Morgunblaðið - Sunnudagur - 26.06.2016, Blaðsíða 35

26.6. 2016 MORGUNBLAÐIÐ SUNNUDAGUR 35
Það þarf ekki endilega að ferðast út fyrir landsteinana
til að upplifa tónlistarhátíðarstemninguna í sumar og
er úr ýmsu að velja hérna heima. Hátíðirnar eru bæði
haldnar á stórhöfuðborgarsvæðinu sem og úti á landi
og verða nokkrar þær helstu hér taldar upp.
EISTNAFLUG Neskaupstaður – 6. til 9. júlí
Þungarokkshátíðin Eistnaflug hefur verið haldin hátíð-
leg í Neskaupstað á Austurlandi frá því sumarið 2005.
Meðal þeirra hljómsveita sem koma fram í ár eru Mes-
huggah, Opeth, Hatari, Amorphis, Ham, Sólstafir og
Dimma. Þar að auki verður partýtjald þar sem minna
þungar sveitir á borð við Retro Stefson, Úlfur Úlfur og
Páll Óskar koma fram.
LUNGA Seyðisfjörður – 10. til 17. júlí
Listahátíðin LungA samanstendur meðal annars af
vinnusmiðjum, sýningum og tónleikum og um eina
allsherjar veislu að ræða. Meðal listasmiðja má nefna
Óskhyggju, Ruslabóratóríum og Performanskareókí-
faktorí. Ekki er enn búið að tilkynna um allar þær
sveitir sem munu koma fram á hátíðinni en meðal
þeirra sem eru búnar að staðfesta komu sína eru rapp-
arinn GKR, Fufanu, Hatari, Ayia og Fura.
NORÐANPAUNK Laugarbakki – 29. til 31. júlí
Pönkhátíðin Norðanpaunk er fremur ný af nálinni en
hefur farið vaxandi frá ári til árs. Margar hljómsveitir
eru væntanlegar á hátíðina og má þar nefna hina
sænsku Martyrdöd, hollensku sveitina Gnaw Their
Tongues, Misþyrmingu, Sinmara, Severed, Forgarð
Helvítis, Kæluna miklu og Q4U.
INNIPÚKINN Reykjavík – 29. júlí til 1. ágúst
Innipúkar geta sameinast um Verslunarmannahelgina
og kíkt á Húrra og Gauk á Stöng þar sem Innipúka-
hátíðin fer fram. Ekki er búið að staðfesta endanlegan
hljómsveitalista en meðal þeirra sem hafa staðfest
komu sína eru Aron Can, Emmsjé Gauti, Kött Grá Pjé,
Snorri Helgason, Valdimar og Agent Fresco.
AUSTURLANDIÐ STÁTAR AF TVEIMUR STÓRUM HÁTÍÐUM
Innipúkinn í Reykjavík hefur verið vel sóttur af tónlistarunn-
endum sem kunna ekki vel við að gista í tjöldum úti á landi.
Morgunblaðið/Eggert
Íslenskar tónlistarhátíðir
Á LungA kennir
ýmissa grasa.
Morgunblaðið/Pétur Kristjánsson
Dagskrá stærri tónlistarhátíða er yfirleitt frá morgni og langt fram á nótt.
Gestir geta þá skipulagt sína eigin dagskrá og séð það sem þeir vilja sjá.
AFP
Tónlistarhátíðir framundan
Lollapalooza
Chicago – Bandaríkin
Austin City Limits
Austin – Bandaríkin
Secret Garden Party
Huntingdon – England
Tomorrowland
Boom – Belgía
Exit
Novi Sad – Serbía
Sziget
Búdapest – Ungverjaland
Hóarskelda
Hróarskelda – Danmörk