Morgunblaðið - 10.09.2016, Side 10
10 FRÉTTIRInnlent
MORGUNBLAÐIÐ LAUGARDAGUR 10. SEPTEMBER 2016
QUICKREFRESH™ ÁKLÆÐI
Rennilás gerir það afar einfalt er að taka
QuickRefresh áklæðið af dýnunni og þvo.
FAXAFENI 5
Reykjavík
588 8477
DALSBRAUT 1
Akureyri
588 1100
SKEIÐI 1
Ísafirði
456 4566
Háþróað
TEMPUR® efni
Precision™
Micro gormar
AFSLÁTTUR
25%
KOMDU NÚNA!
TEMPUR-DAGAR
Við höfum endurskapað heilsudýnuna. Aftur.
Rennilásinn er líklega það eina sem við endurhönnuðum ekki.
NÝJA TEMPUR® Hybrid heilsudýnan
Með því að sameina háþróaða TEMPUR® efnið og
hina vönduðu Precision™ micro gorma aðlagar
nýja TEMPUR® Hybrid heilsudýnan sig fullkomlega að líkama þínum
og bregst við hreyfingum þínum þannig að þú upplifir réttan
stuðning og hámarksþægindi.
Til enn frekari þægindaauka er dýnan klædd QuickRefresh™
áklæði sem taka má af með rennilás og þvo.
TEMPUR® HYBRID HEILSUDÝNAN
Frumlegasta hönnun TEMPUR til þessa!
STANGVEIÐI
Einar Falur Ingólfsson
efi@mbl.is
Eftir að einungis hefur verið leyfð
fluguveiði í Ytri-Rangá í sumar var
allt agn leyft í liðinni viku og viti
menn; þótt veiðin hafi verið fín í sum-
ar ruku tölurnar upp þegar laxinn sá
spón og maðk birtast í hyljum. Viku-
veiðin var 1.119 laxar. Nær átta laxar
á stöng á dag. Minni veiði en það hef-
ur verið kölluð mok …
Miðfjarðará er næst á metveiði-
lista veiðisumarsins sem senn lýkur;
enn eitt frábæra sumarið þar og liðin
vika gaf 174 laxa. Dofnað hefur yfir
Blöndu, þar sem veiddust 35, í Þverá
og Kjarrá veiddust 53, 72 í Vatns-
dalsá og 57 í Víðidalsá. Maður sem
var við veiðar þar sagði að tökur
hefðu verið einstaklega viðkvæmn-
islegar og menn hefðu misst marga
laxa; félagarnir lönduði fjórtán á
stöngina en misstu eina tuttugu, svo
grannt var tekið.
Vikan var býsna góð í Laxá í Að-
aldal, 113 laxar og nánast daglega
veiðast laxar 20 pund og yfir. Ef litið
er til Vesturlands veiddust 49 í Laxá
í Dölum sem hefur verið furðu góð í
sumar. Nú er tekið að rigna þar og
konur sem luku veiðum í gær og
höfðu landað átta eftir þrjár vaktir,
voru ánægðar með tökugleðina sem
óx í takt við hækkandi vatnsborð. Þá
sáu þær hvar stórar torfur gengu inn
ána og staðfestir það enn og aftur
frásagnir af löxum sem bíða í
Hvammsfirðinum fyrir utan og gangi
svo „þaralegnir“ þegar tekur að
rigna.
Dauft í Grímsá og Kjós
Í Langá, þar sem veiðimenn hafa
kvartað yfir miklu tökuleysi laxins,
náðust 53 á land í vikunni. Og í
Grímsá, sem hefur verið dauf, hefur
441 lax verið færður til bókar, sem er
aðeins betra en 2014 en engu að síður
lítil veiði. Enn daprara er það í Laxá í
Kjós þar sem vikan gaf fjórtán laxa
og eru sumir líklega spenntari fyrir
sjóbirtingnum sem er farinn að verða
áberandi á „frísvæðinu“ svokallaða.
Fínasta silungsveiði
Sjóbirtingstíminn er runninn upp
og víða að berast fréttir af vænum
birtingum sem veiðast og stundum
margir. Fyrsta holl í þeirri góðu
veiðiá Tungufljóti í Skaftártungum,
þar sem sverð fornkappa finnast á
árbökkum, landaði 45 fiskum en nú
má einungis veiða með flugu í ánni
ólíkt því sem áður var þegar Toby-
spúnninn var gjöfulasta agnið.
Menn og konur hafa einnig veitt
vel í Jónskvísl og Eldvatni, Fossálum
og Vatnamótum en veiðimenn sem
tjáð hafa sig á samfélagsmiðlum
segja mikið af fiski á síðastnefnda
svæðinu og á eitthvað af honum á ef-
laust eftir að dreifast í bergvatns-
árnar sem falla í Skaftá. Og góðir
birtingar veiðast ekki bara í Skafta-
fellssýslum; fínir fiskar hafa til að
mynda fallið fyrir flugum veiðimanna
í Kjósinni, Víðidals- og Vatnsdalsá.
