Morgunblaðið - 15.12.2016, Blaðsíða 72

72 MINNINGAR
MORGUNBLAÐIÐ FIMMTUDAGUR 15. DESEMBER 2016
✝ Hreinn Steins-son fæddist á
Nefstöðum í Fljót-
um 2. september
1934. Hann lést 9.
desember 2016 á
Landspítalanum í
Fossvogi.
Foreldrar hans
voru Steinunn
Antonsdóttir, f. 13.
september 1911, d.
4. nóvember 1993,
og Steinn Jónsson, f. 12. maí
1898, d. 6. mars 1982. Á sínum
yngri árum stundaði Hreinn fót-
bolta, fimleika, skíði og bridge.
Hreinn flutti til Siglufjarðar
1948.
Alsystkini hans eru: Stefanía
þrjú börn. Þau eru: 1) Anna Sig-
rún Hreinsdóttir, f. 5. desember
1958, gift Þórði Þórðarsyni, þau
eiga saman tvö börn. Áður átti
Anna tvö börn frá fyrra hjóna-
bandi. 2) Steinunn Hreinsdóttir,
f. 20. nóvember 1960, gift Erni
Geirssyni, þau eiga saman tvö
börn. Áður átti Steinunn tvö
börn frá fyrra hjónabandi. 3)
Vilhjálmur Hreinsson, f. 7. jan-
úar 1969, kvæntur Fríðu Rut
Heimisdóttur og eiga þau þrjú
börn. Sambýliskona Hreins var
Svanborg Sumarrós Tryggva-
dóttir, f. 1938, d. 2005.
Hreinn flutti til Hafnarfjarð-
ar 1975 og starfaði hann hjá Ál-
verinu í Straumsvík til starfs-
loka.
Útför Hreins fer fram frá
Hafnarfjarðarkirkju í dag, 15.
desember 2016, og hefst athöfn-
in klukkan 13.
Regína Steins-
dóttir, f. 1937, Jó-
hann Steinsson, f.
1945, Sigrún Þóra
Steinsdóttir, f.
1951. Samfeðra
systkini hans eru
Vilhjálmur Ing-
ólfur Steinsson, f.
1919, d. 1981,
Fanney Steins-
dóttir, f. 1922, d.
2001, Jón Gestur
Steinsson, f. 1924, d. 1926,
Hulda Steinsdóttir, f. 1927, Sig-
urjón Steinson, f. 1929.
Eiginkona Hreins var Sigrún
Davíðsdóttir, f. 2. september
1937, en þau slitu samvistum.
Hreinn og Sigrún eignuðust
Elsku pabbi minn, nú er komið
að kveðjustund. Það er sárt að
kveðja þig en um leið minnumst
við allra gleðilegu stundanna
okkar saman. Þú sem varst alltaf
svo jákvæður og glaður, þegar
við spurðum hvað þú segðir sagð-
ir þú alltaf; „Ég segi allt fínt.“
Ég sakna þess að heyra í þér
daglega en þú hringdir á hverjum
degi í okkur systkinin. Þú fylgd-
ist vel með hvað allir voru að
gera, vildir vita hvernig krökk-
unum gengi í skólanum og hvað
þau voru að fást við. Þú varst svo
áhugasamur um fótbolta og hafð-
ir gaman af því að ræða um bolt-
ann við Þórð, sem er mikill fót-
boltastrákur. Þó að þið hafið ekki
haldið með sama liðinu, en þú
hélst með Man. Utd en Þórður
með Chelsea. Þú varst líka mikill
matmaður og fannst gaman að
koma til okkar í mat, við vissum
alltaf hvenær þú varst sérlega
ánægður með matinn. En þá
sagðir þú alltaf „takk kærlega
fyrir mig“.
Ég sakna þín, elsku pabbi
minn, og læt hér fylgja með vers-
ið sem amma mín kenndi mér.
Láttu nú ljósið þitt
loga við rúmið mitt.
Hafðu þar sess og sæti,
signaði Jesús mæti.
Eins láttu ljósið þitt
lýsa í hjarta mitt,
skína í sál og sinni,
sjálfur vaktu þar inni.
(Höf. ók.)
