Fréttatíminn - 28.10.2016, Blaðsíða 54

H
eilsa og lífsstíll beinir
kastljósinu að heilsu-
samlegum lifnað-
arháttum og forvörn-
um. Um 14 þúsund
manns sóttu sýninguna í fyrra.
Sýningin Heilsa og lífstíll er
haldin í Hörpu um helgina. Um
fjórtán þúsund manns mættu á
sýninguna í fyrra og mæltist hún
afar vel fyrir. Frítt er inn á sýn-
inguna og fjölbreytta fyrirlestra
sem í boði verða.
Heilsa og lífstíll er fagsýning þar
sem sjónum er beint að heilsu-
samlegum lifnaðarháttum og
forvörnum. Með heilsusamlegum
lifnaðarháttum er átt við almenn-
ingsíþróttir, hreyfingu og náttúru-
lega hreina næringu.
Á sýningunni verða fjölmörg fyr-
irtæki á þessu sviði með bása og
kynna starfsemi sína. Þarna verða
heilsuræktarstöðvar, verslanir
með útivistarbúnað, heilsulindir,
fyrirtæki sem bjóða heilsutengda
þjónustu, ýmislegt tengt heilsu-
mat og -drykkjum og nýsköpun í
heilsu, mat og drykk.
Lögð verður áhersla á fræðslu
um góðan lífstíl, fjölbreytt fram-
boð til íþróttaiðkunnar, góða and-
lega líðan, á vitundarvakningu
og samvinnu allra hagsmunaaðila
hvort sem er í grasrót, fyrirtækja-
rekstri eða þar á milli.
Þau fyrirtæki sem verða með
bása á Heilsu og lífstíl eru World
Class, Now, Himnesk hollusta,
BAI, Nike, Speedo, Iceherbs, Kj.
Kjartansson - Lavera, Saga Med-
ica, Anna Rósa grasalæknir, Til
hamingju, Íslensk hollusta, Dropi,
Ljósið endurhæfing krabba-
meinsgreindra, Hilton Reykjavík
Spa, Heilsuver, Hleðsla, Hámark
próteindrykkur, Kírópraktora-
félag Íslands, Eyesland, Sjónlag,
Olíulindin, Macron, Össur, Smarty
Pants vítamín, Alena ehf., Eins og
fætur toga, Balsam, Orkusetrið,
Geosilica, Aloe Vera, Mamma veit
best, Fisherman, Eríal Pole, Plié
dans og heilsa, Einstök matvara,
Fjallakofinn og Jóhann Helgi og co.
Sýningin er opin frá klukkan
11 til 18 á laugardag og 11 til 17 á
sunnudag.
Nánari upplýsingar um sýn-
inguna má finna á Facebook
og á heimasíðunni
www.heilsaoglifsstill.net.
Fjölbreytt fagsýning
um heilsu og lífsstíl
Vel heppnuð sýning Um fjórtán þúsund manns sóttu sýninguna Heilsu og lífstíl í fyrra og
þótti hún afar vel heppnuð.
Kaldpressaður
vestfirskur
Dropi
Jómfrúarolía frá Bolungarvík
Unnið í samstarfi við
True Westfjords
Fyrirtækið True Westfjords var stofnað 2012. Tilraun-ir og þróun hófust 2013 og fiskiolían Dropi kom svo á
markað í apríl 2015. „Hugmyndin að
framleiðslunni kom út frá þessari
gömlu aðferð sjómanna, þeir létu
lifur í kassa eða holu fyrir utan hjá
sér, létu hana sjálfa renna og settu
hana svo á flösku. Þannig sprettur
þessi hugmynd, að þetta hljóti að
vera besta aðferðin en við færð-
um hana í nútímalegra horf,” segir
Birgitta Baldursdóttir, ein stofn-
enda True Westfjords en hinar tvær
eru Sigrún Sigurðardóttir og Anna
Sigríður Jörundsdóttir.
Fitusýrurnar halda sér
Dropi er unninn við mjög lágt hita-
stig. „Hann er í raun svokölluð jóm-
frúarolía. Hún er bæði kaldpressuð
og kaldhreinsuð - sem er ekki það
sama - og við erum þær einu hér á
landi sem erum að nota þessa að-
ferð. Við vitum raunar bara um eitt
fyrirtæki í heiminum sem er að gera
eitthvað svipað,” segir Birgitta og
heldur áfram: „Með þessu fram-
leiðsluferli sem við notum þá tapast
ekki vítamínin úr olíunni og allar
fitusýrur halda sér í upprunalegu
formi. Magn vítamína sveiflast
töluvert eftir árstíðum en meðal-
magnið er gefið upp á umbúðun-
um. Þetta er upp úr sjálfbærum
fiskstofni og hráefnið er rekjanlegt.
Gelatínið í hylkjunum hjá okkur er
fiskgelatín þannig að afurðin er
100% fiskafurð. Liturinn og bragðið
af olíunni fer eftir því hvað fiskurinn
er að borða hverju sinni; getur verið
þangbragð, fjörubragð eða skel-
fiskbragð, til að mynda.”
Dropi í útlöndum
Framleiðslan er staðsett í Bolunga-
rík þar sem er stærsta smábáta-
löndunarstöð á landinu. „Við notum
mjög ferskt hráefni sem við kaup-
um á markaðnum í næsta húsi og
við notum einungis þorsk,” segir
Birgitta. Umbúðir Dropa eru dökkt
gler og lógóið var hannað af dönsk-
um grafískum hönnuði sem kom
hingað og hreifst af vörunni. Dropi
hefur fengið mikla athygli erlendis
og meðal annars hafa tvær erlendar
sjónvarpsstöðvar komið í heimsókn
að sögn Birgittu. „Svo höfum við
fengið gesti sem koma gagngert
til þess að heimsækja bæinn sem
framleiðir Dropa, einlægir aðdáend-
ur.” Dropi er nú fáanlegur, fyrir utan
Ísland, í Bandaríkjunum, Hollandi og
Danmörku og er á leið á Kanada-
markað.
Órannsakaðar fitusýrur
Það eru til margar rannsóknir á olíu
til inntöku og það er ekkert vafamál
að hún hefur góð áhrif á heilsuna.
„Við viljum meina að ef hún er sem
næst sínu upprunalegu formi er
það betra fyrir líkamann. Dropi inni-
heldur líka fitusýrur sem nú er farið
að rannsaka betur, þær hafa ekki
verið rannsakaðar hingað til því
að þær hafa eyðst vegna ofmeð-
höndlunar og gæða hráefnis,” segir
Birgitta og bendir á að fyrirlestur
verður haldinn um þessar fitusýrur
sem hafa afar hátt andoxunargildi á
Heilsu og lífstíl í Hörpu um helgina.
2 FÖSTUDAGUR 28. OKTÓBER 2016HEILSA&LÍFSTÍLL
Stofnendur og eigendur True Westfjords Anna Sigríður Jörundsdóttir, Sigrún Sigurðardóttir og Birgitta Baldursdóttir. Mynd | Rut
Dropi Kaldpressuð jómfrúarolía frá Bolungarvík.
Það eru
til margar
rannsóknir á olíu til
inntöku og það er
ekkert vafamál að
hún hefur góð áhrif á
heilsuna.