Morgunblaðið - 07.01.2017, Blaðsíða 38

38 MESSURÁ morgun
MORGUNBLAÐIÐ LAUGARDAGUR 7. JANÚAR 2017
AKUREYRARKIRKJA | Helgistund í
kapellu Akureyrarkirkju kl. 11. Prestur
er Svavar Alfreð Jónsson. Félagar úr
Kór Akureyrarkirkju syngja. Organisti
er Eyþór Ingi Jónsson.
AKURINN kristið samfélag | Sam-
koma í Núpalind 1, sunnudaginn 8.
jan. kl. 14. Biblíufræðsla, söngur og
bæn. Kaffi á eftir.
ÁRBÆJARKIRKJA | Fjölskylduguðs-
þjónusta kl. 11. Prestur Þór Hauks-
son ásamt Ingunni Björk Jónsdóttur
djákna. Undirleikur Benjamín Gísli
Einarsson.
ÁSKIRKJA | Útvarpsmessa og
barnastarf kl. 11. Sigurður Jónsson
sóknarprestur prédikar og þjónar fyrir
altari ásamt Ásdísi Pétursdóttur Blön-
dal djákna. Benjamín Hrafn Böðv-
arsson guðfræðinemi leiðir sam-
verustund sunnudagaskólans.
Kammerkór Áskirkju syngur, organisti
Magnús Ragnarsson.
ÁSTJARNARKIRKJA | Messa kl.
11. Kór Ástjarnarkirkju syngur undir
stjórn Matthíasar V. Baldurssonar.
Meðhjálpari er Sigurður Þórisson og
prestur sr. Hulda Hrönn M. Helgadótt-
ir. Sunnudagaskólinn hefst eftir jólafrí
undir stjórn Hólmfríðar S. Jónsdóttur.
Hressing og samfélag á eftir messu.
BESSASTAÐAKIRKJA | Fjölskyldu-
guðsþjónusta kl. 11. Börn fædd árið
2011 eru boðin sérstaklega velkomin
og fá gjöf frá kirkjunni. Leikskólinn
Krakkakot býður í kaffi á eftir. Sr.
Hans Guðberg og Margrét djákni leiða
stundina og Lærisveinar Hans ásamt
Bjarti organista leika undir sönginn.
BÚSTAÐAKIRKJA | Barnastarf
klukkan 11. Daníel, Petra, Jónas Þórir
og Pálmi leiða stundina. Guðsþjón-
usta kl. 14. Kór Bústaðakirkju leiðir
sönginn undir stjórn kantors Jónasar
Þóris. Messuþjónar aðstoða. Prestur
Pálmi Matthíasson.
Heitt á könnunni eftir messu.
DIGRANESKIRKJA | Messa og
sunnudagaskóli kl. 11. Prestur Gunn-
ar Sigurjónsson. Ávextir andans leiða
safnaðarsöng. Súpa í safnaðarsal að
messu lokinni.
Dómkirkja Krists konungs,
Landakoti | Messa á sunnud. kl.
8.30 á pólsku, kl. 10.30 á íslensku,
kl. 13 á pólsku, kl. 15 á litháísku og
kl. 18 á ensku. Messa virka daga kl.
18, og má., mi. og fö. kl. 8, lau. kl.
16 á spænsku og kl. 18 er sunnu-
dagsmessa.
DÓMKIRKJAN | Messa kl. 11, Karl
Sigurbjörnsson biskup prédikar og
þjónar fyrir altari. Sunnudagaskólinn
á kirkjuloftinu, Dómkórinn og org-
anisti er Kári Þormar.
EGILSSTAÐAKIRKJA | Sunnudaga-
skóli kl. 10:30. Öystein Magnús
mætir með gítarinn, leiðtogarnir,
presturinn og brúðurnar á sínum
stað. Vöfflupartí í lok samverunnar.
FELLA- og Hólakirkja | Fjöl-
skyldumessa kl. 11. Pétur Ragnhild-
arson og félagar leiða stundina
ásamt sr. Guðmundi Karli. Kaffi og
djús á eftir. Meðhjálpari Kristín Ing-
ólfsdóttir
FRÍKIRKJAN Hafnarfirði | Sunnu-
dagaskóli kl.11. Hljómsveit kirkjunnar
leiðir sönginn.
GLERÁRKIRKJA | Guðsþjónusta kl.
20. Sr. Jón Ómar Gunnarsson þjónar
og Krossbandið leiðir alm. söng.
GRAFARVOGSKIRKJA | Innsetning-
armessa kl. 11. Sr Gísli Jónasson
prófastur setur Grétar Halldór Gunn-
arsson í embætti. Sr. Grétar prédikar
og þjónar fyrir altari ásamt prestum
safnaðarins. Kór kirkjunnar syngur.
