Dagblaðið Vísir - DV - 25.11.2016, Side 2

Helgarblað 25.–28. nóvember 20162 Fréttir
S HELGASON
- Steinsmiðja síðan 1953
Opnunartími
Mán - fim 9:00 -18:00
Föstudaga 9:00 - 17:00
Laugardaga 10:00 -14:00
Sími: 557 6677
Netfang: shelgason@shelgason.is
www.shelgason.is
Stóraukinn kostnaður
vegna frímerkjakaupa
n Ferðamenn hækka útgjöld en skila miklum tekjum n Viðgerðir fram úr áætlun
A
llur rekstrarkostnaður Hall-
grímssóknar í Reykjavík
hefur hækkað á undan-
förnum árum vegna mik-
illar fjölgunar ferðamanna
og aukinnar starfsemi kirkjunn-
ar. Sóknin var rekin með 75 millj-
óna króna hagnaði í fyrra og miklar
tekjur kirkjunnar má að mestu leyti
rekja til þeirra gesta sem greiddu að-
gangseyri að Hallgrímskirkjuturni.
Ein athyglisverðasta birtingarmynd
þessa aukna ferðamannastraums er
í frímerkjakaupum kirkjunnar.
Myljandi hagnaður
Ríkisendurskoðun birti á dögunum
yfirlit yfir ársreikninga sókna lands-
ins vegna ársins 2015. Þar kemur
fram að tekjur kirkjunnar námu alls
258 milljónum króna en þar af námu
tekjur vegna ferða upp í turninn um
161 milljón króna. Gjöld sóknarinn-
ar námu 159 milljónum króna en þar
af nam svokallaður annar rekstrar-
kostnaður 26 milljónum króna. DV
leitaði skýringa á þessum kostnaði
sem farið hefur stighækkandi síð-
ustu ár – var 20,8 milljónir 2014 og 18
milljónir 2013.
Jónanna Björnsdóttir, fram-
kvæmdastjóri Hallgrímskirkju, segir
allan rekstrarkostnað hafa hækkað
vegna fjölgunar ferðamanna og auk-
innar starfsemi kirkjunnar sem leitt
hafi af sér aukin útgjöld umfram al-
mennar verðlagshækkanir.
Mikið keypt af frímerkjum
Þegar skoðað er hvað það er sem
veldur þessari hækkun á liðnum
„annar rekstrarkostnaður“ milli ár-
anna 2014 og 2015 vekur athygli að
„sími og burðargjöld“ hækka um 600
þúsund krónur milli ára.
„Það skýrist með auknum
kaupum á frímerkjum sem seld eru
til ferðamanna,“ segir Jónanna í svari
við fyrirspurn DV. Það er kannski til
marks um þá aukningu sem orðið
hefur á heimsóknum erlendra ferða-
manna í kirkjuna að undanförnu.
Þá skýrir prentun og pappír hækk-
un milli ára um aðra hálfa milljón
vegna Safnaðarblaðs sem dreift var
í sókninni Þá hafi framlag til Kirkju-
listahátíðar Hallgrímskirkju hækkað
úr 500 þúsundum í 1.750 þúsund en
hátíðin er haldin annað hvert ár, nú
síðast í fyrra.
Þá var framlag til Listvinafélags-
ins hækkað úr 1,7 milljónum króna í
2,2 milljónir vegna aukinna umsvifa
í listastarfi. Alls nemur þessi hækkun
um þremur milljónum króna sem
skýrir hækkunina að sögn Jónönnu,
ásamt almennum verðlagshækkun-
um í landinu.
30 prósenta fjölgun milli ára
Um 200 þúsund gestir heimsóttu Hall-
grímskirkjuturn í fyrra sem gaf veru-
legar tekjur af sér. Í ár segir Jónanna
að áætlun um allt að 30 prósenta
fjölgun gesta geti staðist. Í dag kostar
900 krónur að fara upp í turninn fyr-
ir fullorðna en 100 krónur fyrir börn
7–14 ára. Miðað við þessar áætlanir
gætu tekjur kirkjunnar vegna turns-
ins farið úr um 161 milljón í fyrra og
upp í ríflega 200 milljónir króna í ár.
Endanlegar tölur koma þó ekki í ljós
fyrr en við ársuppgjör.
