Fréttatíminn - 22.01.2016, Blaðsíða 78

10 | fréttatíminn | Helgin 22. janúar-24. janúar 2016
auglýsingadeild fréttatímans
S. 531 33 00 | auglysingar@frettatiminn.isKynningar | Vetrarfjör
Unnið í samstarfi
við Hlíðarfjall
Hlíðarfjall er eitt helsta aðdráttar-
afl akureyrar yfir vetrarmánuðina.
Bæjarbúar eru heppnir að geta
nýtt sér þessa skíðaparadís í jaðri
bæjarins og taka glaðir á móti ferða-
mönnum sem koma fjölmargir
gagngert til þess að njóta útiveru og
hollrar hreyfingar í fjallinu. erlendir
ferðamenn koma í sífellt meira mæli
í Hlíðarfjall og til að mynda var um
30% af skíðaleigu um síðustu jól og
áramót til erlendra gesta.
Skíðaleiðirnar niður hlíðar fjallsins
eru margar og mismunandi og allir
geta fundið brekku við sitt hæfi;
hvort sem óskað er eftir notalegri
ferð þar sem hægt er að njóta útsýn-
isins á meðan eða hraðri og brattri
sem fær adrenalínið til að þjóta um
æðarnar. Brekkurnar eru ekki síðri
fyrir iðkendur snjóbretta en skíða og
gönguskíðabrautin í Hlíðarfjalli er
alltaf jafn vinsæl meðal gönguskíða-
fólks.
Í Hlíðarfjalli er starfræktur skíða-
skóli sem hentar afar vel börnum
sem eru að stíga sín fyrstu skref í
íþróttinni. guðmundur Karl jónsson,
forstöðumaður skíðasvæðisins, segir
Skíðaskólann njóta mikilla vinsælda
enda nauðsynlegt fyrir byrjendur á
skíðum að ná grunntækni til þess að
njóta þess að renna sér niður brekk-
urnar.
„Kennslan í skíðaskólanum fer
fram um helgar og einnig á stórum
viðburðum svo sem vetrarfríinu og
dymbilviku. Kennslan fer fram frá
klukkan tíu til tólf og einnig er hægt
að vera frá tíu til tvö. Þegar krakk-
arnir eru til tvö fá þau pítsu og drykk
í hádeginu,“ segir guðmundur og
bætir við að öll börn séu velkomin í
skíðaskólann, líka þau sem eru vön
en vilja skerpa á kunnáttunni. allir
krakkar á aldrinum 5-12 ára eiga þess
kost að skrá sig í skíðaskólann og er
hann getu- og aldursskiptur. guð-
mundur segir skólann sívinsælan en
nemendur hvern vetur eru að jafnaði
um 2500-3000 talsins; enda hlýtur
hann að teljast með skemmtilegri
skólum landsins! Í ár verður að sjálf-
sögðu aukin þjónusta í tengslum
við vetrarfríin sem nálgast óðfluga
og verða námskeið vikurnar 15.-19.
febrúar og 24.-26. febrúar. gott er
að forskrá börnin á www.hlidarfjall.
is/is/skidaskolinn/skraning til þess að
forðast raðir á staðnum.
Það er nauðsynlegt að fá hvíld frá
brekkunum í dálitla stund og í skíða-
skálanum er prýðileg aðstaða til þess
að kasta mæðinni, spjalla og fá sér í
gogginn. Á veitingastaðnum er hægt
að grípa samloku og franskar, ylja sér
við matarmikla gúllassúpu eða hrein-
lega skella sér á rammíslenskar kótil-
ettur og með því. einnig er vinsælt
að grípa með sér nesti til þess að
gæða sér á úti í fersku loftinu.
Það jafnast fátt á við rjóðar kinnar
og brosandi andlit eftir ánægju-
lega og fjöruga skíðaferð. Velkomin
norður!
Skíðaparadísin Hlíðarfjall
Fjölskylduvænt vetrarfrí og sívinsæll skíðaskóli
auk þess sem allir finna brekku við sitt hæfi.
Unnið í samstarfi við
skíðasvæði Tindastóls
Í um 15 km fjarlægð frá Sauðár-
króki er skíðasvæðið Tindastóll með
brekkur við allra hæfi ásamt göngu-
skíðabraut.
„Þetta er mjög fjölskylduvænt
skíðasvæði,“ segir Viggó jónsson,
framkvæmdastjóri skíðasvæðis
Tindastóls. Ýmislegt er í boði, jafnt
fyrir byrjendur sem lengra komna.