Þín dóttir,
Anna Sigrún.
Elsku pabbi minn, sárt er að
missa, ég átti ekki von á að þurfa
að kveðja þig svona fljótt. Ég
þakka fyrir þessa síðustu daga,
að fá tíma til að kveðja þig og
vera hjá þér. Þessi tími var okkur
systkinunum mjög dýrmætur og
vona ég að þér hafi ekki liðið illa,
það var allt gert til þess að þér
myndi líða vel síðustu dagana og
held ég að þú hafir haft gaman af
að hlusta á slúðrið í okkur (rifja
upp gamla daga), það er alltaf
gaman að hugsa aftur í tímann.
Mín minning er mjög sterk um
hvað þú varst með mikla bíladellu,
ætlaðir alltaf að eignast einhvern
tímann BMW og það gerðir þú.
Ég var 12 ára þegar þú lést mig
setjast undir stýri og sagðir við
mig að nú væri kominn tími til að
ég lærði á bíl. Þú varst mjög dug-
legur að fara með mig á gamla
flugvöllinn á Siglufirði til að æfa
mig í að keyra og jafnframt sagðir
þú að það væri ekki nóg að keyra
bíla, það þyrfti líka að hugsa um
þá, smyrja, þrífa, skipta um perur
og einnig að kunna að skipta um
dekk ef spryngi. Um tíma hvarfl-
aði að mér að gerast bifvélavirki,
ég var orðin svo klár í þessu öllu.
Þegar sprakk hjá mér í fyrsta
skipti var ég komin átta mánuði á
leið með Birgittu mína og reddaði
ég þessu sjálf, þá voru nú ekki
símar til að hringja eftir hjálp.
Tala nú ekki um þegar þú lést mig
bóna bílinn þinn í fyrsta skipti, þá
réttirðu mér eina dós af þrælabóni
og baðst mig um að bóna bílinn
meðan þú værir í vinnunni. Ég
held að ég hafi þá verið 13 ára, ég
var rétt hálfnuð með bílinn þegar
dósin var búin svo að ég fór út í
búð og keypti aðra dollu kláraði
hana líka og lagðist svo í sólbað
meðan bónið var að þorna. Mig
minnir að þú hafir verið í viku að
ná bóninu af bílnum og man ég
ekki eftir að þú hafir þurft að bóna
þennan bíl aftur hann glansaði í
marga mánuði.
Elsku pabbi, minningarnar
eru margar en nú er komið að
kveðjustund í bili. Þú varst alltaf
glaður og alltaf hress og vonast
ég til að þér líði vel núna og guð
geymi þig. Elska þig alltaf.
Þín dóttir,
Steinunn.
Elsku pabbi minn, mikið er
sárt að kveðja þig. Síðustu dag-
arnir voru þér erfiðir en samt
okkur svo kærkomnir, fyrir það
erum við systkinin þakklát. Hug-
ur minn reikar um allar góðu
minningarnar og sérstaklega all-
ar góðu ferðirnar okkar til Siglu-
fjarðar. Þú varst alltaf svo já-
kvæður og þakklátur fyrir allt
þrátt fyrir að þú ættir erfitt með
mál eftir veikindi á unga aldri.
Það stoppaði þig þó aldrei í því að
hringja í okkur á hverjum degi og
stundum oft á dag. Hafðir þú
mikinn áhuga á bílum sem ég
erfði svo sannarlega frá þér.
Ferðirnar í Brekkuskóg voru
alltaf mikið tilhlökkunar efni þar
sem þú bauðst okkur systkinum
og fjölskyldum, þar var mikið
hlegið og áttum við góðar stund-
ir. Minningarnar eru margar og
hugurinn reikar daglega í gegn-
um eitthvað nýtt. Í dag kveð ég
þig, elsku pabbi, og bið kæran
Guð að geyma þig, þangað til við
hittumst á ný.
Nú ertu farinn frá mér,
en föðurráðin þín,
þau eru ávallt hjá mér
og óma blítt til mín:
Guðs orðum áttu að trúa
og ávallt hlýða þeim,
það mun þér blessun búa
og ber þig öruggt heim.
(BJ)
Vilhjálmur Hreinsson.
Elsku besti tengdapabbi minn.
