Morgunblaðið - 03.06.2016, Blaðsíða 84

84 MENNING
MORGUNBLAÐIÐ FÖSTUDAGUR 3. JÚNÍ 2016
Hljómfélagið blæs til vortónleika í
Neskirkju í kvöld, föstudag, kl. 20.
„Efnisval er alþjóðlegt og fjöl-
breytt og meðal annars verður hin
vinsæla messa Misa Criolla eftir
argentínska tónskáldið Ariel Ram-
irez flutt, þar sem Gissur Páll Giss-
urarson tenórsöngvari mun syngja
einsöng. Einnig verður íslenskur
frumflutningur á kórverkinu Fimm
hebresk ástarljóð eftir Eric Whi-
tacre. Af íslenskum verkum ná
nefna Afmorsvísu eftir Snorra Sig-
fús Birgisson og Ég vil lofa eina þá
eftir Báru Grímsdóttir, Hrafnar
eftir Hreiðar Inga Þorsteinsson
sem verður frumflutt í nýrri kór-
útgáfu og fjölda nýrri og eldri ís-
lenskra kórverka,“ segir í tilkynn-
ingu.
Þar kemur fram að Hljómfélagið
er blandaður kór áhugafólks um
söng sem var stofnaður á vormán-
uðum 2015. „Hugmyndin kviknaði
hjá nokkrum fyrrverandi skóla-
félögum sem sungu lengi saman í
Skólakór Kársness. Á einu ári hef-
ur Hljómfélagið vaxið hratt og
skipar núna tæplega fimmtíu
manns sem koma víða að.“
Á tónleikunum leikur með kórn-
um hljómsveit sem skipuð er
Bjarma Hreinssyni á píanó, Erni
Ými Arasyni á bassa, Óskari Magn-
ússyni á charango, Frank Aarnik
og Didda Guðnasyni á slagverk.
Allar nánari upplýsingar um tón-
leikana má finna á Facebook-síðu
Hljómfélagsins. Miðar eru seldir á
tix.is.
Hljómfélagið Kórinn var stofnaður fyrir ári, en hugmyndin kviknaði hjá nokkr-
um fyrrverandi skólafélögum sem sungu lengi saman í Skólakór Kársness.
Vortón-
leikar í
Neskirkju
Tríó Blóð og Jóel Pálsson ásamt
Composuals halda tónleika í Mengi
í kvöld kl. 21. „Eðvarð Lárusson,
Þórður Högnason og Birgir Bald-
ursson hófu að spinna saman með
Kombóinu sáluga rétt undir lok
síðustu aldar. Þeir tóku svo seinna
upp þráðinn án söngkonu og köll-
uðu sig Tríó Blóð. Það er ekki oft
sem býðst að heyra í þeim félög-
um, en þegar það gerist er Jóel
Pálsson oftar en ekki með í för.
Spuninn er hrynheitur og lýrískur,
eins og vænta má frá þessum
mannskap,“ segir um tónleikana í
tilkynningu. Myndlistarmaðurinn
Haraldur Ægir Guðmundsson mun
einnig túlka frjálsan spuna Tríó
Blóðs & Jóels Pálssonar í olíulitum
á striga fyrir áhorfendur á meðan
á tónleikunum stendur. Haraldur
mun standa yfir striganum sem
liggja mun á gólfinu og láta máln-
inguna dropa niður á hann undir
beinum áhrifum tónlistarinnar og
verður verkið fullbúið þegar tón-
leikunum lýkur. Meðan á þessu
stendur myndar tæknimaður
hljómsveit og málara og varpar á
bakvegginn.
Spuni í tónum og á striga
Spuni Tríó Blóð og Jóel Pálsson leika í menningarhúsinu Mengi í kvöld.
Aðdáendur kvikmyndarinnar
Rocky Horror Picture Show eru
hvattir til að dusta rykið af korse-
lettunum, snyrta hárkollurnar og
herða hnútana á svipunum því í
kvöld kl. 20 fer fram búningasýning
í Bíó Paradís á kvikmyndinni Rocky
Horror Picture Show.
Slíkar sýningar eru haldnar
reglulega víða um heim og mæta þá
gestir í gervum persóna mynd-
arinnar, Frank ‘N’ Furter, Rocky
og félaga. Myndin er frá árinu 1975
og er byggð á
samnefndum
söngleik Richard
O’Brien. Í henni
segir af kærustu-
parinu Brad og
Janet sem leitar
aðstoðar íbúa
drungalegs kast-
ala þegar spring-
ur á bifreið
þeirra og enginn
finnst tjakkurinn. Húsráðandi reyn-
ist vera kynóður vísindamaður og
klæðskiptingur. Aukasýning á
myndinni verður fimmtudaginn 9.
júní kl 20.
