Morgunblaðið - Sunnudagur - 26.06.2016, Blaðsíða 21

lenti hann í höndunum á Gary
Lindsay, prófessor og djassgúrú,
sem átti eftir að verða mikill áhrifa-
valdur í lífi Veigars. „Gary er stór-
kostlegur tónlistarmaður og hefur
einnig mikla ástríðu fyrir kennslu.“
Ætlaði að vera eitt ár í LA
Eftir að hafa lokið meistaraprófi í
Miami 1998 ákvað Veigar að fara í
sérnám í kvikmyndatónlist í Los
Angeles, þar sem kvikmynda-
tónskáldið Elmer heitinn Bernstein
var meðal kennara. „Upphaflega
ætluðum við bara að vera í eitt ár í
LA en þau urðu sextán,“ segir Veig-
ar. „Ég er sem betur fer svo lán-
samur að eiga alveg einstaka konu
sem hefur verið til í ævintýri og
heimshornaflakk. Við hófum okkar
samband 19 ára gömul og það verð-
ur að segjast eins og er að þetta hef-
ur verið mikil rússíbanareið með
miklum hæðum og lægðum. Án
hennar mér við hlið hefði ég senni-
lega aldrei haldið harkið út. Við höf-
um alltaf tekið slaginn saman.
Hvernig sem „viðrar“.“
Veigar byrjaði að vinna sem að-
stoðarmaður við útsetningar á tón-
list fyrir teiknimyndir en fljótlega
kom tilboð sem átti eftir að reynast
örlagaríkt. „Einar Þorsteinsson,
vinur minn og klippari í LA, hringdi
í mig og sagðist mögulega geta út-
vegað mér verkefni. Það vantaði
tónlist fyrir stiklu vegna kvikmynd-
arinnar Baby Boy eftir John Single-
ton. Á þessum tíma var ég alveg
grænn; hafði ekki hugmynd um að
sérstök tónlist væri samin fyrir
stiklur í Hollywood. Hélt að menn
notuðust bara við tónlist úr mynd-
inni,“ útskýrir Veigar brosandi.
Svo því sé til haga haldið er stikla
(e. trailer) stutt myndband sem gert
er til að kynna og vekja athygli á
væntanlegri kvikmynd.
Aðstandendur myndarinnar voru
á höttunum eftir svonefndri stomp-
tónlist, sem gæti kallast stapp-
tónlist á íslensku, og spurðu Veigar
hvort hann væri maðurinn í það
verkefni.
„Það er sérgrein mín,“ svaraði
Veigar án þess að hika. „Skrökvaði
því auðvitað, þar sem ég vildi ekki
missa af þessu tækifæri. Hélt þess
utan að ég fengi í það minnsta viku
frest til að skila tónlistinni og hefði
þannig nægan tíma til að setja mig
inn í stomp-tónlist.“
Öðru nær. „Stórkostlegt. Þú skil-
ar þá klukkan níu í fyrramálið!“
Veigar kaldsvitnaði og brunaði
heim í dauðans ofboði. „Ég hringdi
út um allt eftir leiðbeiningum; vakti
alla nóttina og tókst einhvern veg-
inn að henda einhverju saman,“ rifj-
ar hann upp brosandi.
Til að gera langa sögu stutta sló
þessi frumraun Veigars í stomp-
tónlist rækilega í gegn og var notuð
í stiklunni vegna Baby Boy. Örlög
hans voru ráðin.
Margar vökunætur
Allar götur síðan hefur Veigar sér-
hæft sig í gerð tónlistar fyrir kvik-
myndastiklur. Um er að ræða risa-
stórt en mjög sérhæft fag í
Bandaríkjunum, en Veigari telst til
að um fimmtíu misstór fyrirtæki
sérhæfi sig í markaðsherferðum fyr-
ir stóru kvikmyndaverin í Holly-
wood.
Veigar hefur tekið að sér mörg
stór verkefni gegnum tíðina. Má þar
nefna Ocean’s 11, Ocean’s 12, Bat-
man Begins, Superman Returns,
The Dark Night Rises, The Hobbit:
An Unexpected Journey og The
Lord of the Rings: The Two To-
wers.