Orð fá því varla lýst hversu
mikið mér þykir vænt um þig. Þú
varst einstakur og hefur reynst
mér svo vel í gegnum árin. Alltaf
svo jákvæður og hress, sama hve-
nær maður spurði þig. Lífið lagði
mikið á þig síðustu dagana og þú
stóðst þig svo vel. Ég geymi í
hjarta mínu minningu um góðan
mann.
Hörpu þinnar, ljúfa lag
lengi finn í muna.
Því ég minnist þín í dag,
þökk fyrir kynninguna.
(Á.K.)
Samúðarkveðja elsku Anna,
Steina og Villi.
Fríða Rut.
Elsku tengdapabbi, þín verður
sárt saknað. Ég kynntist þér
fyrst þegar ég fór að hitta dóttur
þína hana Önnu. Ég man eins og
það hafi gerst í gær þegar þú
komst í skúrinn til mín þar sem
ég var að gera við bílinn hennar
Önnu og varst þú mjög áhuga-
samur um það sem ég var að
gera.
Þú varst alltaf jákvæður,
skemmtilegur og í góðu skapi. Þú
starfaðir í mörg ár í Álverinu í
Straumsvík og þótti þér vænt um
vinnustað þinn og barst virðingu
fyrir starfinu þínu. Þú varst alltaf
í mjög góðu sambandi við börnin
þín, barnabörnin og tengdabörn-
in.
Í kringum afmælið þitt fórst
þú alltaf með alla í sumarbú-
staðaferð þar sem allir áttu sam-
an góðar stundir. Sjötugsafmælið
þitt var nú ekki af verri endanum
þar sem þú bauðst fólkinu þínu til
Portúgal þar sem allir áttu sam-
an yndislega daga. Takk fyrir all-
ar góðu stundirnar.
Þórður Þórðarson.
Fallinn er nú frá kæri vinur
okkar hjóna. Langar okkur að
minnast allra góða stundanna
sem við áttum með honum.
Hreinn var afar ljúfur og góður
maður, þrátt fyrir erfið veikindi
sem hann fékk sem ungur maður
sem gerði honum erfitt um mál,
það var alltaf stutt í húmorinn.
Þegar við spurðum hvernig hann
hefði það, þá svaraði hann alltaf
brosandi: „Bara gott, hvað held-
urðu.“
Hann fylgdist vel með okkur
feðgum hvernig gekk á sjónum
og gladdist vel yfir því þegar vel
fiskaðist hjá okkur. Nú kveðjum
við elskulegan vin okkar og vott-
um fjölskyldu og vinum okkar
innilega samúð.
Heimir og Þuríður (Lilla).
Hreinn Steinsson HINSTA KVEÐJA
Elsku afi okkar, guð
geymi þig.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jóns.)
Heimir Snær, Bryndís
Eva, og Hilmar Davíð
Vilhjálmsbörn.
✝ Herbert ÁgústBenjamínsson
skipstjóri fæddist
á Ísafirði 20. febr-
úar 1933. Hann
lést á hjúkr-
unardeild Fjórð-
ungssjúkrahússins
í Neskaupstað 8.
desember 2016.
Foreldrar hans
voru Kristín Guð-
mundsdóttir og
Ágúst Benjamín Jensson.
Herbert bjó hjá ömmu sinni
og afa á Ísafirði þar sem hann
gerði sjómennsku að ævistarfi
sínu frá 14 ára aldri, fyrst frá
Ísafirði og Reykjavík.
Herbert fluttist til Neskaup-
staðar árið 1950 til að stunda
sjómennsku þar sem hann
kynntist eftirlifandi eiginkonu
sinni, Guðnýju
Jónsdóttur Zoëga,
og eignuðust þau
þrjú börn. Þau
eru: Anna, f. 1952,
hún á þrjú börn,
eiginmaður var
Pétur Kjart-
ansson. Jón, f.
1956, hann á þrjú
börn, eiginkona er
Theódóra Frí-
mann, og Unnur,
f. 1960, og á fjögur börn, eig-
inmaður er Bjørn Syvertsen.
