Orð og tunga - 01.06.2013, Síða 96

86
Orð og tunga
því hvert andlagið er. Sýnt er innan sviga dæmi um andlag, svo sem
fag í háskóla eða tungumál, en notkunardæmi sýna þetta í samhengi
(orðsgreinin er í heild sinni í viðauka):
(4) læra
so (+ þf.)
(+ grein í háskóla) étudier / faire des études de
hvað ertu að læra? qu'est-ce que tu fais comme études?
hún lærði hagfræði í Englandi elle a étudié l'économie en Angleterre
(+ tungumál, lexía) apprendre
hann lærir ensku í skólanum il apprend l'anglais á l'école
mig langar til að læra frönsku je voudrais apprendre le francais
Þessar hugmyndir miða að því að víkka út tvímála orðabókarlýsingu
og nýta þá vinnu sem lögð hefur verið í lýsingu hvers máls fyrir sig,
í þessu tilfelli íslenskunnar. Form tvímála orðabóka er að vissu leyti
takmarkandi (bæði á pappír og í rafrænu formi) þar sem lýsing mark-
málsins er bundin af lýsingu viðfangsmálsins og takmörk fyrir því
hversu mikið af upplýsingum er hægt að veita um markmálið í tví-
mála orðabókum. Erfitt er að gera ráð fyrir meiri upplýsingum um
markmálið heldur en um viðfangsmálið. Þó má leysa úr þessu upp
að vissu marki til dæmis með tenglum og millivísunum í orðabókum
sem innihalda tvo hluta L2->L1 og L1->L2. Hvað varðar nýja íslensk-
franska orðabók má bæta úr þessu með fjölda notkunardæma og gefa
þannig notandanum fleiri möguleika í málbeitingu sinni með dæma-
setningum. Jafnframt má setja inn ramma með upplýsingum um
menningarbundin orð og málfræðileg eða setningarfræðileg atriði
markmálsmegin og gera þannig mögulegt að lýsa markmálinu betur.
Sem dæmi má nefna að í orðsgrein fyrir atviksorðið heim sem á sér
jafnheitin a la maison og chez soi í frönsku væri tilvalið að vekja athygli
íslenskra notenda (til dæmis með upplýsingum innan ramma) á því
að sögnin rentrer er oftast notuð um það að „fara heim (til sín)" og
atviksliðunum a la maison ('heim'/'heima')21 og chez soi ('til sín') (5):
(5) <fara> heim (til sín): rentrer (á la maison/chez soi)
21 Atviksorðið á la maison samsvarar bæði atviksorðunum heim og heima á íslensku.