Hann segir það hafa kostað mikla
vinnu að hasla sér völl í Hollywood
og hann eigi margar vökunætur að
baki, auk þess sem hann hafi þurft
að sleppa brúðkaupum og jarð-
arförum. „Mér leið alltaf eins og ég
væri að klípa aftan af ævinni með
því að vinna svona mikið en hjá því
varð ekki komist. Við fjölskyldan
fórnuðum ýmsu með því að dveljast
svona lengi ytra, en fengum margt
annað í staðinn. Sirrý hélt utan um
reksturinn og heimilið meðan ég
dvaldi langdvölum í hljóðverinu. Það
getur auðveldlega myndast ójafn-
vægi í fjölskyldulífinu við svona
óreglulegan vinnutíma og það jafn-
ast ekkert á við að eiga frábæra
konu sem heldur utan um pakkann
meðan ég er með hugann við tón-
smíðarnar.“
Hann vinnur enn mikið enda þótt
það sé heldur minna en á þessum
árum. Veigar hefur löngum gefið
sér tíma til að sinna djassinum líka;
semja og útsetja, meðal annars fyrir
LA Philharmonic, Hollywood Bowl
Orchestra, Pink Martini, Jamie
Cullum og Joni Mitchell. Þar að
auki hefur hann samið tónlist við
nokkrar myndir í fullri lengd, m.a.
íslensku myndina Köld Slóð. Hann
vann einnig til verðlauna á Spáni ár-
ið 2011 fyrir tónlist sína úr íslensku
stuttmyndinni In A Heartbeat eftir
Jón Gústafsson og Karolinu Le-
wicka.
„Við hjónin stofnuðum fyrirtæki
árið 1999, Presto Music, til að halda
utan um reksturinn og höfum rekið
það saman síðan. En svo ákváðum
við að venda kvæði okkar í kross
fyrir fjórum árum, fara í samstarf
með öðrum aðila og setja á lagg-
irnar nýtt fyrirtæki sem sérhæfir
sig í gerð tónlistar fyrir kvikmynda-
og sjónvarpsstiklur.“
Fyrirtækið heitir Pitch Hammer
Music og meðeigandi Veigars og
Sirrýar heitir Brian Brasher, einn
stofnmeðlima rokkhljómsveit-
arinnar góðkunnu Creed. Hætti
reyndar „korteri fyrir frægð,“ eins
og Veigar lýsir því. „En Brian er
svo jákvæður drengur að hann hef-
ur alltaf talað um það sem blessun.“
Allt að hundrað
stiklur á ári
Auk Veigars og Brashers starfa þrír
á skrifstofu fyrirtækisins í Los Ang-
eles, auk þess sem þeir eru með
fimm tónskáld í fullu starfi. Þess ut-
an kemur fjöldi manna að starfinu
eftir þörfum; tónskáld, hljóðfæra-
leikarar, hljóðblandarar og fleiri.
Veigar áætlar að Pitch Hammer
Music komi að áttatíu til hundrað
markaðsherferðum á ári. „Hlutverk
okkar er að gera límonaði úr sítrón-
um, eins og sagt er vestra,“ segir
hann. „Margar bíómyndir eru með 2
trailera; 90 sekúndna teaser trailer
og svo 2:30 fullan trailer. Þar að
auki eru oft margir TV-trailerar,
þ.e. trailerar sem birtast eingöngu í
sjónvarpi. Stórar myndir gera jafn-
vel allt upp í 20-30 „TV spots“ eins
og það er kallað. Og margir með
mismunandi tónlist og mismunandi
klipptir. Allt miðast við ákveðinn
markhóp. Þar að auki eru sumir
trailerar með tónlist úr ýmsum átt-
um. Kannski efni frá okkur og svo
popplag frá Coldplay eða eitthvað
slíkt.“
Veigar segir samstarfið við Bras-
her ganga vel. „Við smellpössum
saman. Ég er A-týpa en hann B-
týpa, þannig að við bætum hvor
annan vel upp. Hann er flinkari í
samningum og að fronta fyrirtækið,
en ég er meira maðurinn á bak við
tjöldin.“ Meðal nýlegra verkefna má
nefna Captain America: Civil War,
Zoolander 2, The Jungle Book, The
Imitation Game, Spotlight, Alice in
Wonderland 2, Sicario, Mad Max:
Fury Road og Deadpool.
Veigar segir ekkert vandamál að
sinna vinnunni héðan frá Íslandi.
„Skype, Dropbox og tölvupósturinn
gera mér kleift að vera hér. Að ekki
sé talað um hratt internet. Ég er
með hraðara internet hér en í LA.
Ég fer samt reglulega út; ætli ég sé
ekki í LA svona tíu til tólf vikur á
ári. Það er nóg. Þá gæti ég þess að
vera mjög sýnilegur og viðhalda
tengslanetinu, sem er auðvitað orðið
býsna stórt eftir allan þennan tíma.
Það skiptir máli að hamra járnið.
Manni leyfist ekki að slaka mikið á.
