Dagblaðið Vísir - DV - 25.11.2016, Blaðsíða 6
Helgarblað 25.–28. nóvember 20166 Fréttir
Glæsibær · Sími: 571 0977 · Opið 10-18 · www.deluxe.is
Fjölbreyttar vörur og úrval meðferða
Andlitsbað með lúxusmaska eftir húðgerð hvers og eins, þar sem leitast er eftir því að ná fram því besta
fyrir húðina þína með hágæða vörum. Frábær slökun og vellíðan.
Vogunarsjóðurinn sem stýrir
stærsta eignarhaldsfélagi Íslands
n Taconic Capital keypt meira en 20% hlut í Kaupþingi síðan í ágúst n Með mikil ítök í söluferli Arion
B
andaríski vogunarsjóðurinn
Taconic Capital Advisors
hefur styrkt stöðu sína enn
frekar sem áhrifamesti eig-
andi eignarhaldsfélagsins
Kaupþings með uppkaupum á bréf-
um annarra hluthafa en samtals hef-
ur sjóðurinn bætt við sig rúmlega
20 prósenta hlut á aðeins nokkrum
mánuðum. Þannig eiga þrjú félög
og fjárfestingarsjóðir í nafni Taconic
Capital í dag um 38 prósenta hlut
í Kaupþingi en í lok ágústmánaðar
átti sjóðurinn hins vegar um 15 pró-
senta hlut. Þetta má lesa út úr grein-
ingu sem stjórn Kaupþings hefur gert
um viðskipti með bréf félagsins og
DV hefur undir höndum. Kaupþing
er stærsta eignarhaldsfélag landsins
en samtals námu eignir þess tæplega
438 milljörðum króna í lok þriðja árs-
fjórðungs. Verðmætasta einstaka eign
Kaupþings er sem kunnugt 87 pró-
senta hlutur í Arion banka.
Á sama tíma og Taconic Capital
hefur meira en tvöfaldað hlut sinn í
Kaupþingi á síðustu þremur mánuð-
um þá hafa bandarísku vogunarsjóð-
irnir Abrams Capital og York Capi-
tal, sem voru í hópi stærstu kröfuhafa
Kaupþings við samþykkt nauða-
samninga í árslok 2015, selt nánast
allar kröfur sínar á hendur félaginu.
Það sama gerði Eignasafn Seðlabanka
Íslands (ESÍ) fyrr í þessum mánuði,
eins og áður hefur verið upplýst í DV,
þegar félagið seldi rúmlega sex pró-
senta hlut sinn í Kaupþingi fyrir um
sextán milljarða króna. Ný hluthafa-
skrá Kaupþings, sem DV hefur undir
höndum og var birt fyrr í þessari
viku, staðfestir að Taconic Capital var
kaupandi að stærstum hluta þeirra
bréfa sem Seðlabankinn seldi frá sér.
Næststærsti hluthafi Kaupþings er
bandaríski vogunarsjóðurinn Och-
Ziff Capital með ríflega 14 prósenta
hlut í gegnum félagið Sculptor Invest-
ments í Lúxemborg.
Mikil ítök í söluferli Arion
Taconic Capital, sá sem stýrir um-
svifum sjóðsins hér á landi er Banda-
ríkjamaðurinn Keith Magliana,
stendur því núna einn eftir sem
langsamlega stærsti einstaki hlut-
hafi Kaupþings – og í krafti þeirrar
stöðu er vogunarsjóðurinn í senn
með afar mikil ítök í söluferli Arion
banka. Til marks um áhrif sjóðs-
ins innan Kaupþings, eins og áður
hefur verið rakið á síðum blaðsins,
þá voru þeir Paul Copley, stjórnar-
formaður og forstjóri félagsins, og
John P. Madden, framkvæmdastjóri
hjá Kaupþingi, fengnir til liðs við fé-
lagið einkum fyrir tilstuðlan Keith.
Þá var Madden nýlega settur inn í
stjórn Arion banka og er hann sá
eini í átta manna stjórn bankans
með beint tengsl við Kaupþing.
Félög á vegum Taconic Capi-
tal eru ekki aðeins óbeint eigendur
að einum stærsta banka landsins, í
gegnum eignarhald sitt á Kaupþingi,
heldur hefur vogunarsjóðurinn jafn-
framt fjárfest umtalsvert í íslenskum
ríkisskuldabréfum og skráðum fé-
lögum í Kauphöll Íslands á undan-
förnum misserum, samkvæmt heim-
ildum DV. Þá er ekki óhugsandi að
sjóðurinn muni, samhliða yfirstand-
andi söluferli á Arion banka, sýna því
áhuga að kaupa hlut í bankanum og
verða þannig beinn eigandi að Arion
banka. Viðræður standa nú yfir við
erlenda og íslenska fjárfesta, meðal
annars ýmsa lífeyrissjóði, sem skoða
þann möguleika að kaupa hlut í Arion
banka en í kjölfarið hyggst Kaupþing
halda almennt hlutafjárútboð og skrá
bankann í bæði Kauphöll Íslands og í
Kauphöllinni í Stokkhólmi í Svíþjóð á
fyrri helmingi næsta árs.