Organisti: Hákon Leifsson. Sunnu-
dagaskóli kl. 11. Umsjón hefur Þóra
Björg Sigurðardóttir. Undirleikari er
Stefán Birkisson.
GRENSÁSKIRKJA | Morgunverður
kl. 10 og bænastund kl. 10.15.
Barnastarf kl. 11. Umsjón hafa Silvía,
Ásta Lóa ofl. Messa kl. 11, með þátt-
töku bræðra úr Frímúrarareglunni. Sr.
Vigfús Þór Árnason þjónar fyrir altari.
Ræðumaður Kristinn Guðmundsson.
Kirkjukór Grensáskirkju syngur. Ein-
söng syngur Ásgeir Páll Ágústsson.
Organisti Ásta Haraldsdóttir. Kaffi eft-
ir messu. Hversdagsmessa með léttu
sniði á fimmtudag kl. 18.10. Þorvald-
ur Halldórsson sér um tónlist.
GUÐRÍÐARKIRKJA í Grafarholti |
Lesmessa kl. 11. Prestur Skírnir
Garðarsson. Kirkjuvörður Lovísa Guð-
mundsdóttir. Fermingarbörnin eru
hvött til að mætta í messu. Sunnu-
dagaskóli kl. 11. Stjórnendur Sig-
urður og Andrea Ösp. Kaffisopi eftir
messu.
HAFNARFJARÐARKIRKJA | Messa
kl. 11. Organisti er Guðmundur Sig-
urðsson. Félagar úr Barbörukórnum
syngja. Prestur er Þórhildur Ólafs.
Kaffi í Ljósbroti Strandbergs eftir
messu.
HÁTEIGSKIRKJA | Messa kl. 11.
Prestur Eiríkur Jóhannsson. Organisti
Bjarni Þór Jónatansson. Félagar úr
Kór Háteigskirkju syngja.
HJALLAKIRKJA Kópavogi | Fjöl-
skylduguðsþjónusta kl. 11. Sunnu-
dagaskólaleiðtogarnir Heiðbjört og
Markús leiða stundina ásamt sr. Sig-
fúsi.
ÍSLENSKA Kristskirkjan | Kl. 11.
Barnakirkjan með fjölbreyttri dagskrá.
Veitingar í boði í hádeginu. Kl. 20. Al-
menn samkoma í umsjón safn-
aðarráðsins. Kaffi að samverustund
lokinni.
LANGHOLTSKIRKJA | Helga Soffía
Konráðsdóttir prófastur þjónar fyrir
altari og prédikar. Organisti er Þor-
valdur Örn Davíðsson og Kór Lang-
holtskirkju leiðir safnaðarsöng. Að-
alsteinn Guðmundssson kirkjuvörður
og messuþjónar aðstoða við helgi-
haldið. Sunnudagaskólinn fer fram á
sama tíma í litla sal eftir sameiginlegt
upphaf. Snævar og Sara taka á móti
börnum. Kaffi, djús og ávextir eftir
stundina.
Starf aldraðra hefst á miðvikudaginn
11. janúar kl. 12-15.30.
LÁGAFELLSKIRKJA | Fjölskyldu-
guðsþjónusta kl. 11. Prestur sr. Ragn-
heiður Jónsdóttir, organisti Ástvaldur
Traustason. Sunnudagaskóli kl. 13.
Hreiðar Örn og Guðmundur Ómar
leiða stundina. Batamessa kl. 17 í
samstarfi við „Vini í bata“ og „safn-
aðarstarfið 12 sporin andlegt ferða-
lag“. Prestur Ragnheiður Jónsdóttir,
organisti Þorvaldur Örn Davíðsson.
LINDAKIRKJA í Kópavogi | Sunnu-
dagaskóli kl. 11. Sr. Guðni Már og
sunnudagaskólakennarnir leiða
stundina. Guðsþjónusta kl. 20. Kór
Lindakirkju undir stjórn Óskars Ein-
arssonar leiðir sönginn. Sr. Guðni
Már Harðarson þjónar.
NESKIRKJA | Messa og sunnudaga-
skóli kl. 11. Í messunni leikur María
Kristín Jónsdóttir á orgel og stýrir fé-
lögum úr kór Neskirkju, sem leiða
söng. Prestur er sr. Steinunn A.
Björnsdóttir. Umsjón með sunnudaga-
skólanum hafa Katrín H. Ágústsdóttir
og Stefanía Steinsdóttir. Ari Agnars-
son leikur undir.
