aftur farnir inn á skólaballamark-
aðinn og nú voru þrjú böll í vor. Við erum ekki
lengur fyrir utan borgina eins og áður, heldur í
útjaðrinum, og samgöngur hingað eru allar
hinar ágætustu. Það er alveg hægt að nýta
þetta hús á betri hátt í dag.“
Þurfum meira svæði innanhús
Hjörtur segir að framtíðin sé björt, bæði hjá
Fáki og reiðhöllinni. „Við þurfum meira at-
hafnasvæði innanhúss. Við sjáum hvað hefur
gerst í fótboltanum. Þegar landsliðin okkar
fóru inn fengum við landslið á heims-
mælikvarða, bæði karla og kvenna. Það er
kannski eins með hestana, þegar við þurfum
ekki að láta veður og vinda stjórna því hvað við
gerum náum við miklu betri árangri.“
Höll sem stenst tímans tönn
 30 ár frá fyrstu skóflu-
stungu að Reiðhöllinni
í Víðidal  Breytti
reiðmennskunni
Skóflustunga Bogi Eggertsson, fyrrverandi
formaður Fáks, tók fyrstu skóflustunguna 1986.
Hjörtur
Bergstað
Morgunblaðið/Árni Sæberg
Reiðhöllin Fyrsta fjölnota íþróttahús borgarinnar, sem staðist hefur tímans tönn.