Orð og tunga - 01.06.2013, Qupperneq 54

44
Orð og tunga
fyrir ritstjórnarvinnu og annað sem er ætlað til uppflettinga, þ.e. not-
endaásýnd orðabókarinnar. Þessi tvö viðmót eru gjörólík en bæði
sækja efnið í einn og sama gagnagrunninn.
4 Verklag við ritstjórn
Fjórar til fimm ritstjórnir í jafnmörgum löndum hafa að jafnaði starfað
við iSLEX-verkefnið. Hver hópur er sjálfstæð starfseining sem hefur
séð um sitt tungumál í orðabókinni. Eðli málsins samkvæmt er starf
íslensku ritstjórnarinnar allólíkt starfi hópanna í Skandinavíu en
þeirra verkefni er fyrst og fremst að þýða íslenskt efni orðabókarinnar
á hin málin. Islenski hópurinn hefur séð um að gera viðfangsmálinu
skil og búa það í hendur ritstjóra markmálanna. Vinnan við verkefnið
hefur ætíð farið fram samtímis í öllum löndunum, með þeirri undan-
tekningu að Færeyingar bættust ekki í hópinn fyrr en árið 2011 eins
og áður segir.
Starfandi er samráðsnefnd allra þátttökulanda sem hefur það
hlutverk að annast formleg tengsl milli samstarfsstofnananna og eru
meðlimir hennar jafnframt opinberir fulltrúar verkefnisins fyrir hönd
sinna stofnana.
4.1 Verklag á Islandi
íslenska er viðfangsmál isLEx-orðabókarinnar og er úrvinnsla þess
margslungið starf en í grófum dráttum felst hún einkum í eftirfarandi
þáttum. Orðum er skipt upp í merkingarliði þar sem það á við, samin
er orðskýring á íslensku við hvern lið, notkunardæmi eru búin til
eftir þörfum, orðasambönd eru færð í staðlað form og samin við þau
skýring. Sérmerkingum og millivísunum er komið fyrir þar sem þurfa
þykir, og sums staðar er mynd bætt inn í flettugreinina. Astæður þess
að íslenskum skýringum er komið fyrir í flettugreinunum eru ýmsar,
ein er sú að með því fæst skýrari sundurgreining á merkingarliðunum
þar sem þeir eru fleiri en einn. Það hefur líka komið á daginn að
íslenskar skýringar eru víða nauðsynlegar til að þýðandinn hafi betri
tilfinningu fyrir því sem uppflettiorðið felur í sér og geta jafnvel
komið í veg fyrir misskilning, þar sem ritstjórar íslenska hlutans og
markmálanna eru ekki þeir sömu.
J