Áður átti Herbert soninn Finn
Guðmundsson, f. 1949, og á
hann þrjú börn, eiginkona
hans er Fanney Guðmunds-
dóttir.
Útför hans fer fram frá
Norðfjarðarkirkju í dag, 15.
desember 2016, klukkan 14.
Í dag kveð ég tengdapabba
minn, Herbert Benjamínsson.
Hebbi Ben, eins og hann var
kallaður, var góður maður sem
reyndist mér ákaflega vel. Ég
minnist þess er ég sá hann í
fyrsta skipti þegar hann kom
með henni Gúllu, eiginkonu sinni,
að sækja okkur turtildúfurnar í
rútuna sem flutti okkur yfir
Norðfjarðarheiðina, í gegnum
rörið fræga, niður í Neskaupstað.
Nýja kærustuparið var að koma í
sína fyrstu heimsókn saman á
heimaslóðir væntanlegs eigin-
manns. Það ríkti mikil eftirvænt-
ing að hitta þau hjónin en það
reyndist óþarfi að kvíða nokkru
því þau voru yndisleg heim að
sækja.
Ég man hann Hebba alltaf þar
sem hann stóð rólegur og yfir-
vegaður, myndarlegur maður
með milt andlitið. Brosið ljúfa og
tvíræða sem einkenndi hann alla
tíð. Hann var ekki margmáll en
ávallt góður hlustandi. Elsku
Hebbi, nú ert þú farinn frá okkur.
Efst í huga mér er þakklæti til
þín og Gúllu fyrir að færa mér
son þinn Jonna, sem er það dýr-
mætasta í lífi mínu ásamt börn-
um okkar og barnabörnum. Ég
þakka þér fyrir allar ánægjulegu
samverustundirnar heima á
Blómsturvöllum þar sem alltaf
var tekið vel á móti okkur fjöl-
skyldunni þegar komið var í
heimsókn. Þar varst þú til staðar
og gafst þig að börnunum af mik-
illi mýkt á meðan eiginkonan þín,
hún Gúlla, bar fram kræsingar af
stakri snilld. Minningabrot úr
sumarbústað ykkar hjóna, sigl-
ingarnar á togaranum Barða, þar
sem þú varst farsæll skipstjóri til
margra ára og bauðst öllum í sigl-
ingu á sjómannadaginn og margt
fleira yljar mér um hjartarætur.
Elsku Gúlla, Unnur, Jonni,
Anna, Finnur og afkomendur,
samúðarkveðja til ykkar allra.
Blessuð sé minning þín, Hebbi
minn. Þín tengdadóttir,
Theódóra.
Elsku afi Hebbi.
Nú ert þú fallinn frá og eftir
sitjum við með hlýjar minningar
um þig og okkar stundir saman.
Samverustundir þegar við fjöl-
skyldan komum á Norðfjörð til
ykkar ömmu Gúllu á sumrin þar
sem alltaf var tekið vel á móti
okkur. Sólardagar í Birkihlíð, þar
sem þú hjálpaðir litlum fingrum
að smíða ýmislegt úr gömlum
fjölum, trilluferðir um fjörðinn,
Hebbi frændi og þú að plokka
rækjur, skoðunarferð um Safna-
húsið og rólyndisstundir þar sem
við sátum, sem börn, og dýfðum
rabarbara í sykur og horfðum
upp í fjallagarðinn. Það var alltaf
gaman að koma til þín í skúrinn
þar sem þú dundaðir við hina
ýmsu hluti og sýndir okkur muni
úr ævintýraferðum þínum um
hafið, meðal annars stóra kuð-
unginn sem við lögðum upp að
eyranu og hlustuðum á öldurnar.
Mörg eru minningabrotin sem
við geymum. Rólegt göngulag,
með hendur í vösum, og hlýlegt
bros einkenndi þig þegar þú
tókst á móti okkur systkinunum á
Blómsturvöllum. Brosmildur,
með blíðu augun og hlustaðir á
okkur börnin af ró og hlýju.
Minningarnar um þig með El-
ísabetu Selmu og Tómasi Bent,
langafabörnum þínum, eru einnig
afar dýrmætar.
Elsku afi, minning þín lifir í
hjörtum okkar. Hvíl í friði.
