Dagblaðið Vísir - DV - 18.08.2015, Blaðsíða 32

Vikublað 18.–20. ágúst 201524 Menning
Sögur tveggja listakvenna
Gunnella og Lulu Yee sýna verk sín í Gallerí Fold
L
istakonurnar Gunnella og
Lulu Yee sýna verk sín í Gall-
erí Fold. Sýning þeirra stend-
ur til 30. ágúst. Gunnella sýnir
olíumálverk og verk Lulu Yee
eru fígúratífir skúlptúrar úr keramiki.
Gunnella er spurð af hverju þær
hefðu kosið að sýna saman: „Við
kynntumst á síðasta ári á samsýn-
ingu í Seattle í Bandaríkjunum. Lulu
var sýningarstjóri og valdi fjóra lista-
menn frá Íslandi og fjóra frá Banda-
ríkjunum fyrir sýning Sú sýning bar
nafnið Auga Óðins og þemað þar
var Óðinn og goðafræðin. Eftir sýn-
inguna héldum við sambandi. Sýn-
ing á verkum mínum var fyrirhug-
uð í Gallerí Fold og þá kom upp sú
hugmynd að Lulu Yee myndi taka
þátt í þeirri sýningu með mér. Okkur
fannst verkin spila vel saman. Mín-
ar myndir eru litríkar og hennar verk
sömuleðis. Hún vinnur út frá álfum,
huldufólki og tröllum. Mitt þema er
íslensk náttúra, saga okkar, menning
og sveitalíf.“
Sýning listakvennanna hefur yf-
irskriftina Sögur. Við erum báðar að
segja sögur,“ segir Gunnella. „Fólk
hefur sagt mér að þegar það horfi
á myndirnar mínar sjái það sögu í
þeim, en það þarf ekki endilega að
vera sú saga sem mér fannst ég vera
að segja. Það er alltaf eitthvað að ger-
ast í myndunum og það má ef til vill
lesa margt úr þeim. Hver og einn
skilgreinir þær á sinn hátt.“
Gunnella hefur haldið margar
einkasýningar og tekið þátt í fjölda
samsýninga. Hún var heiðruð af New
York Times og valin á lista tíu bestu
myndskreyta árið 2005 í Banda-
ríkjunum fyrir bókina Hænur eru
hermikrákur eftir Bruce McMillan. Í
október mun Mjólkursamsalan nýta
mynd eftir hana á mjólkurfernur og
ágóðinn af sölunni rennur til styrktar
tækjakaupa á Landspítalanum.
Lulu Yee býr í New York en er
fædd og uppalin í Kaliforníu. Hún
hefur áður haldið sýningu á Ís-
landi en auk þess sýnt verk
sín víða um heim og tekið
þátt í fjölmörgum samsýn-
ingum. Hún bjó á Íslandi
um fjögurra ára skeið. „Ég
kom hingað árið 1996 eft-
ir að mamma dó og mál-
aði myndir sem ég kalla
kraftaverkamyndir,“ segir
hún. „Ég ræddi við fólk um
kraftaverk og málaði það
sem það sagði mér. Sögurn-
ar voru margs konar. Einn
maður sagði mér frá föður
sínum sem var farþegi í flug-
vél sem brotlenti og komst
lífs af. Hann lýsti fyrir mér
slysinu frá sjónarhóli föður
síns. Það var kraftaverk að
faðir hans skyldi lifa af því
margir létust í slysinu. Ein
kona hafði þráð að eign-
ast barn mjög lengi og fékk
loks þá ósk sína uppfyllta.
Þarna voru líka sögur af
fólki sem færði fórn fyr-
ir aðra.“
Lulu Yee segist vinna
myndlist sína með fjöl-
breytilegum hætti, hún
málar með olíu, vinn-
ur með textíl og keramik.
Fígúrurnar sem eru á sýn-
ingunni eru málaðar með
leirmálningu og glerungum
og margbrenndir sem skapar
mörg lög af teikningu og lit.
„Ég hef málað þessar fígúrur
í næstum 20 ár en síðustu ár
hef ég gert þær úr keram-
iki og fyrir vikið verða þær
enn meira lifandi en áður,“
segir hún. n
Kolbrún Bergþórsdóttir
kolbrun@dv.is „Það er alltaf eitt-
hvað að gerast í
myndunum og það má ef
til vill lesa margt úr þeim.
Hver og einn skilgreinir
þær á sinn hátt.
Lulu Yee og Gunn-
ella Verk þeirra spila
vel saman enda eru þær
báðar að segja sögur.
MYnd SiGtrYGGur Ari
Auðhumla eftir Gunnellu „Mitt þema
er íslensk náttúra, saga okkar, menning og
sveitalíf,“ segir hún.
Verk eftir
Lulu Yee
Verkin eru
fígúratífir
skúlptúrar
úr keramiki.
Fæst í öllum helstu apótekum og Heilsuhúsinu.www.provision.is
Viteyes AREDS2 er andoxunarvítamín með
sinki, lúteins og zeaxantíns og er ætlað
við aldursbundinni augnbotnahrörnun.
Nú er vítamínið með endurbættri formúlu
sem gerir það enn betra en áður.
Viteyes í nýju umbúðunum er komið í
dreifingu og er fáanlegt á sömu stöðum
og áður, um allt land.
NÝTT OG ENDURBÆTT
AUGNVÍTAMÍN
Í NÝJUM UMBÚÐUM!
Nýjar
umbúðir
Augnheilbrigði