Morgunblaðið - 07.01.2017, Qupperneq 55

Hymnodiuliða. Þessi norðnorðausturbræð-
ingur væri ef til vill á fullmiklum berangri ef
ekki væri fyrir rótfestu slagverksleikarans
sem á m.a. góðan einleik í SKU. Enginn efast
um færni og innsæi Sigurðar Flosasonar, en
hljómur sykursjúkra saxfóna virkar þó á
stundum hálfutanveltu í þessu sterka en sér-
staka raddbandalagi við seinni hlustun.
Í forsælu Hallgríms
Meditatio – Hvíld
bbbbb
Íslensk og erlend kórverk. James MacMillan: A
Child́s Prayer (3́23), John Tavener: The Lamb
(3́42), Hugi Guðmundsson: Hvíld (3́32), Jón
Leifs: Requiem (4́38), Morten Lauridsen: O
Nata Lux (4́31), Eric Whitacre: Lux aurumque
(3́51), Þorkell Sigurbjörnsson: Nú hverfur sól í
haf (3́14), Sigurður Sævarsson: Nunc dimittis
(4́46), Eeriks Ešenvalds: O salutaris hostia
(3́26), Anna Þorvaldsdóttir: Heyr þú oss himn-
um á (4́16), Þorkell Sigurbjörnsson: Heyr
himna smiður (3́12), Hörður Áskelsson: Hvíld
(4́38), Hreiðar Ingi: Nunc dimittis (3́18), Arvo
Pärt: Nunc dimittis (5́50). Schola cantorum
Reykjavicensis. Einsöngvarar: Rakel Edda
Guðmundsdóttir, Ragnheiður Sara Gríms-
dóttir, Thelma Hrönn Sigurdórsdóttir, Kristín
Erna Blöndal, Jóhanna Ósk Valsdóttir, Helgi
Steinar Helgason og Fjölnir Ólafsson. Stjórn-
andi: Hörður Áskelsson. Tónmeistari: Jens
Braun. Hljóðritað í Hallgrímskirkju í október
2015. BIS-2200 SACD. Heildartími: 58́03.
Undir hvelfingum Hallgrímskirkju þrífst
griðastaður sem líkt og margt í lífríkinu leit-
ar forsælu eftir vernd, athvarfi og hvíld mót
sálarháska, í umbreytingu, ellegar íhugun.
Við fyrstu áheyrn virtist sem kirkjurýmið
væri komið heim í stofu gegnum stofuhátal-
arana (ADAM A8X) en þar var jafnframt
mættur hinn öflugi
þýski tónmeistari
Jens Braun, einn af
húskörlum BIS-
útgáfunnar; svo
stökkur og svalur
hljómur hefur varla
heyrst á einum og
sama hljómdisknum
hérlendis. Á sama tíma dylst ekki að þar fer
líklega hljómfegursti kór landsins svo afurð-
in á erindi í hæstu hæðir á meðal þess besta
úti í heimi.
Verkin eru öll samin síðustu 35 árin fyrir
utan verk Jóns Leifs er spratt út frá dóttur-
missi árið 1947. Verk og tónskáld eru pöruð
saman af natni og nákvæmni í áhrifaríka
heildarmynd. Í fyrstu fimm verkunum eru
börn eða saklaus fórnarlömb í einhverjum
skilningi í forgrunni.
Hljómdiskurinn opnar með A Child’s
Prayer eftir James MacMillan sem er átak-
anlegt verk, vafið hlýju og sársauka. Hlust-
andinn getur fátt annað en gefið eftir í sorg-
inni í kjölfar voðaatburðar í Skotlandi árið
1996 sem verkið sprettur af. Arvo Pärt og
John Tavener mynda fulltrúa Rétttrún-
aðarkirkjunnar – andlegrar naumhyggju
eða Holy/sacred minimalism sem naut vin-
sælda á seinni hluta 20. aldar þar sem lag-
lína ferðast upp og andlag – svar viðtakanda
– niður, eða öfugt. Lux aurumque litla ris-
ans Eric Whitacre spegla andstæður Nunc
dimittis stóra risans Arvo Pärt í einu magn-
aðasta tónverki seinni tíma er byggist á tón-
máli frumendurreisnar. Úr þessum firna-
sterka samhenta kórhljómi stíga vel
frambærilegir einsöngvarar fram eftir þörf-
um, en ástæðulaust er að gera upp á milli
framgöngu þeirra.
Kveldúlfur „Það býr mikil seigla og dugnaður að baki þessum hljómdiski kammerkórsins Hymnodiu frá Akureyri.“
Fagott „Mikill fengur er í gripnum fyrir öll þau fágætu tón-
verk sem nokkur helstu tónskáld Íslendinga hafa samið fyr-
ir fagotthljóðfærið,“ segir um Ferðalag.
MENNING 55
MORGUNBLAÐIÐ LAUGARDAGUR 7. JANÚAR 2017
miðlar hún samtímasögu Tómasar og
veltir yfir henni vöngum með lesand-
anum sem getur ekki annað en borið
saman ólíkar aðstæður á gjörólíkum
tímum, þar sem tilfinningar fólks eru
þó alltaf í grunninn þær sömu.
Tungumálið er algjört lykilatriði í
skáldsögu Hermanns. Mið er tekið af
mergjuðu málfari Bjargar í kvæð-
unum og gerir höfundurinn mjög vel í
að skapa texta sem er forn að yfir-
bragði, með afar fjölbreytilegu orð-
færi, sérviskulegu og frumlegu, en þó
nútímalegu um leið. Eins og til að
mynda má sjá þar sem Björg hellir
sér á einum stað yfir Tómas: „… þú
ert helvítis taðsekkur, herjans tussa á
kletti, galapín og gorvambarhaus, ég
hef megnustu skömm á þér, guddilon,
hérvillingur, hémóna og geðlurð-
unnar guddilon og vesalingur og
bjálfi.“ (141)
Svo eru það kvæði Bjargar sjálfr-
ar, sem eru vel felld inn í textann,
jafnt og þétt og hnykkja á eða skýra
það sem er til umræðu hverju sinni.
Og það gengur afskaplega vel upp,
styrkir myndina af skáldkonunni og
kynnir lesendur um leið fyrir skáld-
skap hinnar raunverulegu Bjargar.
Bjargræði er þrettánda skáldverk
Hermanns og sjötta skáldsagan.
Hann er meðal annars þekktur fyrir
að vinna út frá verkum annarra höf-
unda og gera þau að sínum, oft á
nokkuð galgopalegan en frumlegan
og markvissan hátt; hann var til-
nefndur til Íslensku bókmenntaverð-
launanna fyrir síðustu bók, Leiðin út í
heim (2015), þar sem hann skrifaði
sína útgáfu af Palli var einn í heim-
inum. Hér heldur Hermann áfram að
vinna með verk annars höfundar, ljóð
Bjargar, og gerir það á mjög athygl-
isverðan hátt, í einu af sínu bestu og
heilsteyptustu verkum til þessa.
Morgunblaðið/Árni Sæberg
Höfundurinn „Tungumálið er algjört lykilatriði í skáldsögu Hermanns. Mið
er tekið af mergjuðu málfari Bjargar […] og gerir höfundurinn mjög vel.“