ÓHÁÐI SÖFNUÐURINN | Guðsþjón-
usta og leikrit kl. 14. Sr. Pétur Þor-
steinsson þjónar fyrir altari. Messu-
gutti er Petra Jónsdóttir.
Stoppleikhópurinn sýnir leikritið um
Hans klaufa. Félagar úr Graduale No-
bili leiða messusvör og sálmasöng
undir stjórn Árna Heiðars Karlssonar.
Ólafur Kristjánsson tekur vel á móti
öllum. Maul eftir messuna.
SALT kristið samfélag | Samkoma
kl. 14 í Kristniboðssalnum Háaleit-
isbraut 58-60, 3. h. Ræðumaður Ja-
net Sewell. Túlkað á ensku. Barna-
starf.
SELFOSSKIRKJA | Messa kl. 11.
Kirkjukórinn syngur, organisti Glúmur
Gylfason. Prestur Guðbjörg Arn-
ardóttir. Súpa og brauð að lokinni
messu.
SELJAKIRKJA | Barnaguðsþjónusta
kl. 11, Biblíusaga og brúðuleikrit, nýr
límmiði á nýju ári og Nebbi kíkir í
heimsókn. Ávaxtahressing í lokin.
Guðsþjónusta kl. 14, sr. Bryndís
Malla Elídóttir prédikar og þjónar fyrir
altari. Kór Seljakirkju syngur undir
stjórn Tómasar Guðna Eggertssonar.
Kaffisopi að messu lokinni.
SELTJARNARNESKIRKJA | Messa
og sunnudagaskóli kl. 11. Prestur er
Bjarni Þór Bjarnason. Organisti er
Friðrik Vignir Stefánsson. Leiðtogar
sjá um sunnudagaskólann. Félagar úr
Kammerkór kirkjunnar leiða almenn-
an safnaðarsöng. Kaffiveitingar og
samfélag eftir messu.
SKÁLHOLTSDÓMKIRKJA | Messa
kl. 11. Axel Á. Njarðvík héraðsprestur
þjónar fyrir altari. Organisti Jón
Bjarnason.
STAFHOLTSKIRKJA | Nýársmessa
kl. 14. Kirkjukórinn leiðir söng undir
stjórn Jónínu Ernu Arnaróttur. Prestur
Elínborg Sturludóttir. Kirkjukaffi á
prestsetrinu að guðsþjónustu lokinni.
Orð dagsins:
Þegar Jesús var
12 ára.
Lúk. 2
Morgunblaðið/hag
Innra-Hólmskirkja
Minningar
✝ Sigurður Jóns-son bifreiða-
smiður fæddist 20.
febrúar 1935 í
Norðurgarði í Mýr-
dal. Hann lést á
Landspítalanum í
Fossvogi 27. desem-
ber 2016.
Foreldrar voru
Jón Guðmundsson,
bóndi á Norð-
urgarði, fæddur 14.
ágúst 1999, dáinn 15. apríl 1983,
og Guðrún Erlendsdóttir hús-
freyja, fædd 4. júní 1900, dáin
16. janúar 1980. Systkini Sig-
urðar voru: Erlendur Jónsson,
fæddur 5. maí 1924, dáinn 26.
mars 2008, Ólafía Jónsdóttir,
fædd 22. júní 1925, Valdimar
Jónsson, fæddur 29.
febrúar 1940, og
Rannveig Jóns-
dóttir, fædd 20. júlí
1943.
Sigurður giftist
Önnu Þorbergs-
dóttur frá Hraunbæ
í Álftaveri, fædd 23.
júlí 1938, dáin 10.
janúar 2013. Þau
slitu sambúð. Þau
eignuðust tvo syni:
1) Hörður Sigurðsson, fæddur
10. júní 1958, maki Pálína Jóns-
dóttir, f. 21. október 1958. Börn
þeirra eru: a) Alda Ósk Harð-
ardóttir, f. 9. mars 1982, maki
Kristundur Dagsson, f. 20. mars
1977. Börn þeirra eru Brynjar
Pálmi, f. 27. febrúar 2008, og
Kolbrún Pálína, f. 14.ágúst 2013.
b) Eva Björk Harðardóttir, f. 3.
september 1983, maki Anton
Brynjar Ingvarsson, f. 6. sept-
ember 1989. Barn þeirra er Pat-
rekur Bóas, f. 19. desember
2013. c) Bjarni Þór Harðarson, f.
