Fréttatíminn - 01.04.2016, Qupperneq 68

Á Íslandi er 361 kirkja og eru
í kringum 35 þeirra aflagðar.
Kirkjur eru aflagðar þegar enginn
söfnuður er lengur fyrir hendi eða
þegar ný kirkja er byggð. Sumar
þeirra eru afhelgaðar, athöfn sem
er á ábyrgð biskups. Þá er kirkju-
húsið kvatt og leyst undan þjón-
ustu Guðs og safnaðarins. Allir
munir kirkjunnar, líkt og skírnar-
skálar og áhöld til altarisgöngu,
eru fluttir í aðra kirkju, á sam-
komustað safnaðarins eða fargað.
Engin reglugerð er til staðar
hjá Þjóðkirkju Íslands hvað varðar
endurnýtingu bygginganna en það
getur verið flókið ferli. Kirkjan hef-
ur þjónað fólki í gegnum árin, sem
hefur tengst byggingunni sterkum
tilfinningalegum böndum. Því þarf
að vanda vel til verka og er það
á ábyrgð sóknarnefndar að finna
lausn og ákvörðun í þeim málum.
Það má búast við að fleiri kirkjur
verði afhelgaðar með þéttingu
byggðar. Þýskaland er framar-
lega hvað varðar nýtingu á kirkju-
húsnæði. Þar hafa verið tekin í
notkun barnaheimili, bókasöfn,
veitingahús, heimili og athvörf.
Tölum um íslenskar kirkjur Hvernig geta Íslendingar endurnýtt
auðar kirkjur þar sem söfnuður er ekki lengur til staðar?
Endurnýting
kirkna á Íslandi
1929 þegar Magnús Ólafsson
settist að í Krýsuvíkurkirkju
og bjó þar til 1945.
1999 var Stöðvafjarðarkirkju
breytt í gistiheimilið Krísuvík.
2005 stóð til að breyta Eski-
fjarðarkirkju í íbúð eftir að
hún var seld á almennum
markaði.
2007 var Blönduóskirkja gerð
að menningarhúsi.
361
kirkja á Íslandi
322
kirkjur þjóð-
kirkjunnar
39
önnur guðshús,
kapellur eða
bænahús
35
aflagðar
sóknarkirkjur
Heimild: Kirknaskrá þjóðkirkjunnar
Svanhildur Gréta Kristjánsdóttir
svanhildur@frettatiminn.is
Ég kann vel við mig hérna og það er allt til staðar nema kannski fjölskylda og íslensku vinirnir. Ég er búinn að gera sitt lítið af hverju, sitja fyrir hjá
fatamerkjum og tímaritum, þar á
meðal Vogue þar sem ofurfyrirsæt-
an Irina Shayk sat fyrir með mér,“
segir fyrirsætan Orri Helgason.
Hann er búsettur í Hollywood um
þessar mundir til að sinna fyrir-
sætustörfum en áður hefur hann
setið fyrir hjá tískumerkjum á borð
við Versace.
Orri er virkur á Instagram með
10.000 fylgjendur og segir það
mikilvægan lið í að starfa sem
fyrirsæta í dag. „Nýverið var ég
beðinn um að tilgreina fjölda In-
stagram fylgjenda fyrir tískuvik-
una í Mílanó. Samfélagsmiðlar eru
orðnir hluti af vinnunni minni sem
er skiljanleg þróun. Ef módel birtir
mynd af sér í fötum merkisins fær
það ókeypis auglýsingu sem nær til
mörg hundruð þúsund manns.“
Instagram er orðinn miðill
markaðssetningar á persónum
og vöru. Orri segir mikilvægt að
vanda valið á birtingum sem end-
urspegla vöruna og sinna um leið
eftirvæntingu fylgjenda. „Mínir
fylgjendur hafa áhuga á að fylgjast
með mínum módelstörfum og
ferðalögum, hvernig ég æfi og lít
út. Ég verð að hafa það hugfast að
birta efni sem höfðar til þeirra og
þess sem ég vil standa fyrir.“
Að mati Orra er mikilvægt að
greina á milli þess sem samfélags-
miðlar birta og raunveruleikans.
Instagram á það til að sýna aðeins
það jákvæða og skemmtilega í líf-
inu. „Það má ekki láta samfélags-
miðla blekkja sig eða hafa neikvæð
áhrif á líkams- og sjálfsmynd sína.
Margt af efninu á Instagram á sér
ekki stoð í raunveruleikanum,
myndir eru teknar frá sjónarhorn-
um sem ýkja öll hlutföll og jafn-
vel búið að eiga við þær í mynd-
vinnsluforritum. Enginn líkami
er eins en mestu máli skiptir að
líða vel með sjálfan sig. Stundum
er það heldur ekki líkaminn sem
þarfnast breytinga heldur það
hvernig við hugsum. Það á ekki
síður við um þá sem birta mynd-
irnar. Það er auðvelt að falla í
gryfju samfélagmiðla og láta fjölda
fylgjenda og „likes“ stjórna eigin
sjálfstrausti og líðan. Svoleiðis
sjálfstraust gerir lítið fyrir mann í
raunveruleikanum.“
Aðspurður hvernig hann ætlar
að nýta Instagram reikning sinn í
framtíðinni, segir hann það fara
eftir ýmsu. „Ég veit ekki hvað
ég tek mér fyrir hendur á næstu
árum eða hvort ég sjái einhverja
tekjumöguleika með Instagram.
Ég hef mjög gaman af því að lesa
mér til um mataræði og líkams-
rækt. Ég hef það alltaf á bak við
eyrað að nýta aðgang minn til að
ná til fólks sem þarfnast aðstoðar
við að æfa og borða rétt. Það er þó
ekkert ákveðið, fyrst og fremst vil
ég hafa gaman af lífinu og upplifa
nýja hluti.“
Instagram hluti af
fyrirsætustarfinu
Fyrirsætan Orri Helgason segir tískumerki farin
að spyrja um fjölda Instagram fylgjenda. Orri
er með 10.000 fylgjendur en segir sjálfstraust
byggt á fjölda „likes“ gera lítið fyrir mann í raun.
Fyrirsætan Orri Helgason er með 10.000 fylgjendur á Instagram
og segir miðilinn sífellt mikilvægari í fyrirsætubransanum.
Ljósmynd af lagalista nýjustu plötu
Beyoncé lak á netið í gær. Þar kemur
fram að platan verður aðgengileg í
dag, 1. apríl, á streymisveitunni Ti-
dal sem er í eigu eiginmanns henn-
ar, Jay-Z, en hann stendur í ströngu
að keppa við Spotify.
Aðdáendur söngkonunnar eru þó
í vafa. Á lagalistanum kemur fram
að söngvararnir Frank Ocean, sem
hefur lítið spurst til upp á síðkastið,
Jay-Z, Kanye West, Nicki Minaj,
Mariah Carey og Adele komi fram
á plötunni. Ýmsir hafa bent á það
að leki á slíkum skala standist ekki;
þetta hljóti því að vera bestu fréttir í
heimi eða besta aprílgabb í heimi.
Fyrsti Beypríl?
Samstarfsfólkið
á væntanlegri
plötu Beyoncé
of gott til að
vera satt
Í Fréttatíma síðustu viku kom fram
að Bjarni Ben væri af Seychelles-
eyjaættinni. Hið rétta er að hann
er af Engeyjarættinni. Við biðjumst
velvirðingar á þessu.
68 | FRÉTTATÍMINN | HELGIN 1. APRÍL–3. APRÍL 2016