Morgunblaðið - Sunnudagur - 26.06.2016, Blaðsíða 15

við byggjum og hvar ekki núna, virkar þetta allt
ansi seinbúið. Af hverju vorum við svona lengi
að bregðast við?
„Það er eins og menn hafi ekki haft trú á sín-
um eigin herferðum. Ég get tekið undir það. Ég
hef verið gagnrýnd fyrir að þessu sé ekki öllu
lokið. Ég spyr þá á móti: Af hverju var þetta
verkefni skilið eftir óklárað þegar ég kem að
þessu?
Við erum búin að lyfta grettistaki á þessu
kjörtímabili og höfum unnið mjög hratt. Það
sem ég hef rekið mig á er mikilvægi samvinnu –
að koma fólki saman að verkefninu. Það hefur
vantað upp á, verður að segjast, en núna erum
við farin að ná utan um þetta.“
Gjaldtökuumræðan ekki aðalmálið
Náttúrupassinn var áberandi í umræðunni á
sínum tíma og fleiri möguleikum á gjaldtöku
hvað ferðamenn varðar hefur verið velt upp.
Hvað hefur tekið svona langan tíma í því að
ákveða besta fyrirkomulagið og koma því í
gegn?
„Samstöðuleysi. Ef ég mætti breyta ein-
hverju hefði ég byrjað á því sem ég var að
nefna, það er skipulaginu, Vegvísinum og
Stjórnstöð ferðamála og í framhaldi af því tekið
aðrar ákvarðanir. Gjaldtökuumræðan, átta ég
mig meira og meira á eftir því sem tímanum
vindur fram, tekur athyglina frá því sem að
skiptir mestu máli. Þegar maður kafar ofan í all-
ar þessar þekktu gjaldtökuleiðir – gistinátta-
gjald, komugjöld, náttúrupassa og fleiri leiðir –
sér maður að þær skila einungis brotabroti af
því sem þegar skilar sér í þjóðarbúið frá ferða-
mönnum.“
Hinar ýmsu gjaldtökuleiðir sem velt hafi ver-
ið upp myndu skila á bilinu 300 milljónum á ári
og upp í 1,5 milljarð, samkvæmt áætlunum
ráðuneytisins.
„Gistináttagjaldið eins og það er núna skilar
tæpum 300 milljónum á ári. Þú sérð að tölurnar
sem við erum að tala um, frá 300 milljónum upp
í einn og hálfan milljarð, er ofboðslega lítið í
stóra samhenginu. Athygli manna finnst mér
því vera of mikil á gjaldtökuna sem slíka og það
er eins og það eigi að bíða með allt annað til að
klára hana. Ég hef lært af þessu öllu saman og
það er einfaldlega ekki þannig. Við þurfum að
klára þessi verkefni sem ég hef rætt um fyrst.“
Ragnheiður segist á hinn bóginn enn sem áð-
ur hafa sannfæringu fyrir þeirri leið sem hún
lagði til á sínum tíma. „Engin þeirra er gallalaus
en mér finnst aðrar leiðir ekki eins vænlegar.“
Þá liggi fyrir nýjar tölur frá ríkisskattstjóra
um virðisaukaskattskylda veltu á fyrstu fjórum
mánuðum ársins, en breytingar á virð-
isaukaskattskerfinu hafi meðal annars falist í
því að fækka undanþágum og hækka neðra
þrepið.
„Þetta fjölgar þeim sem eru innan kerfis og
greiða virðisaukaskatt og þar að leiðandi eykst
virðisaukaskattskyld velta um umtalsverðar
upphæðir.“ Má þar nefna fimm milljarða aukn-
ingu á skattskyldri veltu í flokki farþegaflutn-
inga og fjóra milljarða í flokki hótela og gisti-
heimila milli ára. „Önnur gististarfsemi vekur
líka athygli, en heimagisting er inni í því,“ segir
hún en virðisaukaskattskyld velta jókst um
rúmar 630 milljónir króna milli ára í þeim flokki
samkvæmt tölum frá ríkisskattstjóra.
Maður sér sláandi tölur um aukningu og
tekjur af ferðamönnum og spyr sig í kjölfarið
hvort það sé nóg að gert í uppbyggingunni.
Gæti framkvæmdasjóður ferðamannastaða,
þrátt fyrir aukin framlög, ekki allt eins verið tí-
falt stærri?
„Jú, eflaust. En þess ber að geta að við hefð-
um sennilega ekki getað framkvæmt fyrir mikið
meira á undanförnum misserum vegna þess að
við höfðum ekki rétta verklagið. Það eru margir
staðir þar sem við getum sett niður alls konar
framkvæmdir en þær þarf að skipuleggja, það
þarf undirbúa þær, deiliskipuleggja og teikna
samhliða því að auka fjárframlögin og það er
það sem við höfum verið að gera,“ segir hún.
„Stóru tölurnar eru annars staðar.“ Þar nefn-
ir ráðherra meðal annars vegakerfið og nýlegar
framkvæmdir á flugstöð Leifs Eiríkssonar fyrir
alls um tuttugu milljarða. „Þarna eru stóru fjár-
festingarnar og fjárfestingaþörfin. Þótt upp-
bygging á ferðamannastöðum og salern-
isaðstöðu og fleira í þeim dúr sé mikilvæg er
það einungis lítill hluti af því sem þarf að gera.“
Morgunblaðið/Ómar Óskarsson
2006 2007 2008 2009 2010 2011 2012 2013 2014 2015 2016
66
.8
72 80
.76
1
81
.2
67
82
.2
20
83
.4
65 9
7.7
57 11
2.
12
1
12
3.
52
1 14
4.
58
1
18
0.
67
9
?
200.000
180.000
160.000
140.000
120.000
100.000
80.000
60.000
40.000
20.000
0
Janúar
Júlí
Heimild : HagstofaTekið saman af Morgunblaðinu
Ferðamenn á mánuði: janúar og júlí
Brottfarir erlendra ríkisborgara frá Keflavíkurflugvelli ’ Ef ég mætti breyta einhverjuhefði ég byrjað á skipulaginu,Vegvísinum og Stjórnstöð ferða-mála og í framhaldi af því tekið
aðrar ákvarðanir. Gjaldtöku-
umræðan, átta ég mig meira og
meira á eftir því sem tímanum
vindur fram, tekur athyglina frá
því sem að skiptir mestu máli.
26.6. 2016 MORGUNBLAÐIÐ SUNNUDAGUR 15