Orð og tunga - 01.06.2013, Síða 56

46
Orð og tunga
4.2 Verklag í Skandinavíu
Fjórar ritstjórnir markmálanna starfa við iSLEX-orðabókina í Skandi-
navíu. Starf þeirra er einkum fólgið í því að þýða íslenska efnið (upp-
flettiorð, orðastæður, orðasambönd og notkunardæmi) yfir á sitt eigið
mál, dönsku, norsku (bókmál og nýnorsku), sænsku og færeysku, og
bæta við frekari upplýsingum eða skýringum þar sem þörf krefur. I
Bergen þýðir sami ritstjórinn ætíð bæði á norskt bókmál og nýnorsku.
Eins og ritstjórarnir við íslenska hluta verkefnisins hafa kollegar þeirra
í Skandinavíu tekið mið af merkingarflokkunum í þýðingum sínum.
Þetta fyrirkomulag tryggir betra samræmi í frágangi greinanna en
einnig fær þýðandinn víðari yfirsýn yfir úrval orða innan tiltekins
merkingarsviðs sem hann á kost á að nota þegar hann þarf að velja
sem nákvæmast jafnheiti við íslenska orðið.
Þótt ekki sé unnið eftir stafrófsröð geta þýðendur hvers tungumáls
ávallt séð á hvaða stigi tiltekið uppflettiorð er í vinnslunni þar sem
merkt er í sérstakan reit (sem ber vinnuheitið „stig") þegar béiið er að
vinna flettugreinina. Ef orð er t.d. fullþýtt á dönsku er sett merki um
það í reitinn og þurfa þá ritstjórar danska hlutans ekki að koma aftur
að því orði í bráð.
Ritstjórar markmálanna hafa tekið virkan þátt í uppbyggingu
iSLEX-orðabókarinnar og veitt ritstjórninni á Islandi mikilvægt aðhald
og er þar því um að ræða ákveðið gæðaeftirlit. Þýðendur hafa m.a. oft
komið með tillögur að nýjum uppflettiorðum eða merkingarliðum,
þeir hafa óskað eftir að sett yrði inn notkunardæmi við ákveðin orð og
lagt til breytingar á dæmum sem þeir hafa talið ófullnægjandi. Einnig
hafa þeir komið auga á efnislegar og kerfislegar misfellur, bæði hverjir
hjá öðrum og í íslenska hluta verksins.
4.3 Samskipti
Þar sem unnið er við iSLEX-orðabókina í mörgum löndum samtímis
er algerlega nauðsynlegt að samskipti milli manna geti farið fram á
skjótan og þægilegan hátt. Nú eru til ótal samskiptaleiðir um rafræna
miðla svo að það hefur ekki háð verkefninu þótt langt sé á milli
þátttakenda landfræðilega séð. Dagleg samskipti hafa að miklu leyti
farið fram um tölvupóst en einnig er notast við sérstakt skilaboðakerfi
sem er hluti af vinnuumhverfi gagnagrunnsins. I tengslum við islex-
verkefnið var auk þess búin til sérstök lokuð vefsíða (forum-síða) þar
sem birtar eru upplýsingar um merkingarflokka sem eru tilbúnir frá