Morgunblaðið - 09.09.2016, Side 24

24 UMRÆÐAN
MORGUNBLAÐIÐ FÖSTUDAGUR 9. SEPTEMBER 2016
Farice býður öflug
fjarskiptasambönd
milli Íslands, Færeyja,
Bretlands og meg-
inlands Evrópu um sæ-
strengi sína, Danice og
Farice-1. Fyrirtækið er
mjög mikilvægt fyrir
fjarskiptaöryggi og við-
skiptaumhverfi allra
Íslendinga og er fyrst
og fremst rekið í þeim
tilgangi að veita örugga og góða þjón-
ustu. Farice hefur reynt eftir megni
að styðja við uppbyggingu gagnavers-
iðnaðar á Íslandi þar sem slík viðbót-
arþjónusta gerir rekstur á alþjóðlegri
fjarskiptaþjónustu við alla Íslendinga
hagkvæmari, rétt eins og sala raf-
magns til álvera hefur gert raf-
orkukerfi Íslendinga hagkvæmari
fyrir almenning.
Þörf á fleiri sæstrengjum
Nefnd á vegum samgönguráðherra
sem skipuð var árið 2007 komst að
þeirri niðurstöðu að þörf væri á fleiri
sæstrengjum vegna fjarskiptaöryggis
Íslands við umheiminn þar sem Can-
tat-3 strengurinn var úreltur. Á seinni
stigum var þjónusta við gagnaver not-
uð sem viðbótarrök fyrir réttlætingu
slíkrar fjárfestingar. Þegar ljóst var
að Danice strengurinn yrði lagður var
ákveðið að Greenland Connect
strengurinn yrði tengdur Danice-
strengnum á suðurströnd Íslands,
sem annars hefði farið fram hjá Ís-
landi og með þessu móti urðu til þrjár
tengingar til Íslands en Greenland
Connect-strengurinn endar í N-
Ameríku. Ekki er víst að önnur út-
færsla á Danice-strengnum hefði leitt
til þeirrar niðurstöðu að Ísland fékk
þriðju tenginguna við umheiminn.
Farice tryggir
fjarskiptaöryggi
landsins
Í byrjun árs 2012
gerði Fjarskiptasjóður
f.h. Ríkissjóðs þjónustu-
samning við Farice um
að félagið ábyrgðist fjar-
skiptaöryggi landsins
sem er ein af grunn-
stoðum landsins. Slíkir
þjónustusamningar eru
gjarnan gerðir þegar
metið er að einkaaðili sé
ódýrari kostur en að Ríkissjóður
standi undir slíkri grunnþjónustu
sjálfur. Í samningnum eru gerðar
mjög strangar kröfur um svokallaðan
uppitíma og hefur Farice staðist þær
kröfur og gert betur. Núverandi þjón-
ustusamningur gildir til ársloka 2018.
Eftir þann tíma eru vonir bundnar við
að tekjur tengdar gagnaverum séu
orðnar nægjanlegar þannig að ekki
verði lengur þörf á þjónustusamningi
og Ríkissjóður spari sér því umtals-
verðar fjárhæðir í framtíðinni. Upp-
bygging gagnavera er því verulegir
hagsmunir fyrir bæði Farice og rík-
issjóð.
Notkun gagnavera
eykst á hverju ári
Notkun gagnavera á orku hefur
aukist verulega og er nú orðinn nálægt
30MW og vex á hverju ári. Gagnaver
greiða auk þess hærra verð en al-
mennt gengur og gerist í orkufrekum
iðnaði og eru umhverfisvænni starf-
semi. Farice sér þessa aukningu í auk-
inni bandvíddarnotkun á strengjum
félagsins og eru gagnaver orðin stærri
notendur en allur íslenski markaður-
inn. Engu að síður er enn lítill hluti
flutningsgetu strengjanna nýttur og
eru því vaxtamöguleikar fyrir gagna-
ver mjög miklir.
Bati á rekstri Farice
Síðustu ár hefur verið mikill bati í
rekstri Farice samhliða stöðugum
verðlækkunum til notenda, en gjald-
skrá Farice hefur lækkað um að
minnsta kosti 50% síðustu fimm ár, og
hefur félagið lagt áherslu á að greiða
niður skuldir til að búa í haginn fyrir
framtíðina. Gæði þjónustu hafa verið
mjög mikil á alþjóðlegum mælikvarða
og með því besta sem þekkist. Farsæl
uppbygging gagnaversiðnaðar á Ís-
landi hefur stutt við þennan árangur
og gæti gert það enn frekar í framtíð.
