Morgunblaðið - Sunnudagur - 26.06.2016, Blaðsíða 6

6 MORGUNBLAÐIÐ SUNNUDAGUR 26.6. 2016
Þetta verður í fyrsta sinn sem
Ísland og England mætast í
keppnisleik í knattspyrnu
karla. Þjóðirnar eiga tvo vin-
áttuleiki að baki; skildu
jafnar í Laugardalnum ár-
ið 1982, 1:1, en Eng-
lendingar tóku
okkur til bæna í
Manchester árið
2004, 6:1. Arnór
Guðjohnsen gerði
mark Íslands í fyrri
leiknum en Heiðar
Helguson í þeim
síðari. Ísland hefur
nokkrum sinnum mætt
áhugalandsliði Englands.
Ljónin þrjú, eins og Englend-ingar kalla knattspyrnu-landslið sitt, hafa leikið vel á
Evrópumeistaramótinu í knatt-
spyrnu sem fram fer í Frakklandi
þessa dagana (hafi það farið framhjá
einhverjum!) Liðið réð lögum og lof-
um í öllum leikjum sínum þremur í
riðlakeppninni og sýndi á köflum
prýðileg tilþrif. Uppskeran varð þó
aðeins fimm stig og annað sæti í riðl-
inum á eftir nágrönnunum í Wales
sem helgast af þeirri staðreynd að
Englendingum hefur gengið fremur
illa að koma tuðrunni í netið. Þrjú
mörk í jafnmörgum leikjum er ekki
sérlega merkilegur árangur; ekki
síst í ljósi þess að enska liðið var með
um tuttugu marktilraunir í hverjum
einasta leik.
Roy Hodgson landsliðseinvaldur
viðurkenndi á blaðamannafundi eftir
síðasta leikinn gegn Slóvakíu, sem
fór 0:0, að einhver stífla væri að
hrella liðið. Hann hefði þó fulla trú á
því að hún myndi bresta fyrr en var-
ir og þá fengi mótherjinn heldur bet-
ur að finna til tevatnsins. Vonandi
brestur stíflan ekki á mánudaginn!
Ekki þarf að kynna leikmenn
enska liðsins fyrir sparkelskum Ís-
lendingum. Við þekkjum þá flesta
betur og sjáum þá oftar en okkar
eigin leikmenn. Sá sem hefur til
dæmis séð Ragnar Sigurðsson eða
Ara Frey Skúlason leika með
félagsliði sínu undanfarin fimm ár
má gjarnan rétta upp hönd! Ensku
leikmennirnir eru á hinn bóginn
fastagestir í stofum landsmanna all-
an veturinn.
England teflir fram nýju og bráð-
ungu liði á EM. Aðeins fjórir leik-
menn af 23 hafa leikið yfir 35 lands-
leiki: Wayne Rooney, James Milner,
Gary Cahill og Joe Hart.
Miklar framfarir
Í stórum hlutverkum eru leikmenn
sem slegið hafa í gegn á tveimur síð-
ustu árum; jafnvel bara síðasta vet-
ur. Ber þar fyrst að nefna Totten-
ham-mennina Eric Dier (22 ára) og
Del Alli (20 ára), en sá fyrrnefndi
hefur án efa verið besti leikmaður
Englands á EM til þessa. Kúltiver-
aður „sitjandi“ miðvellingur sem
bæði kann að senda knöttinn og
lúðra honum á markið. Maður man
varla eftir stærri framförum á jafn-
skömmum tíma. Alli hefur einnig átt
fína leiki og gegnir algjöru lykilhlut-
verki í sóknarleik liðsins.
Félagi þeirra hjá Tottenham,
Harry Kane (22 ára), hefur ekki
fundið sig á mótinu ennþá og segja
má að hann sé holdgervingur téðrar
stíflu. Enginn efast þó um hæfileika
hans til að spila knattspyrnu – og
skora mörk.
Hinir framherjarnir, Jamie Vardy
og Daniel Sturridge, komu inn á og
skoruðu báðir í sigrinum á Wales en
hvorugur var sannfærandi gegn
Slóvakíu. Hodgson er því nokkur
vandi á höndum fyrir Íslandsleikinn.
Hverjum á hann að tefla fram í
fremstu víglínu?
Wayne Rooney, markahæsti leik-
maðurinn í sögu enska landsliðsins,
hefur mjakað sér aðeins aftar á völl-
inn en býr enn yfir töfrum enda þótt
hann sæti æ meiri gagnrýni vegna
framgöngu sinnar á velli. Reynsla
hans og klókindi eru hinu unga liði
gulls ígildi og Rooney er án efa sá
leikmaður sem Ragnar, Kári og fé-
lagar hlakka mest til að mæta.
