Morgunblaðið - 13.08.2016, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 13. ÁGÚST 2016
19 daga ferð á ári APANS 1.-19. nóv. 2016
með
KÍNAKLÚBBI UNNAR
Farið verður til SHANGHAI, SUZHOU, TONGLI,
GUILIN, XIAN og BEIJING. Einnig siglt
á LI fljótinu og farið upp á KÍNAMÚRINN.
Heildarverð á mann: Kr. 660 þúsund
Kínastund
Hópar og einstaklingar geta pantað „Kínastund“, á Njálsgötunni, með mynda-
sýningu, sýningu á Tai-Chi og kínverskum listmunum, ásamt veitingum.
Kínasafn Unnar
Njálsgötu 33B, er opið laugardaga og sunnudaga kl. 14.00–16.00.
Aðgangur kr. 1.000.- Einnig er hægt að panta sérsýningar.
Allt innifalið, þ.e. full dagskrá skv. ferðaskrá, gisting í tvíbýli á 4-5 stjörnu
hótelum (einb. + 100 þ.), fullt fæði með máltíðardrykkjum, skattar og gjöld,
staðarleiðsögumenn og fararstjórn Unnar Guðjónsdóttur, en þetta verður 38.
hópferðin, sem hún skipuleggur og leiðir um Kína. Ferðaskráin er á vefnum.
Til Kína með konu sem kann sitt Kína
Kínaklúbbur Unnar
Njálsgötu 33, 101 Reykjavík
sími: 551 2596, farsími: 868 2726
Vefsíða: kinaklubbur.weebly.com
Netfang: kinaklubbur@simnet.is
60 þúsund kr. afsláttur fyrir þá sem greiða fyrir 1. september.
Hjörtur J. Guðmundsson
hjortur@mbl.is
Fyrir liggur að þungavigtarfólk mun
hverfa á braut úr þingflokkum núver-
andi stjórnarflokka, Sjálfstæðis-
flokksins og Framsóknarflokksins,
eftir næstu þingkosningar óháð því
hverjar niðurstöður kosninganna
verða. Þannig tilkynnti Illugi Gunn-
arsson menntamálaráðherra í gær að
hann ætlaði ekki að gefa kost á sér í
prófkjöri Sjálfstæðislokksins í
Reykjavík, sem fram fer 3. septem-
ber. Framboðsfrestur rann út í gær
klukkan 16. Áður hafði Hanna Birna
Kristjánsdóttir, fyrrverandi innanrík-
isráðherra, lýst því yfir að hún ætlaði
ekki að gefa kost á sér til áframhald-
andi þingmennsku.
Þau Hanna Birna og Illugi vermdu
efstu sæti framboðslista Sjálfstæðis-
flokksins í Reykjavík fyrir síðustu
þingkosningar og því ljóst að sjálf-
stæðismenn þurfa að velja sér nýja
oddvita fyrir kjördæmin. Við það bæt-
ist að Pétur H. Blöndal lést á síðasta
ári en hann skipaði þriðja sætið á
framboðslistanum fyrir kosningarnar
2013. Brynjar Níelsson var í fjórða
sætinu og hyggst gefa áfram kost á
sér. Hann stefnir á eitt af efstu sæt-
unum.
Ólöf stefnir á fyrsta sætið
Ólöf Nordal, innanríkisráðherra og
varaformaður Sjálfstæðisflokksins,
stefnir á fyrsta sætið á framboðslist-
anum en hún á ekki sæti á þingi. Þing-
mennirnir Guðlaugur Þór Þórðarson,
Birgir Ármannsson og Sigríður Á.
Andersen gefa áfram kost á sér. Guð-
laugur stefnir á að skipa efsta sætið í
öðru hvoru Reykjavíkurkjördæminu
og Birgir og Sigríður Á., sem tók við
þingsæti Péturs H. Blöndal, stefna á
sæti ofarlega á listanum. Þá stefnir
Áslaug Arna Sigurbjörnsdóttir, ritari
Sjálfstæðisflokksins, á 2.-3. sæti.
Alls lýstu 16 einstaklingar yfir
framboði í prófkjöri Sjálfstæðis-
flokksins í Reykjavík Auk ofan-
greindra má nefna, að Hildi Sverris-
dóttur, borgarfulltrúi, og Guðmund
Franklin Jónsson, sem leiddi flokkinn
Hægri græna.