Um Farice
og gagnaver
Eftir Ómar
Benediktsson
Ómar Benediktsson
» Farice sér þessa
aukningu í aukinni
bandvíddarnotkun á
strengjum félagsins og
eru gagnaver orðin
stærri notendur en allur
íslenski markaðurinn.
Höfundur er framkvæmdastjóri Fa-
rice ehf.
Í umræðum um
skólamál á síðasta
borgarstjórnarfundi
var um margt áhuga-
vert að fylgjast með
málflutningi meirihlut-
ans í borgarstjórn.
Það virðist augljóst að
meirihlutinn skilur illa
eða ekki orðið for-
gangsröðun.
Peningaeyðsla
í nefndir
og úttektir
Borgarstjóri sagði að nú yrði
sett í forgang að rýna skóla- og
frístundasvið borgarinnar og öll
þess fjármál. Áslaug Friðriksdóttir
borgarfulltrúi benti þá á að þegar
væru í gangi tugir nefnda og
starfshópa til að rýna og greina
stöðuna. Hún spurði réttilega hvað
væri eiginlega komið úr allri þeirri
vinnu og hvort það væri virkilega
eina svar meirihlutans nú að fjölga
bara rýnihópunum. Væri ekki nær
að forgangsraða fjármunum borg-
arkerfisins heldur en setja þá í
nefndir og úttektir?
Eru útgjöldin
bráðnauðsynleg?
Í borgarkerfinu öllu er út-
gjaldavandi. Þar er svo illa for-
gangsraðað að það bitnar á skól-
unum. Það er verið að eyða
peningum í annað.
Halldór Halldórsson borg-
arfulltrúi benti réttilega á að vand-
inn væri aðallega útgjaldavandi.
Það væri einfaldlega verið að eyða
um efni fram í rekstri borgarinnar
– þrátt fyrir að tekjurnar séu mik-
ið yfir áætlun. Kjartan Magnússon
borgarfulltrúi kallaði það að verið
væri að eyða fé í gæluverkefni í
stað grunnþjónustu. Hjálmar
Sveinsson borgarfulltrúi gerði at-
hugasemdir við þenn-
an málflutning og
taldi upp alls konar
verkefni varðandi
samgöngur og borg-
arumhverfi sem væru
öll nauðsynleg. Björn
Blöndal borgarfulltrúi
bætti í og taldi upp
ýmislegt sem fulltrúar
Sjálfstæðisflokksins í
borginni hafa nefnt
sem dæmi um verk-
efni sem hægt væri
að fresta eða sleppa í
þágu þess að forgangsraða – og ýj-
aði að því að með þessu væru
borgarfulltrúar Sjálfstæðisflokks-
ins að lýsa yfir að þeir væru á
móti öllum þeim verkefnum.
Undirrituð fór þá yfir að mögu-
lega skildi meirihlutinn ekki orðið
forgangsröðun. Hvað annað ætti
að útskýra hvernig borgarfulltrúar
hans tala hver á eftir öðrum með
votti af fyrirlitningu um tillögur
sjálfstæðismanna til sparnaðar,
þegar staðan er sú að verið er að
sinna grunnþjónustu undir lág-
markskröfu? Auðvitað er það svo
að við erum ekki á því að mörg af
þeim atriðum sem borgarstjórn
leggur fé í séu aldeilis ómöguleg.
En það þarf pólitískt hugrekki til
að segja af eða á hvort þau séu
bráðnauðsynleg. Á því er munur.
Óþarfur kostnaður
Að gefnu tilefni tilkynnist meiri-
hlutanum því hér með að fulltrúar
Sjálfstæðisflokksins eru ekki á
móti mannréttindum þó þeir leyfi
sér að benda á að peningunum
sem 10 manna mannréttindasvið
ráðhússins kostar væri kannski
betur varið í annað. Mannrétt-
indum virðist til dæmis ágætlega
sinnt í nágrannasveitarfélögunum
án viðlíka yfirbyggingar. Hvað
með til dæmis langa biðlistann eft-
ir talkennslu í skólunum, mætti
kannski nota helming stöðugilda
mannréttindasviðsins til að fjölga
stöðugildum við talkennsluna og
freista þess þannig að stytta bið-
listann?
