Dagblaðið Vísir - DV - 23.09.2016, Side 8

Helgarblað 23.–26. september 20168 Fréttir
Tollurinn vill
sjá Facebook-samtal
n Óskar eftir Facebook-samskiptum viðtakanda og sendanda n „Ég sendi inn formlega kvörtun“
É
g sendi inn formlega kvörtun
þar sem ég kvartaði undan
þessu verklagi sem mér finnst
með öllu ólíðandi,“ segir Tómas
Ísdal, sem fékk hljómplötu að
gjöf senda frá vini sínum erlend-
is. Nánar tiltekið smáskífu japönsku
dauðarokksveitarinnar Gnome. Var-
an var merkt sem gjöf eins og lög gera
ráð fyrir en íslensk tollyfirvöld töldu
það ekki nægja og óskuðu eftir frek-
ari upplýsingum um tengsl Tómasar
og vinar hans. „Þau óskuðu eftir af-
riti af Facebook-spjalli okkar félag-
anna og þá var mér nóg boðið,“ seg-
ir Tómas, sem er orðinn langþreyttur
eftir viðskipti sín við tollyfirvöld.
Fékk plötuna eftir mánuð
„Ég hef verið að panta hitt og þetta í
gegnum árin og það er alltaf eitthvert
vesen. Það kemur að því að maður
fær nóg og segir hingað og ekki
lengra. Þetta ferli tók rúman mánuð
en leystist loks með því að Tollurinn
sættist á að vinur minn sendi þeim
bréf í tölvupósti þar sem hann skýrði
út fyrir þeim tilefni gjafarinnar,“ segir
Tómas. Að hans sögn gekk erfiðlega
að fá svör frá starfsfólki vegna máls-
ins. „Pakkinn fór í gegnum tollamið-
lun Íslandspósts og ég var búinn að
tuða í þeim í einhvern tíma þegar
mér var bent á að ákvörðunin um
frekari upplýsingar kæmi frá Toll-
stjóra. Ég þurfti að leita þangað með
erindi mitt,“ segir Tómas sem telur
vandamálið vera að hvergi sé al-
mennilega skilgreint hvaða gögnum
tollyfirvöld þurfi að kalla eftir ef frek-
ari upplýsinga um gjafir sé krafist.
Heimilt að óska eftir gögnum
Gjafir eru undanþegnar aðflutnings-
gjöldum ef þær uppfylla ákveðin
skilyrði. Um sérstakt tilefni þarf að
vera að ræða eins og brúðkaup, jól,
fermingu eða afmæli. Þá verður
verðmæti gjafarinnar að vera undir
13.500 krónum. Þó mega brúðkaups-
gjafir vera dýrari en það er í höndum
Tollstjóra að meta hvað sé hæfilegt
í þeim efnum. Þá er sérstaklega tek-
ið fram í reglum um gjafir að tengsl
verði að vera á milli gefandans og
þess sem fær gjöfina hér heima. Toll-
yfirvöld hafa leyfi til þess að óska eftir
frekari gögnum til þess að sýna fram
á þessi tengsl en að mati Tómasar er
óeðlilegt að farið sé fram á persónu-
leg samskipti hans og gefandans.
Ekki hafði svar borist við fyrirspurn
DV til Tollstjóra áður en blaðið fór í
prentun.
Kvittun fyrir skítugum nærbuxum
Frásögn Tómasar birtist á Facebook-
síðunni „Sögur af tollinum“ þar sem
um 800 Íslendingar deila gremju
sinni vegna starfshátta stofnunar-
innar. Oft og tíðum er um réttmætar
kvartanir að ræða en einnig er tals-
vert um kómísk innlegg. Þannig segir
Magnús Bjarki Arnarson frá því að
á ferðalagi sínu um Ameríku hafi
hann gleymt vel völdum persónuleg-
um munum vestanhafs, þar á meðal
notuðum nærbuxum. Hann hafi því
orðið nokkuð undrandi þegar pakk-
inn barst í pósti og tollamiðlun óskaði
eftir kvittun fyrir undirfatnaðinum. n
Hljómplata
Tollstjóri gekk
hart fram til þess
að fá á hreint
hvort japönsk
hljómplata væri
gjöf eða ekki.
Björn Þorfinnsson
bjornth@dv.is
Sumargjöfin í ár!
Þráðlausu Touch heyrnartólin á Hópkaup.is.
Hægt að tengja við síma, ipad og öll bluetooth tæki.
Einnig er hægt að svara í símann með þeim.
Fæst á .is
5 5 2 - 6 0 6 05 5 2 - 6 0 6 0
Ugly. is - smiðjUvegi 2 og l angarima 21