Tekist á um oddvitasætið
Þrír þingmenn Framsóknarflokks-
ins í Reykjavík ætla ekki að gefa
áfram kost á sér til þingmennsku;
Vigdís Hauksdóttir, Frosti Sigurjóns-
son og Sigrún Magnúsdóttir um-
hverfisráðherra. Fjórði þingmaður
flokksins í höfuðborginni, Karl Garð-
arsson, hyggst hins vegar gefa kost á
sér í efsta sætið í Reykjavíkurkjör-
dæmi norður. Hann er nú annar þing-
maður Framsóknarflokksins í
Reykjavík suður.
Þorsteinn Sæmundsson, þingmað-
ur Framsóknarflokksins í Suðvestur-
kjördæmi, ætlar að reyna fyrir sér í
Reykjavíkurkjördæmi norður og
stefnir á fyrsta sætið og sama á við um
Hauk Loga Karlsson lögfræðing.
Lilja Alfreðsdóttir utanríkisráðherra
stefnir á fyrsta sætið á framboðslista
Framsóknarflokksins í Reykjavíkur-
kjördæmi suður. Valið verður í fimm
efstu sætin á framboðslista Fram-
sóknarflokksins í Reykjavík á tvö-
földu kjördæmaþingi sem fram fer 27.
ágúst.
Tekist verður á um oddvita sjálf-
stæðismanna í Suðurkjördæmi en þar
er sótt að Ragnheiði Elínu Árnadótt-
ur, iðnaðar- og viðskiptaráðherra. Ás-
mundur Friðriksson, þingmaður
Sjálfstæðisflokksins, stefnir á fyrsta
sætið og sama á við um Pál Magn-
ússon, fyrrverandi útvarpsstjóra. Þá
hefur Árni Johnsen, fyrrverandi þing-
maður flokksins, lýst yfir framboði í
eitt af efstu sætunum. Unnur Brá
Konráðsdóttir og Vilhjálmur Árnason
gefa áfram kost á sér. Unnur stefnir á
2. sætið og Vilhjálmur það þriðja.
Prófkjörið fer fram 10. september.
Einar K. Guðfinnsson, forseti Al-
þingis, ætlar að hætta á þingi og Har-
aldur Benediksson, þingmaður Sjálf-
stæðisflokksins í
Norðvesturkjördæmi, vill leiða
listann. Teitur Björn Einarsson, að-
stoðarmaður fjármálaráðherra, vill
einnig fylla skarð Einars. Þá hyggst
Ragnheiður Ríkharðsdóttir láta af
þingmennsku en aðrir þingmenn Suð-
vesturkjördæmis ætla að gefa áfram
kost á sér. Framsóknarþingmennirn-
ir Haraldur Einarsson og Páll Jóhann
Pálsson gefa ekki áfram kost á sér.
Ekki er vitað annað en að aðrir þing-
menn flokksins gefi áfram kost á sér.
Tekist á um oddvitasæti hjá
ríkisstjórnarflokkunum
 Forystusæti í þremur kjördæmum laus  Tveir ráðherrar gefa ekki kost á sér
Morgunblaðið/Golli
Þingmenn Þegar er ljóst að talverðar breytingar verða á þingliði ríkis-
stjórnarflokkanna óháð því hvernig næstu kosningar kunna að fara.
Valið á framboðslista
» Prófkjör fara fram hjá Sjálf-
stæðisflokknum í öllum kjör-
dæmum. Prófkjör verða 3.
september í Reykjavík, Norð-
vesturkjördæmi og Norðaust-
urkjördæmi en 10. september í
Suðvesturkjördæmi og Suður-
kjördæmi.
» Valið verður á framboðslista
Framsóknarflokksins á kjör-
dæmaþingum og aukakjör-
dæmaþingum. Tvöfalt kjör-
dæmaþing fer fram í Reykjavík
27. ágúst og aukakjördæma-
þing í Suðvesturkjördæmi 25.
ágúst. Þá verða auka-
kjördæmaþing 20. ágúst í
Norðvestur- og Norðaustur-
kjördæmi og kjördæmisþing í
Suðurkjördæmi sama dag.
Tekist verður á um oddvitasætið á
framboðslista Vinstrihreyfingar-
innar – græns framboðs í Norðvest-
urkjördæmi vegna næstu þingkosn-
inga. Flokkurinn fékk einn
þingmann kjörinn í síðustu kosn-
ingum, Lilju Rafneyju Magn-
úsdóttur, sem gefur áfram kost á sér
sem oddviti framboðslistans. Það
sæti vill einnig Bjarni Jónsson, for-
maður Svæðisfélags VG í Skagafirði.
