Tímarit hjúkrunarfræðinga - 01.10.2000, Blaðsíða 49

Jitfc ^)ork - Jiifc ^t)ork
Vísíndaferð
Ert þú fróðleiksþyrstur hjúkrunarfræðingur?
Langar þig að víkka sjóndeildarhringinn?
Nú býðst einstakt tækifæri til að slá tvær flugur í einu
höggi með því að fara á upprifjunarnámskeið til undirbún-
ings NCLEX-prófinu („State Boards") og heimsækja
sjúkrahús í New York í janúar 2001.
Endurmenntunardeild Hjúkrunarskólans við Pace-
háskóla í New York hefur um árabil staðið fyrir undir-
búningsnámseiðum fyrir NCLEX-prófið við góðan orðstír.
Námskeiðin standa í þrjár vikur og eru 44 klukkustundir á
11 dögum, þ.e. fjórar klukkustundir í senn. Farið er yfir alla
þætti sem hjúkrunarfræðingar þurfa að kunna skil á til að
fá starfsréttindi í New York-fylki. Þátttakendur fá meira en
400 blaðsíður af glósum og 650 æfingaspurningar. Marg-
reyndir kennarar kenna á námskeiðinu. Námskeiðin eru í
boði á Manhattan og Pleasantville en skólinn er með útibú
á þrem stöðum. Hér er gott tækifæri til að kynnast því
hverjar áherslur í hjúkrun í Bandaríkjunum eru og bera
saman hvernig við stöndum í þeim samanburði. Athugið
að þátttaka á námskeiðinu er ekki umsókn um að fara í
NCLEX-prófið sjálft.
Þar sem námskeiðið stendur aðeins í fjórar klukku-
stundir á dag er kjörið að fara einnig í heimsókn á sjúkra-
hús til að fylgjast með hjúkrunarfræðingum í starfi. Þar má
t.d. kynna sér hvernig sjúkrahúsin hafa aðlagast kröfum
um breyttar áherslur og stóraukið dag- og göngudeildar-
þjónustu og fækkað legusjúklingum. Einnig má skoða
vinnuaðstæður og vinnuálag, verklagsreglur, staðla og
gæðaeftirlit eða hvað eina annað sem hver og einn hefur
sérstakan áhuga á. Endurmenntunardeildin mun aðstoða
við að útvega slík tækifæri.
Hægt er að fá ódýrt húsnæði á þessum tíma í heima-
vistum háskólans sem eru á háskólalóðinni (Pleasantville
campus) u.þ.b. 30 mínútna lestarferð frá Manhattan og fá
fyrstu 10 sem skrá sig frítt húsnæði!
Þetta er gullið tækifæri til að kynnast hjúkrun í New
York, bæði fræðilega og hvernig hún fer fram í raunveru-
leikanum. Ekki má svo gleyma öllu því sem heimsborgin
býður upp á, borgin sem aldrei sefur!
Dagsetningar:
Frá íslandi 2. janúar og frá New York 23. janúar.
Námskeiðsdagarnir: 3., 4., 8., 9., 10., 11., 16., 17., 18.,
22. og 23. janúar, í New York kl. 9-13 og í Pleasantville kl.
17-21.
Heimsókn á sjúkrahús: 8. - 12. og 15. - 19. janúar.
Kostnaður: $225 fyrir allt námskeiðið.
Fargjald: Hver sér um sig til New York.
Nánari upplýsingar veitir Hrafn Óli Sigurðsson í síma
551-0251 eftir kl. 20 og netfangi vs00002m@pace.edu
Ný orlofsíbúð við Sóltún í Reykjavík
Orlofssjóður Félags íslenskra hjúkrunarfræðinga hefur fest kaup á nýrri íbúð í fjölbýlishúsi við Sóltún 5 í Reykjavík.
íbúðin við Suðurlandsbrautina hefur verið seld.
Félagsmenn, sem höfðu gist í íbúðinni við Suðurlandsbrautina, höfðu kvartað töluvert undan staðsetningunni og
var það helsta ástæða þess að ráðist var í íbúðaskiptin. Helst var kvartað um skort á útiaðstöðu og leiksvæði utan
dyra þar sem íbúðin við Suðurlandsbraut var staðsett í skrifstofuhverfi. Orlofsnefnd félagsins kannaði því vilja fulltrúa
á félagsráðsfundi og var það eindreginn vilji þeirra sem þar voru að ráðast í þessar breytingar. Að höfðu samþykki
stjórnar félagsins var því ráðist í að festa kaup á áðurnefndri íbúð. íbúðin er 3 herbergi á fyrstu hæð með smá-garði,
alls um 92 fermetrar. Hún er að öllu leyti hin vandaðasta, vel útbúin og frábærlega staðsett í miðju borgarinnar.
Gert er ráð fyrir að hún verði afhent í desember.
íbúðin við Suðurlandsbraut hefur verið afhent núverandi eigendum og er bústaðurinn í Mosfellsbæ því einungis til
útleigu þangað til íbúðin við Sóltún verður tilbúin.
Tímarit hjúkrunarfræðinga • 4. tbl. 76. árg. 2000
229