Fréttatíminn - 01.04.2016, Síða 28

Myndir | Alda Lóa
KRINGLUNNI • SÍMI 568 9400 • BYGGTOGBUID.IS
Sérfræðingur frá Le Creuset kynnir nýjar vörur í
Byggt og Búið milli kl. 3 og 5 á morgun laugardag.
20% afsláttur
af öllum Le Creuset vörum föstudag-sunnudag.
Egill Andri Gíslason hefur
búið á götunni í eitt og hálft
ár. Hann hefur þvælst á
milli vina sem hafa skotið
yfir hann skjólshúsi. Hann
er ekki vímuefnaneytandi
og forðast öll hugbreytandi
efni nema þau sem honum er
ráðlagt að taka af læknisráði.
Vegna fátæktar hefur hann
verið lyfjalaus og án með-
ferðarúrræðis síðan BUGL
sleppti af honum hendinni
á 18 ára afmælisdeginum í
fyrra.
Alda Lóa Leifsdóttir
aldaloa@frettatiminn.is
Fyrir tíu ára aldur hafði Egill
Andri Gíslason búið í öllum blokk-
unum í Engihjalla, nema númer
níu. Hann flutti á milli leiguíbúða
með móður sinni, systur, ömmu
og móðursystur en lengi framan
voru þau fimm í íbúð. Hann hefur
ekkert heyrt af föður sínum í mörg
ár. „Pabbi sótti mig og systur mína
á um helgar þangað til að ég varð
11 ára. Þá voru pabbahelgar og við
gistum í studíóíbúðinni hans niðri
í bæ og hann reyndi að elda fyrir
okkur eftir uppskriftum á google.
En oftast hljóp hann út í sjoppu,
sem var hinum megin við götuna,
og sótti langlokur og gos. Pabbi er
svona „head bang“ týpa og „heavy
metal scream“ með hring í nefinu
og eyrunum og með sítt hár. Hann
á krakka út um allt en við vorum
einu börnin sem hann var í sam-
bandi við. Hann býr núna í út-
löndum einhversstaðar, ég veit að
hann var um tíma í Noregi. Hann
er á Facebook og hann hefur
komið inn af og til, sagt hæ og bæ
en hann skráir ekki hvar hann
er staddur eða svoleiðis. Hann er
alltaf eitthvað rosa upptekinn.
Hann hefur verið að tattúera síðan
ég man eftir mér og vann lengi
á tattú-stofunni á Laugavegi 69,
fyrir neðan Hókus Pókus.“
Hálfkláraður úlfur
Egill er með úlf tattúeraðan á
vinstri handlegg. „Ég lét gera þetta
fyrir tveimur árum en ég á eftir
að láta klára það, ég hef bara ekki
haft efni á því. Hérna vantar skygg-
ingu bak við úlfinn,“ segir Egill
og réttilega. Þá er næturhúmið,
eða skyggingin sem ber við höfuð
úlfsins, hálfklárað. „Maðurinn sem
gerði þetta þekkir pabba og hann
gat sagt mér fréttir af honum sem
voru ekki sérlega góðar. En ég held
ekki að pabbi sitji inni neinsstaðar
þótt að hann hafi verið í slagtogi
við þannig fólk. Ég held að ég hefði
frétt af því.“
Erfitt skap eins og foreldrarnir
„Mamma er alls ekki svona rokk-
aratýpa, þvert á móti, samt eru
fullt af svona „hells angels“ rokk-
urum í fjölskyldunni hennar. Hún
er bókari og kláraði nám meðan ég
bjó ennþá heima. Hún getur verið
rosalega mislynd og var alltaf að
skipta um vinnu, ég veit ekki hvort
það tengist skapinu. Foreldrar mín-
ir eru báðir skapstórir, sagan segir
að þegar ég var lítill hafi pabbi mis-
stigið sig og runnið til þegar hann
steig á leikfang sem ég skildi eftir á
gólfinu. Þá hafi hann í bræði sinni
kastað mér í sófann og hent niður
sjónvarpi í leiðinni. Svipað get ég
sagt um móður mína sem tryllist
við minnsta tilefni en hún hefur
ekki beitt mig líkamlegu ofbeldi.
En hún var alltaf öskrandi á okkur
systur mína. Allt sem við sögðum
var véfengt og gert tortryggilegt
þannig að samskiptin voru algjör
steypa. Það voru bara alltaf rosaleg
átök heima, allir öskrandi.“
Gekk illa að einbeita mér í skóla
„Við fluttum úr Engihjalla í Smára-
hverfið þegar ég var tíu ára. Þá var
mamma búin að kynnast manni
sem flutti inn til okkar. Upp frá því
fór mér að líða alveg ömurlega. Ég
kláraði samt grunnskóla en með
lélegum einkunnum. Ég átti mjög
erfitt með einbeitingu í skóla og all-
an lestur, en það var aldrei athugað
hvort að ég væri lesblindur. Ég hélt
samt áfram í skóla og kláraði tvær
annir í Iðnskólanum í Hafnarfirði.
Planið var að klára bifvélavirkjun.
Þar gekk mér vel með verklega
þáttinn en ömurlega með bóklega
námið.“
Trúðu ekki veikindum mínum
„En í framhaldsskóla var ég orðinn
mjög veikur. Ég vildi helst ekki fara
út og gat ekki verið meðal fólks.
Ég vildi bara hanga einn inni í
herbergi eða fara út að labba með
heyrnartólin mín, sem ég geri
reyndar mjög mikið af ennþá. Ég
bað oft um hjálp, ég vissi sjálfur
að ég væri ekki heilbrigður og að
ég þyrfti á hjálp frá sálfræðing eða
geðlækni. Mamma skildi það ekki
og sambýlismaður hennar, sem er
þunglyndur, sagði að hann þekkti
þunglyndi og að ég væri ekki með
Samtalsmeðferð er lykilatriði
Fátækt Það er ekki bara
skömmin sem vill fela
fátæktina í samfélaginu
heldur ríkir hagsmunir
líka. Við erum sann-
færð um að fátæktin sé
ekki samfélagslegt mein
heldur sök hins fátæka.
Fréttatíminn heldur
áfram að skoða líf og
veröld hinna fátæku.
Í desember þvældist Egill úti í nokkrar nætur, peningalaus og allslaus. Hann
beið til morguns eftir því að vinir hans vöknuðu og hleyptu sér inn.
... ég hélt mig
aðallega hjá vinkonu
minni þar sem ég
borðaði og gisti. Vin-
kona mín var mjög
hjálpleg og hefur
góða innsýn inn í
þunglyndi og skildi
vel hvað ég var að
ganga í gegnum.
28 | FRÉTTATÍMINN | HELGIN 1. APRÍL–3. APRÍL 2016