„Við erum með töfrateppi fyrir þau
minnstu og svo er svæðið þannig að
þú sérð yfir allt svæðið og mjög auð-
velt er að fylgjast með þínu fólki.“
eitt aðalsmerki skíðasvæðsins er
frábær gönguskíðabraut sem hefur
allt sem einkennir góða braut. einn-
ig eru þar fjölbreyttar skíðabrautir
og mjög gott svæði fyrir brettafólk.
Þá er á svæðinu „Crazy roller“
sem er eina tækið sinnar tegundar
á Íslandi. „Þetta er í raun bolti sem
þú ert ólaður niður í og síðan er þér
slakað niður og þú ferð svo hring
eftir hring. Þetta er mjög vinsælt og
sérstaklega fyrir hópa,“ segir Viggó.
Það er ekki eingöngu fólk af
nærsvæðinu sem nýtir sér góða
aðstöðu Tindastóls, heldur kemur
fólk alls staðar að. „Við erum mjög
stutt frá reykjavík, styttra en
margan grunar. Það eru ekki nema
um 3 ½ tími að renna hingað, svo
ef þú leggur af stað um 8 þá ertu
kominn á skíði í hádeginu,“ segir
Viggó.
Svæðið er opið alla daga frá
klukkan 14-19 og klukkan 11-16
um helgar. Opnunartími getur þó
lengst ef þess þykir þurfa, t.d. ef um
hópa er að ræða. „Við erum mjög
sveigjanlegt skíðasvæði og tilbúnir í
allt,“ segir Viggó.
Nánari upplýsingar má finna á
www.skitindastoll.is
Fjölskylduvænt skíðasvæði
Frábær gönguskíðabraut, töfrateppi fyrir þau minnstu og brekkur við
allra hæfi á skíðasvæðinu Tindastóli.
Unnið í samstarfi við
Skíðasvæði Ísafjarðar
rétt fyrir utan Ísafjarðarbæ eru Dal-
irnir tveir, Tungudalur og Seljalands-
dalur, skíðasvæði Ísafjarðarbæjar. Sá
fyrrnefndi býður upp á fjölbreyttar
brekkur, bæði fyrir byrjendur sem
og lengra komna, á meðan sá síðar-
nefndi geymir gönguskíðasvæðið.
„Svæðin eru bæði virkilega
aðgengileg og þægilegt fyrir fólk að
skjótast þangað, t.d. eftir vinnu. Frá
miðbænum tekur þetta ekki nema
um sjö mínútur,“ segir Heimir Hans-
son skíðaáhugamaður. Hann segir
skíðin vera mikið fjölskyldusport þar
sem allir geti fundið eitthvað við sitt
hæfi. „Sjálfur held ég mig göngu-
skíðamegin, á Seljalandsdalnum,
sem er alveg frábært svæði. Þar
eru fínar brautir fyrir byrjendur og
svo bara allt litrófið, upp í keppnis-
brautir sem hafa fengið alþjóðlega
úttekt. Brautirnar eru upplýstar og
því ekkert mál að skíða fram undir
miðnætti ef svo ber við. Þetta er
mjög heimilislegt hjá okkur, fólk
kveikir bara ljósin þegar skyggja fer
og svo þegar þeir síðustu yfirgefa
svæðið þá slökkva þeir á eftir sér,“
segir Heimir.
Skíðaganga er vinsæl hjá yngri
kynslóðinni fyrir vestan, en Heimir
segist einnig hafa tekið eftir mikilli
fjölgun hjá fullorðnum. Hann segir
að á Skíðasvæði Ísafjarðarbæjar
sé boðið upp á sérstakar æfingar
fyrir konur þar sem tugir kvenna
hittist og æfi saman. nú séu einnig
að fara í gang karlahópar. „Í viðbót
við þetta hefur verið boðið upp á
sérstök helgarnámskeið á göngu-
skíðum, um 2-3 á vetri. Þetta er þá
löng helgi þar sem fólk allsstaðar að
af landinu kemur til að fá kennslu.
Það er eitt nú í byrjun febrúar og
mér skilst að um 50 manns eru
þegar skráðir,“ segir Heimir.
Dalirnir tveir
Allir geta fundið eitthvað við sitt hæfi á Skíða-
svæði Ísafjarðar.