Hjúkrun: tímarit Hjúkrunarfélags Íslands - 01.06.1985, Blaðsíða 47

Fréttir — Fréttir — Fréttir — Fréttir
Kynningarheimsókn að Droplaugarstöðum
Þriðjudaginn 9. júlí kl. 16.30, er hjúkrunarfræðingum boðið í heimsókn til
að skoða og kynna sér starfsemi Droplaugarstaða, heimili aldraðra að
Snorrabraut 58.
Sigrún Oskarsdóttir, forstöðumaður
Aðalfundur Reykjavíkurdeildar
Aðalfundur Reykjavíkurdeildar
HFÍ var haldinn 12. febrúar sl. í
Hjúkrunarskóla íslands og sóttu
hann rúmlega 70 manns.
Fráfarandi formaður, Jón Karlsson,
flutti ársskýrslu deildarinnar. Kom
þar m. a. fram að stjórnarfundir
urðu 17 og félagsfundir 7, á starfs-
árinu. Félagar í deildinni voru í
janúar 1985, 1380 og hafði þeim
fjölgað um 49 á árinu. Þá var mikill
undirbúningur fyrir fulltrúafund
inntur af hendi. Trúnaðarmenn á
félagssvæði deildarinnar eru nú
nálægt 80 og átti stjórnin mikið og
gott samstarf við þá. Mikið var
haldið af vinnustaðafundum fyrir
uppsögn samninganna í september
sl. og komið var af stað upplýsinga-
vakt HFÍ að Grettisgötu 89 í sam-
ráði við stjórn og kjaramálanefnd
HFÍ. Tóku fjölmargir félagsmenn
þátt í því og stóðu ótrauðir verk-
fallsvaktir þrátt fyrir fulla vinnu á
meðan á verkfalli stóð.
Þá gerði gjaldkeri grein fyrir reikn-
ingum deildarinnar, en tekist hefur
að reka deildina mjög sparlega.
Lögð var og fram og samþykkt fjár-
hagsáætlun fyrir 1985. Þá voru
gerðar breytingar á lögum deildar-
innar.
Að því búnu fór fram stjórnarkjör.
Jón Karlsson lét af störfum sem
formaður, en það starf hefur hon-
um farist vel úr hendi sl. 4 ár. Dag-
björt Bjarnadóttir var sjálfkjörinn
formaður til næstu 2 ára í hans stað.
Stjórn deildarinnar er nú þannig
skipuð:
Dagbjört Bjarnadóttir, formaður,
gflnnr mSöiaasæ
Dagbjört Bjarnadóttir formaður
Hrafnhildur Baldursdóttir, varafor-
maður,
Lilja Steingrímsdóttir, ritari,
Anna Soffía Guðmundsdóttir,
gjaldkeri,
Ingibjörg Alda Guðmundsdóttir,
meðstjórnandi.
Til vara voru kosnir:
Ingibjörg Hjálmarsdóttir,
María Sveinsdóttir,
Erna Sigmundsdóttir.
Þá voru kosnir fulltrúar á fulltrúa-
fund, að þessu sinni 13 nýir, en í ár
á deildin 28 fulltrúa á fulltrúafund.
Frestur til að skila inn tillögum til
fulltrúafundur var síðast í febrúar.
Undir liðnum önnur mál, tóku
margir til máls og var aðal umræðu-
efnið: Léleg launakjör, innflutning-
ur erlends vinnuafls og lítil þátttaka
í félagsmálum, en mjög illa gekk að
fá nýjan formann fyrir deildina. Þá
kom enn einu sinni upp sú spurning
hvort HFÍ ætti ekki að fara úr
BSRB.
Að lokum þakkaði Dagbjört
Bjarnadóttir, nýkjörinn formaður,
traustið og kvaðst hlakka til starfs-
ins.
Jóni Karlssyni var afhentur blóm-
vöndur frá Rvk.deild og þökkuð vel
unnin störf. Síðan þakkaði Jón
Karlsson félögum og stjórn sam-
starfið og óskaði nýkjörnum for-
manni velfarnaðar í starfi, og sleit
fundi.
F. h. stjórnar Rvk.deildar
Lilja Steingrímsdóttir, ritari.
Fréttir frá
Reykjavíkurdeild HFI
Reykjavíkurdeild HFÍ óskar öllum
hjúkrunarfræðingum gleðilegs sum-
ars og þakkar þeim fyrir samstarfið
í vetur.
Fimm stjórnarfundir hafa verið
haldnir frá aðalfundi. Almenn fé-
lagsfundur var í deildinni þann 18.
apríl sl., þar sem kynntar voru til-
lögur til fulltrúafundar HFÍ. Fá-
mennt var á fundinum og er stjóm
Rvk.deildar að vonum ekki ánægð
með það. Því hefur stjórnin ákveðið
í samráði við félagsmenn sína að
fara af stað með kröftuga félags-
málakennslu. í von um að auka
virkni hins almenna félagsmanns í
félagsstarfinu. Félag er jú ekki virkt
nema hinn almenni félagsmaður sé
það og veiti stjórninni stuðning og
styrk. Var fyrsta félagsmálanám-
skeiðið verða haldið 28.-30. maí
og 4.-6. júní og stóð frá kl.
20—22^. Leiðbeinendur voru
fengnir frá UMFÍ (Ungmennafélagi
Islands) meðal annars vegna anna
hjá BSRB. UMFÍ hefur mjög gott
námsefni á sínum snærum. Þátt-
tökugjald var kr. 300,00 og voru
námsgögn innifalin. Á námskeiðinu
voru kennd fundarsköp og ræðu-
mennska. Kennslan fór fram í
Mjölnisholti 1, 4. hæð. Góð þátt-
taka var á námskeiðinu.
\
HJÚKRUN >■-*As - 61. árgangur 41