Þetta er stanslaus vinna.“
Hann segir það alltaf hafa unnið
með sér að vera Íslendingur í Los
Angeles. Þjóðernið sé framandi og
veki forvitni. Þegar tveir menn séu
um verkefni, annar frá Pennsylv-
aníu og hinn frá Keflavík, hafi menn
tilhneigingu til að líta fyrst á þann
síðarnefnda. „Ef þú ert að reyna að
koma þér á framfæri í LA og segist
vera frá Íslandi færðu mjög líklega
athygli. Það er svo undir þér sjálf-
um komið að nýta þér þá athygli.“
Darth Veigar
Hann segir mikilvægt fyrir alla Ís-
lendinga, hvar sem þeir eru í heim-
inum og hversu lengi sem þeir dvelj-
ast fjarri heimahögum, að muna að
þeir eru alltaf fulltrúar Íslands. „Í
W. Bush var forseti en poppkúlt-
úrinn og afþreyingariðnaðurinn eru
til þess fallin að losa um spennu og
draga úr fordómum. Þetta er
kannski ekkert rosalega djúpt en
eigi að síður staðreynd sem enginn
skyldi vanmeta. Engum er illa við
George Clooney og hver getur ekki
skemmt sér yfir stórmyndum eins
og Star Wars eða Independence
Day?“
Segir ekki nei við mömmu!
Rekstur Pitch Hammer Music hefur
tekið lungann úr tíma Veigars und-
anfarin ár. Núna langar hann hins
vegar að fara að sinna sinni eigin
tónlist í ríkari mæli. Hann var einn
stofnmeðlima Stórsveitar Reykja-
víkur og fékk þá ágætu sveit loksins
„undir puttana“ á dögunum við
prýðilegar undirtektir. „Það er
langt síðan ég hef stjórnað tón-
leikum en þetta er eins og að læra
að hjóla; það gleymist ekkert.“
Hann getur gjarnan hugsað sér
að gera meira af slíku í framtíðinni.
Eins að semja, útsetja og taka upp
fjölbreyttari tónlist. „Ég er með að-
stöðu hjá vinum mínum í Stúdíó
Sýrlandi og hlakka til að gefa lista-
hlið tónlistarinnar meiri tíma á kom-
andi misserum.“
Þá hefur Veigar verið að kenna
meistaranemum í tónsmíðum við
Listaháskóla Íslands og kann afar
vel við sig í því hlutverki.
Spurður um trompetinn glottir
Veigar. „Trompetinn er harður hús-
bóndi og maður þarf að halda sér
mjög vel við til að vera samkeppn-
isfær á þeim vettvangi. En fyrst þú
spyrð spilaði ég um daginn á tón-
leikum með Eldey, kór eldri borg-
ara í Reykjanesbæ. Mamma er í
kórnum og bað mig um þetta. Mað-
ur segir ekki nei við mömmu sína!“
mörgum tilvikum erum við örugg-
lega eini Íslendingurinn sem við-
komandi hefur hitt eða kemur til
með að hitta um dagana. Reynum
því í öllum bænum að vera almenni-
leg!“
Spurður hvernig Bandaríkja-
mönnum gangi að glíma við nafnið
hans skellir Veigar upp úr. „Vægar“
eða „Vígar“ sé ekki óalgengt. „Ann-
ars bendi ég fólki alltaf á að þetta sé
sama hljóðið og í Darth Vader; þá
nær það þessu strax.“
Hann hlær.
Veigar skilgreinir tónsmíðar
Pitch Hammer Music sem blöndu af
tónlist og hljóðhönnun. Bestu við-
brögðin segir hann eftirfarandi:
„Vá, ég veit ekki hvað þetta er en
það er geggjað!“
Almenningur hefur oft samband
við fyrirtækið vegna tónlistar við
einstakar stiklur og þá er tónlistin
gjarnan sett inn á Spotify eða iT-
unes svo að fólk geti notið hennar
þar. „Mikið af okkar efni er reyndar
ekki þar því við reynum að halda
tónlistinni „exclusive“ fyrir kvik-
myndaverin.“
Það er síðan merkilegt að 60-70%
slíkra beiðna koma frá Mið-
Austurlöndum, þar sem Bandaríkin
njóta almennt séð ekki mikillar
hylli. „Þótt sambandið sé stirt við
mörg af þessum ríkjum elska allir
amerískan poppkúltúr. Það er í það
minnsta mín reynsla. Ímynd Banda-
ríkjanna í Mið-Austurlöndum hefur
verið löskuð allt frá því að George
’ Ísland er „hot spot“ þegar kemur að ferðamennsku.Það fer ekkert á milli mála. Það besta sem gat fyrirokkur komið í þessu sambandi var gosið í Eyjafjalla-jökli. Bandaríkjamenn vita að minnsta kosti upp til
hópa miklu meira um landið eftir gosið.
26.6. 2016 MORGUNBLAÐIÐ SUNNUDAGUR 21
N
ýbýlavegur8.-200
Kópavogur-S:527
1717
-
dom
usnova@
dom
usnova.is
-w
w
w
.dom
usnova.is
Frítt verðmat
Viltu vita hvað þú færð fyrir
fasteignina þína ?
Fasteignasala venjulega fólksins...
Fagljósmyndun
Traust og góð þjónusta alla leið