Dagblaðið Vísir - DV - 25.06.2015, Qupperneq 74

58 Menning Helgarblað 25.–29. júní 2015
Allt á einum stað:
Prentun, merkingar og frágangur.
Inni- og útimerkingar.
Segl- og límmiðaprentun.
Ljósmynda-, striga- og segulprentun.
Textaskraut, sandblástur,
GSM hulstur og margt fleira...
M
yndir sem gera grín að
James Bond eru nánast
jafn gamlar og James Bond
sjálfur, enda erfitt að taka
hann alvarlega þó maður hafi gam-
an af. Fyrsta Casino Royale-myndin
var súrrealísk gamanmynd með
Woody Allen og Peter Sellers, síðan
kom Get Smart, þá Austin Powers
og ótal fleiri. Og nú er komið að
Melissu McCarthy.
Umgjörð myndarinnar er ágæt.
Jude Law er hinn Bond-legi njósn-
ari, þó með uppgerðan bandarísk-
an hreim. Melissa er konan sem
leiðbeinir honum bak við tjöldin
og er ástæðan fyrir velgengni hans.
Þetta er því nánast Bond með aug-
um Miss Moneypenny, sem ger-
ir þó margt annað en að stynja „Oh
James“.
Melissa er síðan sjálf gerð út af
örkinni til njósnastarfa og í stað
þess að vera aksturskappi eða fjár-
hættuspilari í dulargervi er hún
látin ganga í gegnum allar staðal-
myndir holdugra kvenna, allt frá
kennslukonu í sumarleyfi yfir í
brjálaða kattarkonu.
Það er áhugavert að sjá heim-
inn með augum Melissu, hér er það
ekki lúðinn sem fær sætu stelpuna
að lokum heldur venjulega stúlkan
sem er skotin í sæta stráknum sem
vill bara að þau séu vinir. Og að lok-
um er það vinátta kvenna á milli
sem mestu máli skiptir.
Farið er í gegnum póstkortaút-
gáfu af Evrópu, París, Róm og Búda-
pest, en eins og svo oft í bandarísk-
um gamanmyndum fer gamanið
að kárna í seinni helmingnum og
úr verður spennumynd sem er lítið
spennandi. Sem er verr og miður,
því hefðu þeir haldið sig við upp-
runalegu hugmyndina hefði þetta
orðið afbragðs grínmynd í stað
miðlungsafþreyingar. n
Sú sem elskaði njósnarann
Grínmyndin Spy er miðlungsafþreying
Valur Gunnarsson
valurgunnars@gmail.com
Kvikmyndir
Spy
Leikstjórn og handrit: Paul Feig
Aðalhlutverk: Melissa McCarthy,
Jude Law og Jason Statham.
Allar bækur
1 LeynigarðurJohanna Basford
2 Konan í lestinniPaula Hawkins
3 Hamingjuvegur Liza Marklund
4 Blóð í snjónumJo Nesbø
5 Vegvísir um jarð-fræði Íslands
Snæbjörn Guðmundsson
6 Tapað fundið Árelía Eydís Guðmundsdóttir
7 Perlur úr ljóðum ísl. kvenna Silja Aðalsteins
dóttir valdi
8 RótlausDorothy Koomson
9 Gæfuspor - Gildin í lífinu Gunnar Hersveinn
10 Mindfulness Colour Book Emma Farrarons
Spennandi sumarsmellur
S
pennusagan Konan í lestinni
eftir Paulu Hawkins hefur
slegið í gegn víða um heim
og mánuðum saman setið í
efstu sætum á metsölulistum
í Bandaríkjunum og Bretlandi. Bók-
inni hefur verið líkt við Hún er horf-
in eftir Gillian Flynn og víst er að þeir
sem lásu þá bók sér til ánægju eiga
ekki síður eftir að njóta þess að lesa
þessa. Konan í lestinni er fimmta
skáldsaga Hawkins og sú fyrsta sem
hún sendir frá sér undir eigin nafni
en fyrri bækurnar skrifaði hún allar
undir dulnefni. Reynd-
ar má kvarta undan
því að engar upplýs-
ingar eru um Hawkins
á bókarkápu íslensku
þýðingarinnar. Eftir
lestur jafn vel heppn-
aðrar glæpasögu hlýt-
ur lesandinn að fyllast
nokkurri forvitni um
höfundinn.
Aðalpersóna
sögunnar, Rachel,
ferðast alltaf með
sömu lest á morgn-
ana. Lestin stansar
alltaf fyrir aftan göm-
ul íbúðarhús sem
standa við lestarspor-
ið. Rachel fer að finnast hún þekkja
íbúana í einu húsanna og ímynd-
ar sér hvernig líf þeirra er. En einn
daginn sér hún skelfilegan atburð út
um lestargluggann. Hún segir lög-
reglunni frá því og flækist inn í ófyr-
irsjáanlega atburðarás.
Þrjár konur skiptast á að segja
söguna og er Rachel þar langfyrir-
ferðarmest. Hún er alkóhólisti, er
full eða timbruð meginpart sögunn-
ar. Hún er engan veginn áreiðanleg-
ur sögumaður, enda ansi margt sem
hún ekki man. Þannig er nú ástandið
á okkar konu. Margt sem hún gerir
er ekki til fyrirmyndar en varnarleysi
hennar í baráttunni við áfengisþorst-
ann gerir að verkum að það er afar
auðvelt að hafa samúð með henni.
Lýsingarnar á áfengissýkinni eru
afar sterkar og átakanlegar. Rachel
er sérstök aðalpersóna,
gölluð en samúðar-
full og aðrar persónur
bókarinnar falla óhjá-
kvæmilega í skugga
hennar, þótt þær séu
ágætlega dregnar. Það
má sannarlega hella
hrósi yfir höfundinn
fyrir að hafa skapað
þessa eftirminnilegu
og athyglisverðu kven-
persónu.
Atburðarásin er
spennandi og á köfl-
um dularfull og ekkert
virðist vera eins og það
sýnist. Þær persón-
ur sem koma við sögu
hafa allar einhverju að leyna. Um
tíma er lesandinn fullkomlega rugl-
aður í ríminu. Uppljóstrunin í lokin
kemur kannski ekki með öllu á óvart
og er nokkuð í ætt við lokaatriði í
spennumynd frá Hollywood.
Hér er á ferð sérlega góð og
spennandi sumarlesning. Bók sem
á skilið að verða sumarsmellur. Ekki
verður svo annað séð en að óhjá-
kvæmilegt sé að Hollywood geri
kvikmynd eftir bókinni með stór-
stjörnum í aðalhlutverki. Sagan
hreinlega æpir á það. n
Konan í lestinni Bók sem hefur komið út
víða um heim og hlotið metsölu.
Konan í lestinni
Höfundur: Paula Hawkins
Útgefandi: Bjartur
Þýðing: Bjarni Jónsson
377 bls.
Kolbrún Bergþórsdóttir
kolbrun@dv.is
Bækur
„Það má
sannarlega
hella hrósi yfir
höfundinn fyrir að
hafa skapað þessa
eftirminnilegu
og athyglisverðu
kvenpersónu.
Metsölulisti
Eymundsson
17. maí–23. júní 2015
Paula Hawkins
Johanna Basford