Búningasýning á
Rocky Horror
Curry í hlutverki
Frank ’N’ Furter
Hjónin og ljóðskáldin Sigurbjörg
Sæmundsdóttir og Kristian Gutte-
sen munu ásamt bandarísku hjón-
unum og skáldunum Söruh
McKinstry-Brown og Matt Mason
lesa upp úr verkum sínum á Kaffi-
slippi, Mýrargötu 12, í dag kl.
16.30. Skáldin fjögur munu lesa úr
verkum sínum, ljóð um sambandið
við annað skáld, barnauppeldi og
lífið með ljóðlistinni.
McKinstry-Brown og Mason
starfa sem ljóðskáld og ritstjórar í
Omaha í Nebraska. Bæði hafa unn-
ið til bókmenntaverðlauna í fylkinu
og víðar um Bandaríkin og hafa
bækur þeirra verið gefnar út um öll
Bandaríkin. Nýjasta bók
McKinstry-Brown er Cradling
Monsoons og er The Baby That Ate
Cincinnati nýjasta bók Mason, sem
hefur unnið Pushcart-verðlaunin
ásamt því að vera tilnefndur til
verðlauna Nebraska-fylkis. Þau
hafa komið fram í Evrópu, Banda-
ríkjunum, Asíu og Afríku. Bæði
hafa þau tekið þátt í ljóðaslamm-
byltingunni í Bandaríkjunum og
komið víða fram við slík tækifæri,
að því er segir í tilkynningu. Sig-
urbjörg gaf út fyrstu ljóðabók árið
2015, Mjálm og Kristian hefur gefið
út tíu ljóðabækur. Nýjasta verk
hans er Eilífðir – Úrval ljóða 1995 –
2015. Árið 2007 var hann tilnefndur
til íslensku þýðingarverðlaunanna.
Viðburðurinn fer fram á ensku.
Yrkingar og uppeldi í Kaffislippi
Hjón Sarah McKinstry-Brown og Matt Ma-
son lesa upp úr verkum sínum í Kaffislippi.
Myndlistarsýningin Brjóstdropar
verður opnuð í Nesstofu á Sel-
tjarnarnesi, í dag kl. 18. Þar sýna
saman þær Anna Jóa, Bryndís Jóns-
dóttir, Guðbjörg Lind Jónsdóttir,
Hildur Margrétardóttir, Hlíf Ás-
grímsdóttir, Kristín Geirsdóttir,
Kristín Jónsdóttir frá Munkaþverá
og Ólöf Oddgeirsdóttir.
Sýningunni er ætlað að hverfast
um hið sérstæða hús Nesstofu, sögu
þess og náttúrulegt umhverfi og
vísar heiti hennar í heilnæmt
sjávarloftið og andrúm lækninga-
meðala og aðhlynningar sem um-
lykur húsið. Þá er skírskotað til
þeirrar andlegu næringar og holl-
ustu sem sækja má til listarinnar og
vonast sýningarhópurinn – hópur
kvenna – til að blása öðrum í brjóst
með sýningunni, eins og segir í til-
kynningu. Rekstur sýningarinnar
er samstarfsverkefni Þjóðminja-
safns Íslands og Seltjarnarnes-
bæjar. Nesstofa verður opin alla
daga nema mánudaga frá kl. 13-17
og lýkur sýningunni 31. ágúst.
Sýningin Brjóstdropar opnuð í Nesstofu
Sýnendur Listakonurnar sem sýna
saman verk sín í Nesstofu.
MIKIÐ ÚRVAL AF SÆNSKUM
MORA HNÍFUM
Karl-Johan
sveppahnífur
Verð kr. 4.665
Tálguhnífur 120
Verð kr. 3.350
Skeiðarkrókur 162
Verð kr. 5.100
Spónhnífur
Verð kr. 4.350
Skátahnífur
Verð kr. 5.070
Opið
virk
a
dag
a frá
9-18
lau
frá 1
0-16
Laugavegi 29 | sími 552 4320 | www.brynja.is | verslun@brynja.is
Vinnuhnífar
Verð frá kr. 980
Flökunarhnífur
Verð kr. 4.920
Svefnsófi teg. Cube Tungu - svefnsófi teg. Mona
Opið virka daga 10 - 18
á laugardögum
11 - 15
Teg. Mary 3 – 1 – 1
Strandgötu 24 – 220 Hafnarfjörður
Sími 565 4100 - www.nyform.is
Borðstofuhúsgögn teg. Parma Giulia 3 – 1 – 1