„Ég trúði ekki mínum eigin aug-
um,“ sagði veiðimaður sem var í
fyrsta skipti í Víðidalsá á dögunum
og var ekki að lýsa laxatorfum sem
hann sá þar heldur bleikjuflekkj-
unum. „Sú stærsta sem ég landaði
var fimm pund. Þetta eru alvöru-
fiskar!“ sagði hann undrandi. Og
hefði getað dundað sér lengur við sil-
unginn en hann gerði en fékk líka
fína laxa. Annað veiðimaður, sem
blaðamaður heyrði í í gær, þekkir vel
til í Víðidal og sagðist „alltaf taka
svona tíu bleikjur með heim“. Það
væri hægt að ná miklu fleiri, ef menn
legðu sig eftir því. Í Vatnsdalsá er
einnig fín bleikjuveiði eins go svo oft
áður, sem og í Hópinu.
Sigtryggur Bjarni Baldvinsson
hefur veitt þrisvar sinum í sumar í
Héðinsfirði, þar sem hann telst til
heimamanna og þekkir ána vel.
Hann segir göngurnar í ána hafa
verið fínar í ár og hafi hann veitt vel í
öll skiptin. En bleikjan getur verið
dyntótt eins og sannaðist á dögunum
þegar hún tók nær aðeins eina flugu
sem henni var boðin og það var ein
sú fyrsta sem Sigtryggur hafði hnýtt
sjálfur og notaði í hár úr forláta mar-
okkóskum inniskóm.
Mjög góð bleikjuveiði er sögð vera
í Fljótaá í Fljótum og þá segir aðdá-
andi Eyjafjarðarár, hvar veiðin hef-
ur verið í lægð, sem honum finnst
bleikjan vera að ná sér á strik aftur.
Sem er gott að heyra enda er rétt að
minna á að silungsveiði með réttum
og nettum græjum getur verið jafn
skemmtileg, og oft enn skemmtilegri
en laxveiði.
Morgunblaðið/Einar Falur
Bleikjutog Fín sjóbleikjuveiði hefur verið víða á Norðurlandi, þegar liðið hefur á veiðitíðina á hefðbundinni bleikju-
slóð. Hér togast Þorsteinn J. Vilhjálmsson á við eina spræka í Hópinu en fín silungsveiði er í sumum húnvetnskum ám.
Allt agn í boði og
mokveiði í Ytri-Rangá
1.119 laxar veiddust í Ytri-Rangá í liðinni viku Með-
alveiðin átta á stöng á dag Sjóbirtingsveiði fer vel af stað
Aflahæstu árnar
Heimild: www.angling.is
Staðan 7. september 2016
Veiðivatn (Stangafjöldi) Veiði
Á sama
tíma í
fyrra
Á sama
tíma
2014
Ytri-Rangá & Hólsá (20) 6.609 2.074
Miðfjarðará (10) 5.485 1.501
Eystri-Rangá (18) 2.523 2.289
Blanda (14) 4.665 1.901
Þverá - Kjarrá (14) 2.274 1.137
Norðurá (15) 2.886 924
Haffjarðará (6) 1.624 777
Langá (12) 2.167 524
Laxá í Aðaldal (18) 1.067 802
Laxá í Dölum (6) 1.291 145
Víðidalsá(8) 1.400 574
Haukadalsá (5) 556 177
Selá í Vopnafirði (6) 1.068 924
Hítará (6) 1.222 381
Vatnsdalsá (6) 1.146 684
7.428
3.677
2.976
2.330
1.808
1.297
1.218
1.159
1.075
1.021
927
885
794
728
756
Íslenska liðið í opnum flokki á
heimsleikunum í brids, sem fara
fram í Wroclaw í Póllandi, endaði í
áttunda sæti í sínum riðli og komst
ekki áfram í 16 liða úrslit mótsins,
sem hefjast í dag.
Keppt var í þremur riðlum og
komust fimm efstu liðin áfram úr
hverjum riðli auk stigahæsta liðsins
í 6. sæti. Fyrir síðustu tvo leikina í
gær var íslenska liðið í 6. sæti í sín-
um riðli en eftir stórt tap fyrir
Mónakó í næstsíðustu umferð var
ljóst að úrslitasætið hefði gengið Ís-
lendingunum úr greipum. Liðið vann
Bosníu í síðasta
leik en endaði
eins og fyrr segir
í 8. sæti í sínum
riðli. Eina Norð-
urlandaliðið, sem
komst í 16. liða
úrslitin að þessu
sinni, var lið Svía.
Íslenska
kvennaliðið tap-
aði fyrir Taívan í
næstsíðustu um-
ferð í gær og sat yfir í síðustu um-
ferð og endaði í 14. sæti í sínum riðli.
Ísland missti af úrslita-
sæti á bridsmóti
Snorri Karlsson,
einn íslensku liðs-
mannanna.