22. janúar 1995. 2) Rúnar Sig-
urðsson, f. 29. júní 1960, maki
Hulda Eðvaldsdóttir, f. 2. nóv-
ember 1964. Börn þeirra eru: i)
Hafþór Atli Rúnarsson, 22. sept-
ember 1983, maki Jóhanna
Björk Magnúsdóttir, f. 1. maí
1985. Börn þeirra eru Kristófer
Bjarki Hafþórsson, f. 12. sept-
ember 2007, og Tómas Orri Haf-
þórsson, f. 5. nóvember 2011. ii)
Arnar Jóel Rúnarsson, f. 25. des-
ember 1990. iii) Anna Sigríður
Rúnarsdóttir, f. 6. júlí 2005.
Útför Sigurðar verður gerð
frá Skeiðflatarkirkju í dag, 7.
janúar klukkan 2017, klukkan
13.
Ég sendi þér kæra kveðju
nú komin er lífsins nótt,
þig umvefji blessun og bænir
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Þín tengdadóttir,
Anna Pálína.
Hver er sinnar gæfu smiður
eins og máltækið segir. Afi, nú
ert þú farinn og margar minn-
ingar eru eftir í huga mínum.
Ég minnist þín sem mikils
barnakarls og skemmtilegs
manns. Ég kynntist þér kannski
ekki mikið en það sem ég man
og mun alltaf muna er hvað þú
varst alltaf til í að leika við okk-
ur systur þegar við vorum
yngri. Þú komst nokkuð oft
hingað austur til Egilsstaða,
það var ákveðin tilhlökkun að fá
þig til okkar því við vissum að
þú myndir nenna að leika. Þú
kenndir okkur að fela hlut og
ótrúlegustu spilagaldra sem ég
man eftir, en á tímabili hélt ég
að þú værir galdramaður, svo
góður varstu með spilin. Einnig
kenndir þú mér að tefla og það
er nokkuð sem ég mun alla ævi
kunna. Mér eru minnisstæð ein
jólin þegar þú varst hjá okkur,
þau voru sko skemmtileg. Þeg-
ar við áttum heima í Hafnarfirði
man ég eftir heimsóknum þín-
um og þegar við komum á bíla-
verkstæðið þar sem þú varst að
vinna. Mér fannst nú lengi
skrýtið að þú vannst við það að
„mála“ bíla og rétta beyglurnar
en þú varst flinkur í því sem þú
tókst þér fyrir hendur.
Í seinni tíð hittumst við
sjaldnar eins og gengur og ger-
ist. Ég kom þó nokkrum sinn-
um til þín á hjúkrunarheimilið
Fell með fjölskylduna mína í
heimsókn, þú hafðir meira gam-
an af því að tala við og fylgjast
með krökkunum en að tala við
mig.
Nú er þinn tími kominn, afi
minn, og vil ég þakka þér fyrir
samverustundirnar okkar.
Þó í okkar feðrafold
falli allt sem lifir
enginn getur mokað mold
minningarnar yfir.
(Bjarni Jónsson frá Gröf)
Þín afastelpa,
Alda Ósk.
Sigurður Jónsson
✝ Else Mia Ein-arsdóttir fædd-
ist í Narvik í Nor-
egi 3. apríl 1927.
Hún lést á hjúkr-
unarheimilinu Lillo
í Ósló 17. nóvember
2016. Foreldrar
hennar voru Einar
Figenschou héraðs-
dómari, f. 1873, og
Sigrid Figenschou
hjúkrunarkona,
fædd Kjos, fædd 1898. Bróðir
Else Miu er Jahn Christopher
Figenschou, búsettur í Noregi.
Else Mia giftist 21. mars 1951
Hjörleifi Sigurðssyni listmálara,
f. 26. október 1925, látinn 10.
janúar 2010. Foreldrar hans
voru Guðlaug Hjörleifsdóttir
húsfreyja, f. 3. mars 1886, og
Sigurður Kristinsson, forstjóri
SÍS og síðar ráðherra, f. 2. júlí
1880. Börn Else Miu og Hjörleifs
eru: 1) Einar Hjörleifsson sál-
fræðingur, f. 8. desember 1951,
safn Landsbankans um tíma, á
Hagstofunni og á Borgarbóka-
safninu í Reykjavík. Hún var
ráðin bókavörður Norræna
hússins, þegar það tók til starfa
árið 1968 og byggði upp bóka-
safn þess frá grunni. Hún var á
tímabili forstjóri Norræna húss-
ins. Árið 1978 flutti hún ásamt
manni sínum Hjörleifi til Noregs
og var ráðin sem yfirbókavörð-
ur í Leknes í Lofoten. Tveimur
árum síðar réð hún sig sem
menningarmálastjóra í Lier og
var þar í nokkur ár, uns hún
flutti aftur til Íslands árið 1987.