Ein stærsta fjárfesting sjóðsins
Bandaríski vogunarsjóðurinn, sem
byrjaði fyrst að kaupa kröfur á Kaup-
þing árið 2012, er með eignir í stýringu
upp á um tíu milljarða Bandaríkja-
dala, sem jafngildir um 50 prósentum
af landsframleiðslu Íslands. Varlega
áætlað gæti tæplega 40 prósenta
hlutur Taconic í Kaupþing verið met-
inn á um 100 til 120 milljarða króna.
Sú staða sem Taconic Capital hefur
byggt upp í Kaupþingi er því hlutfalls-
lega stór af heildareignasafni sjóðs-
ins sem sýnir sig meðal annars í því
að Frank Brosens, stofnandi og eig-
andi vogunarsjóðsins, hefur haft tals-
verða aðkomu að fjárfestingu félags-
ins í Kaupþingi. Brosens, sem starfaði
um tuttugu ára skeið hjá Goldman
Sachs áður en hann stofnaði Tacon-
ic Capital árið 1999, kom síðast til Ís-
lands í júní síðastliðnum, samkvæmt
upplýsingum DV, þar sem hann
sótti meðal annars boð í bandaríska
sendiráðinu með ýmsu áhrifafólki úr
íslensku efnahagslífi.
Rétt er að taka fram að þrátt fyrir
að hluthafaskrá Kaupþings sýni að
þrjú félög og sjóðir í nafni Taconic
Capital eigi að lágmarki 38 prósenta
hlut í íslenska eignarhaldsfélaginu þá
er ómögulegt að fullyrða um hver sé
raunverulegur eignarhlutur sjóðsins.
Þannig er ekki útilokað að hlutur vog-
unarsjóðsins í Kaupþingi sé í reynd
enn stærri þar sem hann gæti einnig
verið eigandi að hlutdeildarskírtein-
um í sjóðum fjármálafyrirtækja á
borð við Deutsche Bank, Goldman
Sachs og Citigroup. n
Hörður Ægisson
hordur@dv.is
Benedikt kjörinn í
stjórn Kaupþings
Benedikt Gíslason, fyrrverandi ráðgjafi
fjármála- og efnahagsráðherra við fram-
kvæmd áætlunar íslenskra stjórnvalda
um losun hafta, og Ítalinn Piergiorgio
Lo Greco, sem starfaði um árabil
sem vogunarsjóðstjóri í London, voru
kjörnir í stjórn Kaupþings á sérstökum
hlutahafafundi félagsins sem fór fram
síðastliðinn miðvikudag. DV hafði áður
upplýst um að þeir myndu taka sæti í
stjórn félagsins en ákveðið var að boða
til hluthafafundarins aðeins fjórum dög-
um eftir að Jóhannes Rúnar Jóhannsson,
fyrrverandi formaður slitastjórnar Kaup-
þings, sagði sig úr stjórn eignarhalds-
félagsins 3. nóvember.
Benedikt og Piergiorgio voru kjörnir
með öllum greiddum atkvæðum á
fundinum en fulltrúar hluthafa sem
eiga samtals 82,5% hlut í Kaupþingi
mættu á hluthafafundinn. Benedikt,
sem hefur á undanförnum mánuðum
verið einn helsti ráðgjafi Kaupþings
við undirbúning að sölu á eignarhlutn-
um í Arion banka, sagði sig úr stjórn
tryggingafélagsins VÍS samhliða því að
hann settist í stjórn Kaupþings. Á meðal
dótturfélaga Arion banka er Vörður,
fjórða stærsta tryggingafélag landsins.
Eftir kjör Benedikts og Piergiorgio er
stjórn Kaupþings skipuð fimm manns.
Fyrir voru í stjórninni þeir Alan J. Carr,
bandarískur lögmaður og stjórnarfor-
maður félagsins, Óttar Pálsson, hæsta-
réttarlögmaður og einn eigenda LOGOS,
og Bretinn Paul Copley, sem gegnir
jafnframt starfi forstjóra Kaupþings.
Tíu stærstu hluthafar Kaupþings
TCA Opportunity Investments Sarl* 26,6%
Sculptor Investments Sarl** 14,3%
Taconic Sidecar Master Fund* 8,7%
Hilcrest Investors 5,9%
Trinity Investments 3,8%
CCP Credit Aquisition Holdings Luxco 3,4%
Deutsche Bank AG, London 3,2%
Kaupthing Singer & Friedlander (í slitameðferð) 3,2%
Goldman Sachs International 3,1%
TCA Event Investments Sarl* 2,7%
*Sjóðir á vegum
Taconic Capital
**Sjóður í eigu
Och-Ziff Capital
Management
Stofnandi
Taconic Frank
Brosens.
Sjóðstjóri
hjá Taconic
Keith Magliana.