Þá gefur Lárus Ástmar Hannesson
kost á sér í 1.-2. sæti og Rúnar Gísla-
son stefnir á 1.-3. sæti. Samanlagt
gefa ellefu kost á sér í forvali um sex
efstu sætin sem fram fer 31. ágúst til
5. september.
Framboðslisti VG í Norðaustur-
kjördæmi liggur þegar fyrir, en valið
var á hann með uppstillingu. Efstu
þrjú sætin skipa þingmennirnir
Steingrímur J. Sigfússon og Bjarkey
Gunnarsdóttir og varaformaður
flokksins, Björn Valur Gíslason.
Uppstilling er einnig í öðrum kjör-
dæmum. Einn þingmaður VG hætt-
ir, Ögmundur Jónasson, sem er eini
þingmaður flokksins í Suðvestur-
kjördæmi. Ekki er vitað annað en að
aðrir ætli að gefa áfram kost á sér.
Tveir hætta
Tveir þingmenn Samfylkingar-
innar hætta, Kristján L. Möller og
Katrín Júlíusdóttir. Ekki er vitað
annað en að aðrir þingmenn flokks-
ins ætli að gefa áfram kost á sér.
Ólína Þorvarðardóttir fær mót-
framboð í Norðvesturkjördæmi, en
hún tók við þingmennsku á kjör-
tímabilinu af Guðbjarti Hannessyni
heitnum. Inga Björk Bjarnadóttir
býður sig fram í 1.-2. sæti framboðs-
lista flokksins.
Helmingur þingflokks hættir
Stillt verður upp á framboðslista
Bjartrar framtíðar í öllum kjör-
dæmum og stefnt að því að listanir
liggi fyrir 10. september, þegar árs-
þing flokksins fer fram. Helmingur
þingmanna flokksins gefur ekki kost
á sér áfram; þau Guðmundur Stein-
grímsson, fyrrverandi flokks-
formaður, Brynhildur Pétursdóttir
og Róbert Marshall. Hinir þrír hafa í
hyggju að bjóða áfram fram krafta
sína: Björt Ólafsdóttir, Óttarr
Proppé og Páll Valur Björnsson.
Skoðanakannanir undanfarna
mánuði hafa ekki verið Bjartri fram-
tíð hliðhollar og hafa þær bent til
þess að flokkurinn nái ekki lág-
marksfylgi samkvæmt lögum til
þess að fá fulltrúa kjörna á Alþingi.
Það er 5%. Því er alls óvíst hvort ein-
hverjir af þingmönnum Bjartrar
framtíðar eigi afturkvæmt á þing.
hjorturjg@mbl.is
Farið gegn tveimur oddvit-
um Vinstri grænna
 Björt framtíð stillir upp á framboðslista flokksins
Morgunblaðið/Kristinn
Breytingar Ögmundur Jónasson gefur ekki áfram kost á sér fyrir VG.
Jón Valdimar Jóhannsson, sem
eftirlýstur var af Alþjóðalögreglunni
(Interpol) í maí síðastliðnum, er
kominn í leitirnar. Leitað var að
honum í tengslum við stórfellda
líkamsárás sem framin var á
skemmtistaðnum Spot í Kópavogi
árið 2014.
Mál hans hefur nú verið þingfest í
héraðsdómi og er Jón Valdimar
kærður fyrir að hafa hrint öðrum
karlmanni með þeim afleiðingum að
maðurinn hlaut lífshættulega áverka
á höfði. Er fórnarlambið sagt þjást
af varanlegri skerðingu, hægri hugs-
un og þunglyndi auk þess sem
maðurinn glímir við skert líkamlegt
og andlegt þol eftir fallið.
Háttsemi Jóns Valdimars er talin
varða við 2. mgr. 218. gr. almennra
hegningarlaga, en grein sú fjallar
um líkamsárásir sem valda öðrum
tjóni á líkama eða heilbrigði.
Ákæra var gefin út í málinu í febr-
úar síðastliðnum, en við handtöku-
skipun sinnti Jón Valdimar ekki
fyrirkalli og boðaði ekki lögmæt for-
föll. Var því haft samband við Inter-
pol, sem því næst lýsti eftir honum.
Er slíkt venjan þegar líkur eru tald-
ar á að viðkomandi sé utan heima-
lands síns, en samkvæmt ákæru er
Jón Valdimar búsettur í Danmörku.
AFP
Interpol Jón Valdimar er grunaður
um stórfellda líkamsárás árið 2014.
Mál Jóns
þingfest
í héraði
 Var eftirlýstur af
Interpol eftir árás