Hún sá um bókmenntakennslu í
norskum bókmenntum við Há-
skóla Íslands og lauk starfsferli
sínum sem forstöðumaður bóka-
safns Iðnskólans í Reykjavík.
Else Mia var virk í menningar-
lífi Reykvíkinga og stofnaði m.a.
Kvennasögusafn Íslands ásamt
Önnu Sigurðardóttur og Svan-
laugu Baldursdóttur. Hún var
heiðursfélagi í Félagi bóka-
safnsfræðinga.
Bálför Else Miu hefur farið
fram og verður hún jarðsett í
Fossvogskirkjugarði. Minning-
arathöfn um hana verður haldin
í Grand Hótel Reykjavík í dag,
7. janúar 2017 klukkan 15.
kvæntur Kristiinu
Björklund og
þeirra börn eru
Snorri Björklund
Einarsson og Silja
Björklund Ein-
arsdóttir. 2) Hjör-
dís Figenschou
blaðamaður, f. 16.
ágúst 1957. Else
Mia bjó í Narvik til
sex ára aldurs, þeg-
ar hún flutti með
foreldrum sínum til Egersund.
Hún lauk stúdentsprófi árið
1945 og stundaði síðan bóka-
varðarnám í Halden. Hún dvaldi
í Frakklandi í rúm tvö ár, var
au-pair í Suður-Frakklandi og
stundaði síðan frönskunám við
Sorbonne-háskólann í París vet-
urinn 1949-50, þar sem hún
kynntist Hjörleifi, sem var þar
við myndlistarnám. Þau fluttu
til Noregs, dvöldu þar um tíma
og fluttu síðan til Íslands vorið
1952. Else Mia vann við bóka-
Else Mia, þessi örláta og glaða
manneskja; lestrarhesturinn, tón-
listarunnandinn, þjóðfélagsþegn-
inn. Nú er hún dáin, 89 ára að
aldri.
Hún var móðir góðrar vinkonu
minnar og hún og Hjörleifur mað-
ur hennar höfðu búið nokkur ár í
Noregi. Else Mia var menningar-
málastjóri í Lier, þar sem hún
fékk mannlífið til að blómstra á
menningarsviði, unglingasviði og
frístundasviði, ásamt kjörbarni
sínu, bókasafninu. Else Mia kom
hlutum í framkvæmd og hún skildi
eftir sig spor.
Í tómstundum vildi hún sjá
garðinn sinn blómstra og hún
hjálpaði víetnömskum nágranna-
börnunum með heimaverkefnin.
Hún fæddist í Narvik, ólst upp í
Egersund og Aasgaardstrand.
Rétt eftir seinni heimsstyrjöldina
fór hún til Frakklands, vann þar
sem au-pair og stundaði nám í
frönsku og frönskum bókmennt-
um. Þar kynntist hún Hjörleifi
Sigurðssyni, sem var þar við
sjálfsnám í myndlist. Þau giftust
árið 1951.
Þau fluttu til Íslands og þar ól-
ust börn þeirra, Einar og Hjördís,
upp á tvítyngdu heimili, þar sem
menning, tónlist og gestkvæmni
voru lykilatriði. Else Mia lærði ís-
lenskuna, því hún vildi vinna fyrir
sér. Langur starfsferill hennar á
Íslandi náði hápunkti sem aðstoð-
arforstjóri Norræna hússins, þar
sem hún byggði upp bókasafnið.
Fjölskyldan segir frá því,
hvernig Else Mia á stundum lét
sig hverfa inn í heim bókanna.
Hún fylgdist með fagbókmennt-
um, en naut þess einnig að hvíla
hugann við fagurbókmenntirnar. Í
Reykjavík stofnaði hún Kvenna-
sögusafnið í samvinnu við tvær
aðrar konur og kenndi norskar
bókmenntir við Háskóla Íslands.
Hún var móðir, eiginkona, amma
og miðpunkturinn í stórum hópi
fjölskyldu og vina.
Listferill Hjörleifs var sameig-
inlegt verkefni þeirra. Árið 2005
þegar Hjörleifur og Else Mia
nálguðust áttræðisaldurinn fluttu
þau til Noregs, þar sem bæði
börnin voru búsett.
Löngu og viðburðaríku lífi
hennar lauk 17. nóvember 2016.
Við erum mörg, sem minnumst
hennar með geislandi brosið sitt.
Við munum hinn skapandi neista
sem í henni bjó; gefandi og áhuga-
verðar samræður sem spunnust í
samfélagi við hana og gleðjumst
yfir góðum kynnum.
Berit Nyman.
Else Mia
Einarsdóttir