Tímarit Hjúkrunarfélags Íslands - 01.05.1976, Blaðsíða 48

Fréttir og tilkynningar
Hjúkrunarfræðingar
Munið að tilkynna til skrifstofu HFI breyt-
ingar á heimili og vinnustað.
Félagsfundur
Hjúkrunarfélag Islands hélt alniennan fé-
lagsfund í Glæsibæ þriðjudaginn 23. mars
síðastliðinn.
Ingibjörg Helgadóttir form. HFI setti
fundinn og bauð sérstaklega velkominn
gest fundarins, Harald Steinþórsson frá
BSRB.
A dagskrá voru samningsréttarmál opin-
berra starfsmanna og hafði Haraldur urn
þau framsögu.
I ræðu Haraldar kom fram, að í haust
hefði BSRB hafið I>aráttuna fyrir verkfalis-
rétti með fundahöldum um land allt. A
fundum þessum fór fram skoðanakönnun
um vilja félagsmanna í þessu efni og á
fundi HFI í okt. s.l. sýndi skoðanakönn-
unin að yfirgnæfandi meirihluti fundar-
manna var samþykkur verkfallsrétti. Því
næst gerði Haraldur grein fyrir viðræðum
milli fulltrúa BSRB og ríkisins um samn-
ingsréttarmálið. Kom þar fram að fulltrúar
beggja aðila töldu að náðst hefði sam-
komulag um mörg veigamikil atriði, en þó
var enn ágreiningur um gildistíma kjara-
samnings. A lokastigi málsins setti ríkis-
stjórnin fram nýtt skilyrði varðandi ævi-
ráðningu, sem BSRB-fulltrúar töldu óað-
gengilegt, en um þetta atriði hafði áður
verið húið að ná samkomulagi. Haraldur
taldi augljóst að með þessu hefði ríkis-
stjórnin viljað stöðva frekari samningavið-
ræður um verkfallsréttarmálið.
Nokkrar umræður urðu að lokinni fram-
sögu Haralds Steinþórssonar. Kristín Ola-
dóttir kvað nauðsynlegt að halda mjög vel
á málum, þar sem hjúkrunarfræðingar
væru einn mesti öryggishópur þjóðfélags-
ins. Kristín taldi óhagkvæmt fyrir hjúkr-
unarfræðinga að semja með svo mörgum
ólíkum starfshópum sem hefðu mjög mis-
munandi hagsmuna að gæta.
Auður Guðjónsdóttir ræddi um kaup-
mátt launa og taldi nauðsynlegt að um
verulegar kjarabætur yrði að ræða. Hjúkr-
unarfræðingar væru laklega launaðir miðað
við áhyrgðarmikil störf.
Soffía Sigurjónsdóttir sagði að fyrst
hjúkrunarfræðingar hefðu svo mikla á-
hyrgð í starfi eins og raun bæri vitni, ætti
að vera óliætt að trúa þeim fyrir verkfalls-
rétti.
Stjórn HFI har fram eftirfarandi álykt-
un og var hún samþykkt með yfirgnæfandi
meirihluta atkvæða.
Undanfarna mánuði hafa farið fram við-
ræður milli Bandalags starfsmanna ríkis
og bæja og fulltrúa ríkisstjórnarinnar um
samningsréttarmál opinberra starfsmanna.
Viðræðurnar hafa nú stöðvast vegna þess
að ríkisstjórnin hefur á lokastigi málsins
sett óaðgengileg skilyrði, m. a. um atriði,
sem viðræðunefndir beggja aðila töldu að
þegar hefði náðst samkomulag um - og
her að átelja slík vinnubrögð.
BSRB liefur lýst því yfir, að ekki verði
framar unað úrskurði gerðardóma sem
lokastigi í kjaradeilum og í því skini dreg-
ið fulltrúa sína út úr Kjaradómi og Kjara-
nefnd.
Félagar í Hjúkrunarfélagi Islands líta
því svo á að ekki sé unnt að gera kjara-
samninga á grundvelli samningsréttarlag-
anna frá 1973.
Fundurinn er sammála um að reynt skuli
til þrautar að ná samkomulagi við ríkis-
valdið um ný samningsréttarlög og verk-
fallsrétt, svo og nýjan kjarasamning.
Takist það ekki, telur fundurinn að op-
inberir starfsmenn eigi ekki annarra kosta
völ en að grípa til félagslegra aðgerða til
að knýja fram samninga sem þeir geti unað
við.
Hjúkrunarfélag Islands mun fyrir sitt
leyti jafnan hafa forgöngu um að lífi og
heilsu fólks verði aldrei stefnt í hættu í
verkfallsaðgerðum.
Fundinn sóttu 113 félagar og var honum
slitið kl. 23.30.
I.Á.
Lokað vegna sumarleyfa
Skrifstofa Hjúkrunarfélags Islands verður
lokuð vegna sumarleyfa frá 28. júní til
17. júlí.
Bandalag kvenna í Rvík
þakkar varðskipsmönnum
Aðalfundur Bandalags kvenna í Reykjavík
var haldinn að Hótel Sögu 8. og 9. fehrúar.
I Bandalaginu eru 29 aðildarfélög með
12 þúsund félagsmönnum.
Þingið starfaði í tvo daga. Guðjón Pet-
ersen forstjóri Almannavarna ríkisins
flutti erindi á þinginu um almannavarnir
Reykjavíkurborgar. Margar nefndir innan
handalagsins skiluðu ályktunum, sem síð-
ar verða sendar til birtingar.
I lok fundarins var eftirfarandi yfirlýs-
ing samþykkt samróma:
„Aðalfundur Bandalags kvenna í Reykja-
vík vítir harðlega það ofbeldi, sem breski
flotinn hefur frammi í íslenskri landhelgi,
þar sem hann ekki vílar fyrir sér að ráðast
gegn varðskipum okkar við skyldustörf
sín, sem fyrst og fremst eru þau að vernda
lífshagsmuni þjóðarinnar, það er fiskimið-
in og friðuðu svæðin, auk þjónustu og
björgunarstarfa. Fundurinn vottar skip-
herrum og öðrum varðskipsmönnum þakk-
læti sitt og aðdáun fyrir hugrekki og ár-
vekni í starfi."
Stjórnina skipa: Unnur Agústsdóttir
formaður, Halldóra Eggertsdóttir varafor-
maður og ritari og Margrét Þórðardóttir
féhirðir. - Varastjórn skipa: Sigríður Ingi-
marsdóttir, Sigþrúður Guðjónsdóttir og
Guðrún S. Jónsdóttir. - Endurskoðendur:
Þórunn Valdimarsdóttir og Lóa Kristjáns-
dóttir.
Fulltrúar Hjúkrunarfélags Islands á
fundinum voru: Ingibjörg Helgadóttir, for-
maður HFl, Guðmundína Guttormsdóttir,
María Pétursdóttir og Gerða Asrún Jóns-
dóttir.
82
TÍMARIT HJÚKRUNARFÉLAGS ÍSLANDS