Fréttatíminn - 23.09.2016, Page 44

44 | FRÉTTATÍMINN | Föstudagur 23. september 2016
Tölum um hvað má ekki
tala um í fjölskyldu-
og matarboðum
Til þess að gera matar- og fjölskylduboðið
skemmtilegri er vert að íhuga að skilja nokkur
umræðu efni eftir heima. Sigrún Edda
Björnsdóttir og Hilmar Guðjónsson leikarar
deila með Fréttatímanum reynslu sinni af
þessum reglum.
Leikararnir ræða við matarborðið það sem má ekki ræða við matarborðið.
Mynd | Rut
Að deila hringnum með maka
getur verið mjög fræðandi og bæt-
ir samskipti í sambandi, gerir þau
jafnari og þægilegri. Mikilvægt
er að maki viti hvar ástvinur er
staddur á hverjum tíma fyrir sig
svo að maki skilji við hverju er að
búast. Einnig er mjög auðvelt fyrir
báða aðila að fylgjast með frjó-
semistímabili konunnar.
Margar konur fylgjast ekki með
tíðahring sínum og er appið frá-
bær leið fyrir þær og þeirra nán-
ustu til að skilja allt sem viðkemur
túr. Nú fræðast allir nánustu um
hvað er að gerast í líkama kvenna
og hvað mun gerast á komandi
vikum. | hdó
Konur deila tíðahringnum sínum
Clue er app til auðvelda fólki
að fylgjast með tíðahringn-
um. Appið hefur hjálpað
fólki út um allan heim að
skilja fyrirtíðarspennu og
þekkja sinn eigin líkama.
Túr á ekki að vera tabú og
appið gerir það eðlilegra
að tala um órjúfanlegan
hluta af lífi kvenna og opna
umræður sem hafa í gegnum
tíðina verið feimnismál.
Nýjasta nýtt meðal appa er að nú
er hægt að tengjast tíðahring vina
eða bjóða einhverjum til að sjá
þinn eigin hring. Feimnin við að
ræða tilfinningalegt ástand tengt
því hvar konur eru á hringnum
minnkar með að deila því með
vinkonum, fjölskyldumeðlimum
eða maka.
Gaman að rífast um pólitík
Sigrún er sammála þeirri reglu að
það eigi að forðast pólitík í matar-
boðum, en það fari að sjálfsögðu
eftir aðstæðum og fólki sem situr
við borðið: „Í sumum matarboð-
um er ekki hægt að ræða pólitík þá
fer allt í loft upp og menn móðgast
og taka hlutunum persónulega.
Hilmar segist ekki sækjast eftir því
að ræða pólitík en það megi nú
alveg ræða hana en það má líka
biðja fólk að hætta, sú regla gleym-
ist stundum. „Ég hef farið í boð
þar sem tveir aðilar yfirtaka boðið
og það kemst enginn annar að eða
neitt annað málefni en bara hægri
eða vinstri. Það má alveg biðja fólk
að hætta.“ Sigrún segir að fólki
finnist stundum gaman að ræða
pólitíkina: „Maður getur alveg lent
í svoleiðis matarboði, að það er
gaman að vera á öndverðum meiði
ef allir kunna að tala saman.“
Rasismi bannaður
Leikararnir eru spurðir um hvaða
aðra hluti gott sé að forðast og
nefna þau mismunum af öllu tagi,
leyndarmálin sem þú veist um
aðra við borðið og rasisma. „Ég hef
setið við borð þar sem er rasismi.
Þá leið mér ótrúlega illa, ég sagði
ekki neitt en ég fór bara stuttu
seinna. Ég myndi segja að rasismi
sé bannaður við matarborðið,“
segir Hilmar. Sigrúnu finnst hvers-
konar mismunun eins og kven-
fyrirlitning, fyrirlitning gagnvart
samkynhneigð og ef einhver tekur
upp á því að tala niður þá sem eru
manni kærir... það er bannað. Þá
er ég farin.
Virðing er besta reglan
Sigrún nefnir að það sé líka gott
að forðast að ræða leyndarmál
eða mistök þeirra sem sitja við
borðið, nema þeir vilji það sjálfir
og fólk ætti að gera sem minnst
af því að rægja aðra. Hilmar segir
ef hann þyrfti að setja eina reglu
við matarborðið þá yrði það að
vera að allir ættu að bera virðingu
fyrir öllum.
Helga Dögg Ólafsdóttir
helgadogg@frettatiminn.is
Ragna Fossberg förðunarmeistari
og Ása Finnsdóttir, fyrsta þula Rík-
issjónvarpsins, hafa verið vinkon-
ur síðan 1966, eða frá því að Sjón-
varpið var stofnað. Þær eru líka
upphafskonur Svarthvíta-gengis-
ins, sem stofnað var á svarthvítu
árum Sjónvarpsins. Vinkonurnar
segjast eiga saman yndislega vin-
áttu þrátt fyrir að í dag líði stund-
um nokkrir mánuðir milli þess
sem þær hittast.
„Ragna kom oft og greiddi mér
þegar ég var þula og þannig byrj-
aði vináttan að þróast. Það er
alltaf sama hlýjan á milli okkar.
Við hjálpuðum Rögnu og hennar
manni þegar þau byggðu sér hús
og þau hjálpuðu okkur að mála og
vesenast þegar við byggðum okkar
hús, “ segir Ása.
„Þessi svarthvíti hópur varð til
því í gamla daga þekktumst við
öll svo vel. Þetta hefur breyst svo
mikið, fólk er ekki að vinna jafn
lengi á sama vinnustað og áður,“
segir Ragna. „Við þekktum maka
hvers annars og jafnvel foreldrana
og börnin líka. Við vorum eins og
eins stór fjölskylda og fólk kynntist
svo vel. Til þess að halda hópn-
um saman ákváðum við að hittast
reglulega, í byrjun á fjögurra ára
fresti en eftir því sem við eldumst
viljum við gjarna hittast oftar því
við höfum ekki tíma til að bíða.“
„Ragna hefur haldið utan um
gengið og á milli okkar félaganna
er hún ekki kölluð fossberg heldur
fosskraftur því hún er svo svaka-
lega orkumikil,“ segir Ása. „Ég hef
verið henni til aðstoðar. Þetta er
yndislegur hópur en auðvitað er
hann að eldast. Sumir eru dánir og
aðrir eru veikir en þannig gengur
þetta víst fyrir sig.“ | hh
Vináttan: Jafn gömul Sjónvarpinu
Vinkonurnar Ragna Fossberg förðunarmeistari og Ása Finnsdóttir, fyrsta þula
Sjónvarpsins, kynntust á fyrstu dögum Sjónvarpsins. Mynd | Rut