Viðgerðir langt fram úr áætlun
Á móti kemur að í ár hefur kostnaður
vegna viðgerða á steypuskemmdum
utanhúss, sem verið er að lagfæra á
þökum og hliðarskipum kirkjunnar,
farið langt fram úr áætlun. Í upphafi
verks var hann áætlaður 60 milljónir
króna en ný verk- og kostnaðaráætl-
un frá því í október gerir ráð fyrir
85 milljónum króna. „Þar sem í ljós
komu umtalsvert meiri skemmd-
ir en áætlað var í upphafi,“ segir
Jónanna. n
Sigurður Mikael Jónsson
mikael@dv.is
Turninn malar gull Gert er ráð fyrir 30 prósenta fjölgun gesta í Hallgrímskirkjuturn í ár miðað við síðasta ár. Steypuviðgerðir á kirkjunni
hafa farið langt fram úr kostnaðaráætlun en afkoman í fyrra var góð.
„Í ljós komu
umtalsvert
meiri skemmdir en
áætlað var í upphafi
Reynt að
lokka dreng
Á miðvikudag reyndi karlmaður
að lokka dreng upp í bíl til sín
með því að bjóða honum far og
sælgæti. Atvikið átti sér stað við
Laugarneskirkju í lok skóladags.
Drengurinn, sem var á heimleið
úr skólanum, afþakkaði boðið
og gekk í burtu.
Þetta kemur fram í tilkynn-
ingu sem Sigríður Heiða Braga-
dóttir, skólastjóri Laugarnes-
skóla, sendi aðstandendum
barna við skólann. Þar segir hún
að kennarar hafi verið beðnir
um að ræða við nemendur um
viðbrögð við gylliboðum sem
þessum.
Hlaupaskór
þriðjungi dýrari
Verð á LEGO í samanburðarlöndunum leiðrétt
V
insælir Nike-hlaupaskór kosta
á bilinu 25–41 prósent meira
í Útilífi en í sportvöruversl-
unum í Noregi, Danmörku
og Bretlandi. Þetta leiðir verðsaman-
burður DV í ljós en blaðið kannaði
verð í 20 íslenskum verslunum og bar
saman við verð í sambærilegum versl-
unum í löndunum þremur.
Í DV á þriðjudag var borið saman
verð á Nike Mercurial Superfly V AG-
Pro-takkaskóm í Útilífi við verð í ná-
grannalöndunum. Verðmunurinn
reyndist í tilviki þeirrar vöru á bilinu
23–62 prósent. Útilíf gerði athugasemd
við samanburðinn og benti á að um-
ræddir skór væru víðast hvar að selj-
ast upp og því á lækkuðu verði í sum-
um samanburðarlöndunum, en DV
lagði upp með að taka ekki mið af út-
söluverði. DV fellst á athugasemd Úti-
lífs og birtir því í staðinn verðsaman-
burð á NIKE AIR ZOOM PEGASUS
33-hlaupaskóm fyrir dömur. Þar er
verðmunurinn á bilinu 25–41 prósent.
DV komst að því að í Noregi eru blá-
ir hlaupaskór (sem ekki fást í Útilífi)
verðlagðir á um 8.000 krónur, en þeir
eru ekki dæmigerðir fyrir verðið. Yfir-
leitt kosta skórnir 14–16 þúsund krón-
ur í hinum löndum þremur en í Útilífi
kosta þeir 20 þúsund.
Þá hafði fulltrúi TOYS 'R' US í Nor-
egi samband við DV og kvartaði yfir
því að verð á Lego Star Wars Turbo
Tank í Noregi væri borið saman við
útsöluverð í samanburðarlöndunum.
DV leiðréttir því hér verðmuninn. Var-
an kostar í Hagkaupum 24.999 krón-
ur en var upphaflega skráð á 34.999
krónur á hagkaup.is. Í Legeland í Dan-
mörku kostar varan 17.276 krónur,
í TOYS 'R' US í Bretlandi 14.175 og í
Noregi 17.337 krónur. n baldur@dv.is
Nike Air Eins og sjá má er hægt að gera verulega góð kaup á bláum skóm í Noregi.
Fær bæjarleyfi
Kynferðisafbrotamaðurinn Karl
Vignir Þorsteinsson, sem var
dæmdur haustið 2013 í sjö ára
fangelsi fyrir gróf kynferðisbrot
gegn drengjum, fær reglubundið
dagsleyfi frá Litla-Hrauni. Hann
fær að fara til Reykjavíkur einu
sinni í mánuði, að jafnaði, en þarf
að skila sér til baka í fangelsið að
kvöldi. Frá þessu greinir RÚV.
Fram kemur að Karl þurfi
eins og aðrir fangar að gera grein
fyrir tilgangi ferðar sinnar eða
hvern hann hyggst heimsækja.
Leyfin eru veitt á grundvelli laga
um fullnustu refsinga. Leyfið má
að hámarki vera 14 tímar í senn
og þarf að teljast gagnlegt sem
þáttur í fullnustu refsingarinnar.