Dagblaðið Vísir - DV - 18.08.2015, Blaðsíða 26

Vikublað 18.–20. ágúst 201518 Sport
úrval nýrra og
nýlegra sendibíla
9/2012 Renault Master Sturtubíll - Ekinn aðeins 16
þús. km. ABS hemlar - Aksturstölva - Fjarstýrðar
samlæsingar - Geislaspilari - Líknarbelgir - Loftkæl-
ing - Rafdrifnar rúður - Rafdrifnir speglar - Útvarp -
Vökvastýri - Þjónustubók. Lengd á palli er 3280 mm.
okkar verð: 4.290.000,- án vsk
(5.319.600,- með vsk.)
bíllinn er á staðnum á frábæru verði!
renaUlT MasTer dCi 125
10 leikmenn sem féllu
úr náðinni hjá Van Gaal
n Það er ekki tekið út með sældinni að spila undir stjórn hollenska harðstjórans
Þ
ó að Hollendingurinn Lou-
is van Gaal hafi ávallt náð
góðum árangri með þeim
félögum sem hann hef-
ur stjórnað hefur hann oft
lent upp á kant við leikmenn sína.
Aðeins ári eftir að hann tók við
Manchester United er samband
hans við markvörðinn David de Gea
orðið stirt. De Gea vill fara til Real
Madrid og van Gaal lét hafa eftir
sér fyrir leikinn gegn Aston Villa á
föstudag að de Gea vildi ekki spila
fyrir United. Í kjölfarið heyrðist úr
herbúðum de Gea að það væri ekki
rétt. Telegraph tók saman lista yfir
tíu þekkta leikmenn sem lentu upp
á kant við hollenska
harð- stjórann. n
Einar Þór Sigurðsson
einar@dv.is
Giovanni „Van Gaal er sem
Hitler fyrir brasilíska leikmenn; hann er
hrokafullur, stoltur og á við vandamál að
stríða.“ Þessi orð lét brasilíski framherjinn
Giovanni falla árið 2010 en hann lék undir
stjórn van Gaal hjá Barcelona skömmu fyrir
aldamótin. Eftir að van Gaal tók við félaginu
fækkaði tækifærum Giovanni í liðinu og það
fór illa í Brassann. Það sem tók steininn úr var
þegar van Gaal bað Giovanni um að koma
með liðinu til Tenerife fyrir deildarleik. Þegar
þangað var komið sagði van Gaal honum að
hann yrði ekki á leikskýrslu.
Lucio Brasilíski varnarmaðurinn
Lucio var um tíma einn besti miðvörður
heimsfótboltans. Árið 2009 var hann seldur
frá Bayern München til Inter á Ítalíu þar sem
hann vann Meistaradeildina á sinni fyrstu
leiktíð. Van Gaal, sem var stjóri Bayern þegar
Lucio var seldur, var ekki ofarlega á
vinsældalistanum hjá Brassanum. „Van Gaal
særði mig meira en nokkur hefur gert,“ sagði
Lucio um stjórnarhætti Hollendingsins.
Hristo Stoichkov
Stoichkov, besti leikmaður í sögu Búlgaríu,
hefur nýtt öll tækifæri til að hnýta í van
Gaal á undanförnum árum. Nú síðast varaði
hann Pedro, leikmann Barcelona, við því
að ganga í raðir United því van Gaal myndi
„skemma félagið“. Þetta ósætti á rætur
sínar að rekja til þess tíma þegar Stoichkov
lék undir stjórn van Gaal hjá Barcelona. Van
Gaal vildi losna við Stoichkov og fór svo að
hann yfirgaf félagið árið 1998 og hélt heim
til Búlgaríu. „Ég ber enga virðingu fyrir van
Gaal. Hann er rusl af manneskju.“
Franck Ribery Frakkinn
Franck Ribery hjá Bayern München er á þeirri
skoðun að Van Gaal sé „slæmur maður“.
Þeir unnu þýsku deildina og þýsku
bikarkeppnina saman árið 2010. Þrátt fyrir
góðan árangur þýðir það ekki að mikill
vinskapur hafi ríkt á milli þeirra tveggja. „Við
áttum í erfiðleikum með samskipti. Þegar
hann kom vissi enginn hvað myndi gerast.
Honum var alveg sama um nöfn og fyrri
afrek leikmanna. Allir þurftu að sanna sig á
nýjan leik.“ Sitt sýnist hverjum um orð
Ribery en yfirleitt virka hlutirnir einmitt
svona þegar nýr stjóri tekur við liði.