Fulltrúar Sjálfstæðisflokksins
eru heldur ekki á móti lýðræði þó
þeir hafi bent á að verkefnum
stjórnkerfis- og lýðræðisráðs megi
vel sinna annars staðar í borg-
arkerfinu og leggja niður ráðið.
Fulltrúar Sjálfstæðisflokksins
eru heldur ekki á móti nauðsyn-
legri þróun borgarumhverfis og
samgangna þó þeir bendi á að
þrenging Grensásvegar hefði mátt
missa sín núna.
Pólitískt hugrekki
Nú þegar það er opinbert að
meirihlutinn í borgarstjórn ræður
ekki við það verkefni að halda úti
mannsæmandi skólaþjónustu verð-
ur hann að fara að ákveða með
hvers konar málflutningi hann ætl-
ar að verja þá frammistöðu. Ljóst
er að tekjur borgarsjóðs eru næg-
ar – þannig að ekki heldur sú af-
sökun. Þá stendur væntanlega eft-
ir að verið sé að eyða peningum
um efni fram.
Þá þarf að forgangsraða. Og þá
þarf pólitískt hugrekki til að út-
skýra fyrir borgarbúum að það
þurfi að forgangsraða þó að auðvit-
að væri gaman að geta gert allt.
Nemendur, foreldrar og kennarar
eiga skilið að heyra skýrt hvar
meirihlutinn vill forgangsraða og
hvaða verkefni hann telur réttlæta
það að ekki sé til nægilegt fé til að
reka skólakerfið.
Hvað felst í forgangsröðun?
Eftir Hildi
Sverrisdóttur » Væri ekki nær að
forgangsraða fjár-
munum borgarkerfisins
heldur en setja þá í
nefndir og úttektir?
Hildur Sverrisdóttir
Höfundur er borgarfulltrúi
Sjálfstæðisflokksins.
„Þú getur sleppt rafrænu yfirliti með því að skrá skuldfærslureikn-
ing á kortið og þá lækkar kostnaðurinn niður í 125kr; sem er út-
skriftargjald, og lægsta gjald sem hægt er að hafa á kortinu.“
Fékk þetta svar frá Arion banka en ég baðst undan því að greiða
kr 310 kr í netyfirlit af greiðslukorti, mánaðarlega samtals 3.720 kr.
á ári.
Mér finnast þessi aukagjöld bankanna alveg með ólíkindum og al-
veg sérílagi íþyngjandi fyrir okkur þau eldri sem höfum nauman líf-
eyri.
Eldri borgari.
Nóg af peningum fyrir
útlendinga en ekki aldraða?
Ég heyrði í Eygló Harðardóttur segja í útvarpinu um daginn, en
hún vill að Íslendingar taki á móti fleira flóttafólki. Hún sagði að það
væri til nóg af peningum og vel hægt að taka á móti fleirum.
Hvernig stendur þá á því að ekki skuli vera hægt að bæta kjör ör-
yrkja og aldraðra, sem lepja dauðann úr skel, fyrst það er til svona
mikið af peningum, eins og þingmaðurinn segir?
Ragnheiður, eldri borgari.
Velvakandi Svarað í síma 569-1100 frá kl. 10-12 velvakandi@mbl.is
Rafræningjar?
Réttindamál Eldri borgarar
eru ekki of sælir af kjörum sínum.
Vegna mikillar sölu vantar okkur
fasteignir á höfuðborgarsvæðinu,
á söluskrá.
Ef þú ert í söluhugleiðingum,
endilega hafðu samband sem fyrst, í
síma 5334200 eða : arsalir@arsalir.is
Ef þú vilt selja, kaupa eða leigja fasteign,
hafðu samband í síma 533-4200
eða arsalir@arsalir.is
Ágæti fasteigna
eigandi !
Björgvin Björgvinsson,
löggiltur fasteignasali
Örugg og traust þjónusta í
fasteignaviðskiptum í áratugi.
Funahöfði 1 | 110 Reykjavík | Sími 567 4840 | www.bilo.is | bilo@bilo.is
M.BENZ G 350 CDI BLUETEC nýskr. 2014, ekinn 39 Þ.km, dísel, sjálfskiptur (7 gíra).
Mjög vel búinn aukahlutum og lítur út sem nýr!Verð 21.900.000 kr. Raðnr. 254866
Þú finnur bílinn á bilo.is Auglýstir bílar eru á staðnum Skráðu bílinn á bilo.is
ALVÖRU JEPPI