Theódóra Kolbrún, Guðný
og Jón Tómas Jónsbörn.
Farinn ertu, afi minn. Þú
kenndir mér svo margt með því að
gera, ekki bara að segja. Höggva
við, salta fisk, svíða lappir, tálga
spýtu. Allt þetta og meira til og ég
ekki byrjaður í grunnskóla.
Fyrsti túrinn á ísfisk fimm ára
gamall með þér, kallinum í
brúnni. Krakkinn ég, slorugur
upp fyrir haus við aðgerðaborðið
og svo niður í lest að ísa þorsk í
kassa. Vinnan göfgar manninn er
oft sagt, en þú kenndir mér að
vinnan skilgreini hver maður er.
Allar þær kæru stundir sem
við áttum saman með ömmu á
Blómsturvöllunum og Birkihlíð.
Mér fannst ég eiga þig og ömmu
aleinn. Enginn annar átti að
þvælast fyrir okkur.
„Glettnin í augunum, þessi
góða nærvera. Sagan á bak við
Hebba afa hlýtur að vera stór-
brotin“ er það sem fjölskyldan
mín segir. Sögurnar þínar af
síðutogurunum, skipbrot og aðr-
ar frásagnir tengdar sjónum.
Þessar sögur ásamt upplifunum
með ykkur ömmu munu fylgja
mér og mínum um aldur og ævi.
Hebbi Ben, skipstjóri, afi og
besti vinur.
Takk fyrir allt, afi.
Barði Westin.
Herbert
Benjamínsson
Yndisleg mamma okkar, tengdamamma,
amma og langamma,
SONJA HULD ÓLAFSDÓTTIR,
lést á líknardeild Landspítalans
7. desember síðastliðinn. Útförin fer fram
frá Hafnarfjarðarkirkju 16. desember
næstkomandi klukkan 13.
.
Martha Árnadóttir, Hartmann Kr. Guðmundsson,
Þorbjörg Gísladóttir, Gísli Wiium,
Bergþóra Gísladóttir, Hjalti Bogason,
Eyrún Gísladóttir, Guðmundur Ólafsson,
Gauti þór Gíslason,
barnabörn og barnabarnabörn.
Elsku mamma okkar, amma, tengda-
mamma, systir og vinkona,
SIGÞRÚÐUR BJÖRG AXELSDÓTTIR,
Teigaseli 2,
lést á hjúkrunarheimilinu Skógarbæ að
kvöldi 9. desember. Útförin fer fram frá
Lindakirkju í Kópavogi næstkomandi föstudag, 16. desember,
klukkan 15.
.
Helga S. Davíðsdóttir, Skúli F. Hjaltason,
Ragnheiður I. Davíðsdóttir, Örn Hróbjartsson,
Davíð K. Davíðsson, Valgerður B. Hannesdóttir,
systkini, barnabörn og vinir.
Ástkæra hjartans eiginkona mín, móðir,
fósturmóðir, tengdamóðir, amma og
langamma,
JÓNÍNA ÍSLEIFSDÓTTIR
(Nína),
Bárðarási 11, Hellissandi,
lést á Heilbrigðisstofnun Suðurnesja 10.
desember 2016. Jarðsungið verður frá Dómkirkjunni í Reykjavík
mánudaginn 19. desember 2016 klukkan 11.
.
Jón Einar Rafnsson,
Magnús Þóroddsson,
Skúli Berg, Auður Yngvadóttir,
María Petrína Berg, S. Pétur Guðmundsson,
Þorlákur G. Halldórsson, Magnea Guðlaugsdóttir,
Þóroddur Halldórsson, Guðbjörg Sævarsdóttir,
ömmu- og langömmubörn.
Ástkær sonur okkar, bróðir og mágur,
SVERRIR ÞORVALDSSON
kerfisstjóri,
Laufrima 30, Reykjavík,
andaðist á Sjúkrahúsi Akraness 10.
desember.
Útförin fer fram frá Akraneskirkju þriðjudaginn 20. desember
klukkan 13.
.
Ingveldur Sverrisdóttir, Þorvaldur Sigtryggsson,
Tryggvi Þorvaldsson,
Inga Valdís Þorvaldsd., Harald Björnsson.