Gangi rófan ekki getur
Hodgson alltaf hent inn á
unglingnum Marcus Rash-
ford (18 ára) sem er ennþá í
„augnablikinu“ eftir að hafa
stokkið fullskapaður inn í
lið Manchester United á ný-
liðnu vori.
Knattvarsla (er það ekki
frambærilegt orð yfir „pos-
session“?) er Englend-
ingum mikilvæg enda hafa
þeir oft teflt fram öflugari vörn en
nú. Gary Cahill er raunar sterkur
miðvörður en meiri áhöld eru um
Chris Smalling. Þá er markvörð-
urinn, Joe Hart, nokkuð mistækur
og bakverðirnir, hverjir þeirra sem
spila, hálfgerðir nýgræðingar á
landsliðsvettvangi.
Hæst komist í þriðja sæti
Besti árangur Englendinga á EM er
þriðja sæti 1968, auk þess sem liðið
komst í undanúrslit á heimavelli
1996 og laut sem frægt er í gras fyrir
Þjóðverjum í vítaspyrnukeppni. Var
möllerað! Liðið hefur ekki riðið feit-
um hesti frá síðustu stórmótum og
mörgum áhangendum þess er lítið
um Roy Hodgson gefið. Kreppa
enskra knattspyrnustjóra er raunar
algjör nú um stundir og innlendur
arftaki ekki í sjónmáli.
En framganga liðsins í Frakk-
landi gefur fyrirheit og enska lands-
liðið á án nokkurs vafa eftir að vaxa
á komandi misserum. Það má þó
gjarnan bíða með að stíga það skref
þangað til eftir mánudaginn!
Í gini
ljónsins
Andstæðingar okkar Íslendinga í sextán liða úr-
slitum á EM í knattspyrnu í Frakklandi verða eng-
ir aðrir en Englendingar. Leikmenn sem mörg
okkar þekkja jafnvel betur en okkar eigin hetjur.
Arnór
Guðjohnsen
Aldrei
mæst í
keppni
AFP
Byrjunarlið Englands gegn Wales í Lens 16. júní síðastliðinn. Aftari röð: Kyle Walker, Gary Cahill, Chris Smalling, Eric
Dier, Joe Hart og Dele Alli. Fremri röð: Danny Rose, Raheem Sterling, Adam Lallana, Wayne Rooney og Harry Kane.
’
Því er ómögulegt að svara. Ég get bara verið leiðinlegur
og klisjukenndur og sagt að ég hafi trú á liðinu. Mikla trú.
Roy Hodgson, landsliðseinvaldur Englands, spurður hvort hann hefði trú á
því að liðið gæti orðið Evrópumeistari í sumar.
ERLENT
ORRI PÁLL ORMARSSON
orri@mbl.is
SVÍÞJÓÐ
JÄRNA Knattspyrnumanni var vikið
af velli fyrir óvenjulegar sakir í viður-
eign varaliðs Jarna SK og Pershagen
SK; fyrir að leysa vind í miðjum leik.
því við að framkoma leikmannsins
fði í senn verið ögrandi og óíþróttamannsleg. Sjálfur varð Ljungkvisthe
ð neitt illt til, hann hefði bara verið slæmur íhvumsa; sér hefði ekki gengi
BANDARÍKIN
CLEVELAND Lögregla hefur handtekið fimmtán
ára gamlan dreng sem grunaður er um að hafa
skotið og sært þrettán ára stúlku meðan verið
var að fagna heimkomu nýbakaðra NBA-meistara,
Cleveland Cavaliers. Mikil skelfing greip um sig
þegar byssuskot heyrðust en múgur og margmenni
kom saman til að hylla LeBron James og félaga fyrir
frækið afrek á körfuboltavellinum.
SUÐURAFRÍKA
PRETORIA Hlauparinn Oscar Pistorius
viðurkennir að þær stundir komi að honum
finnist hann ekki eiga skilið að lifa vegna
þess að hann banaði unnustu sinni, Reevu
Steenkamp, árið 2013. Þetta kom fram í
fyrsta sjónvarpsviðtalinu við Pistorus eftir
verknaðinn. Hann heldur því eftir sem áður
fram að hann hafi ekki myrt Steenkamp að yfirlögðu ráði. Pistorius er þess
fullviss að Steenkamp hefði ekki viljað að hann dúsaði ævilangt í fangelsi.
NÍGERÍA
BAMA Fleiri en 1.200 manns hafa látist af
völdum hungurs eða sjúkdóma í flóttamanna-
búðum á svæðinu, að sögn samtakanna Læknar
án landamæra. Búðirnar voru settar upp til að
freista þess að aðstoða fólk sem er á flótta
undan skæruliðum Boko Haram. Að sögn
samtakanna dveljast nú um 24 þúsund manns í
búðunum, þar af 15 þúsund börn.
¨