Zlatan Ibrahimovic
Zlatan og van Gaal unnu saman hjá Ajax
þegar ferill Zlatans var á hraðri uppleið. Það
fór ekki vel í Zlatan þegar van Gaal, sem þá var
tæknilegur ráðgjafi Ajax-liðsins, vildi aðeins
að Zlatan myndi spila í Meistaradeildinni þar
sem liðið væri nánast búið að tryggja sér hol-
lenska meistaratitilinn. Í ævisögu sinni sagði
Zlatan að van Gaal væri „oflátungslegur asni“.
Luca Toni Ítalski markahrók-
urinn var frábær með Bayern München, allt
þar til Louis van Gaal tók við félaginu.
Samband þeirra var stirt og var Luca Toni
afar óhress með þá meðferð sem hann fékk
hjá van Gaal. Í eitt skipti togaði van Gaal
leikmanninn upp á eyrunum þar sem hann
sat og borðaði kvöldverð með liðsfélögum
sínum. „Það, hvernig van Gaal kom fram við
leikmenn sína, var skammarlegt.“
Robin van Persie
Margir muna eftir fimmunni sem Robin van
Persie gaf Van Gaal síðasta sumar eftir að
sá fyrrnefndi skoraði með flugskalla gegn
þáverandi heimsmeisturum Spánar á HM í
Brasilíu. Stuðningsmenn Manchester United
héldu að stórkostlegir hlutir væru í nánd.
Raunin varð þó önnur og náði van Persie
engu flugi með Manchester United á síðustu
leiktíð. Meiðsli settu vissulega strik í reikn-
inginn hjá van Persie. „Ég bað um að fá að
spila með varaliðinu til að fá fleiri mínútur.
En eftir það var ég aftur kominn á bekkinn
í aðalliðinu. Andrúmsloftið á milli okkar
breyttist,“ sagði van Persie eftir að hann var
seldur til Fenerbache í sumar.
Victor Valdes
Louis van Gaal og Victor Valdes hafa eldað
grátt silfur saman að undanförnu. Van Gaal
lét hafa eftir sér fyrir skemmstu að Valdes
eigi enga framtíð á Old Trafford – hann
hafi ekki rétta hugarfarið til að spila fyrir
Manchester United. Þegar van Gaal stýrði
Barcelona fékk Valdes sín fyrstu tækifæri
hjá Barcelona. Ekki leið á löngu þar til
Valdes var aftur kominn í varaliðið við litla
hrifningu markvarðarins sem neitaði að
æfa. Van Gaal vildi að Valdes yrði seldur frá
félaginu en forseti Barcelona á þeim tíma,
Joan Gaspart, þvertók fyrir það að selja einn
efnilegasta leikmann félagsins. Valdes var
eflaust ánægður þegar Van Gaal var látinn
taka pokann sinn skömmu síðar.
Mark van Bommel
Hollendingurinn Mark van Bommel lék
undir stjórn van Gaal hjá Bayern München
frá 2009 til 2011. Tækifærum van Bommels
fækkaði þegar Luiz Gustavo var keyptur
til félagsins. Í kjölfarið tilkynnti van Gaal
að van Bommel yrði ekki lengur fyrirliði
liðsins. Var orðrómur þess efnis á kreiki að
van Gaal teldi van Bommel of valdamikinn í
leikmannahópi Bayern-liðsins og þetta væri
leið van Gaal til að sýna hver réði. Þetta fór
illa í van Bommel sem móðgaðist sárlega
vegna þeirrar meðferðar sem hann fékk.
Rivaldo Rivaldo var einn besti, ef
ekki besti, knattspyrnumaður heims þegar
Louis van Gaal stýrði Barcelona-liðinu. Liðið
vann tvo Spánarmeistaratitla í röð og var
Rivaldo síógnandi á vinstri vængnum.
Rivaldo vildi frekar spila í holunni
svokölluðu – fyrir aftan fremsta mann – og
lét hann van Gaal vita af því. Van Gaal tók
þessari bón Rivaldo illa og ekki leið á löngu
þar til einn besti knattspyrnumaður heims
var kominn á bekkinn. Undir lok tímabilsins
var ljóst að Barcelona myndi ekki vinna
Spánarmeistaratitilinn og fór svo að van
Gaal var látinn taka pokann sinn.
Harður
húsbóndi
Van Gaal kallar
ekki allt
ömmu
sína.