Tímarit hjúkrunarfræðinga - 01.12.2008, Blaðsíða 24

Christer Magnusson, christer@hjukrun.is
FÉLAG HJÚKRUNARFRÆÐINGA SÍÐAN 1919
90 ÁRA AFMÆLI 2009
Á næsta ári eru 90 ár síðan Félag íslenskra hjúkrunarkvenna var
stofnað. Félagið hefur gengið undir ýmsum nöfnum á þessum árum en
starfað óslitið. Hjúkrunarfræðingar munu fagna þessu með ýmsu móti.
Meðal annars verður gefin út bók um sögu hjúkrunar og einnig hljóta
merkisdagar í sögunni athygli. Síðan er ætlunin að Ijúka afmælisárinu
með veislu í nóvember. Vegna efnahagsástandsins hefur þó ekkert
verið endanlega ákveðið.
Söguritunarnefnd á fundi í ágúst 2008.
Afmælisárið nálgast
Gert er ráð fyrir að helstu atburðir á
afmælisárinu verði tengdir 15. janúar,
12. maí og 18. nóvember. 15. janúar er,
eins og hjúkrunarfræðingar vita, dagurinn
sem Hjúkrunarfélag íslands og Félag
háskólamenntaðra hjúkrunarfræðinga
sameinuðust í eitt félag, Félag
íslenskra hjúkrunarfræðinga. 12. maí
er fæðingardagur Florence Nightingale
og alþjóðadagur hjúkrunarfræðinga og
mun aðalfundur FÍH verða haldinn á
þessum degi. 18. nóvember er talinn
vera dagurinn sem Félag íslenskra
hjúkrunarkvenna var stofnað 1919. Rætt
hefur verið um að hafa móttöku fyrir
félagsmenn í tengslum við þennan dag.
Allar áætlanir eru hins vegar í uppnámi
vegna efnahagsástandsins og hefur því
öllum ákvörðunum, sem hafa í för með
sér fjárútlát, verið slegið á frest fram yfir
áramót.
Sérstök afmælisnefnd var skipuð til þess
að halda utan um afmælið og koma með
hugmyndir að viðburðum. Nefndin tók
til starfa í maí sl. og hefur komið saman
þrisvar þegar þetta er ritað. Nefndarmenn
hafa verið mjög hugmyndaríkir og vinna
nú meðal annars að framfaraverkefni, bók
með örsögum um starf hjúkrunarfræðinga
og að kynningarstarfi sem tengist
afmælisárinu.
Bók um sögu hjúkrunar
Síðan 2002 hefur starfað söguritunarnefnd
sem skipulagt hefur ritun bókar um
sögu hjúkrunar á íslandi. í nefndinni
eru fjórir fyrrverandi formenn; Sigþrúður
Ingimundardóttir, Ásta Möller, Herdís
Sveinsdóttir og Vilborg Ingólfsdóttir.
Tveir aðrir valinkunnir nefndarmenn
eru Kristín Björnsdóttir og Þorgerður
Ragnarsdóttir, fyrrverandi ritstjóri Tímarits
hjúkrunarfræðinga. í nefndinni er einnig
Margrét Guðmundsdóttir sagnfræðingur
en hún var ráðin af félaginu til þess að
skrifa bókina.
Bókin, sem áætlað er að komi út í lok
2009 í tengslum við afmælisfagnaðinn,
mun heita „Saga hjúkrunar á íslandi
á 20. öld". Efnt var til keppni um titil
bókarinnar. Sú tillaga, sem næst var
endanlegu nafni, var „Hjúkrun á íslandi
- saga hjúkrunar á 20. öld". Tillöguna
sendi Emma Magnúsdóttir. Hún er
22
Tímarit hjúkrunarfræðinga - 5. tbl. 84. árg. 2008