Dagblaðið Vísir - DV - 06.01.2017, Blaðsíða 14

Helgarblað 6.–9. janúar 201714 Fréttir
Þú færð fallega borð-
búnaðinn og fullt af fíneríi
frá greengate hjá okkur
Austurvegi 21, Selfoss / Sími 482 3211
facebook.com/sjafnarblom
Höfðabakka 3, Reykjavík / Sími 587 2222
facebook.com/litlagardbudin
Sigmar freistar þess að fá
lóðasölu Skúla dæmda ógilda
Málið verður tekið fyrir í Héraðsdómi Reykjavíkur mánudaginn 9. janúar
Þ
ann 9. janúar næstkomandi
verður fyrirtaka í Héraðsdómi
Reykjavíkur í máli athafna­
mannsins Sigmars Vilhjálms­
sonar gegn Stemmu hf.,
félagi sem er í meirihlutaeigu Skúla
Gunnars Sigfússonar, sem iðulega er
kenndur við Subway.
DV greindi frá málinu í nóvember­
lok í fyrra en þá freistaði lögmaður
Skúla, Sigurður G. Guðjónsson, þess
að fá málinu vísað frá á þeim grund­
velli að Sigmar væri ekki aðili að því.
Á það sjónarmið vildi héraðsdómur
ekki fallast og því verður málið tekið
til efnislegrar meðferðar eftir helgi.
Hvorki Skúli Gunnar né Sigmar vildu
tjá sig um málið við DV þegar eftir
því var leitað en sá síðarnefndi sagði
þó að hann vonaðist til þess að mál­
ið myndi ekki hafa áhrif á samstarf
þeirra á öðrum vígstöðvum. Dóm­
stólar væru til þess að fá skorið úr
deilumálum. Sigurður G. var hins
vegar vígreifari og lét hafa eftir sér að
Skúli og Sigmar væru „engir vinir“.
Mörg sameiginleg verkefni
Sigmar og Skúli Gunnar hafa verið
viðskiptafélagar um langt skeið
og komið að mörgum verkefnum
saman. Þekktasta verkefnið er Ham­
borgarafabrikkan en Skúli Gunnar
hefur verið viðloðandi rekstur
fyrir tækisins, ásamt Sigmari og
Jóhannesi Ásbjörnssyni, frá upp­
hafi. Skúli Gunnar var einnig hlut­
hafi í Konung lega kvikmyndafé­
laginu sem rak sjónvarpsstöðvarnar
Bravó og Miklagarð sem Sigmar var
í forsvari fyrir. Þá var Sigmar mark­
aðsstjóri Subway hérlendis um sex
mánaða skeið árið 2014 en skömmu
síðar voru áform félaganna um eld­
fjallasetur á Hvolsvelli kynnt.
Þúfa varð að fjalli
Upphaflega hugmyndin var að opna
sýningu um Eyjafjallajökul í litlu
húsnæði en smám saman þróaðist
hugmyndin yfir í að reisa stóra fast­
eign sem gegnt gæti hlutverki þjón­
ustumiðstöðvar fyrir ferðaþjónustu
á Suðurlandi. Þar yrði að finna af­
þreyingu, verslanir, veitingastaði og
hótel. Stemma hf. fékk úthlutað lóð­
um við Austurveg 12 og 14 þar sem
reisa átti miðstöðina og var áætl­
aður kostnaður við verkefnið einn
milljarður. Utan um það var félagið
Stemma hf. stofnað. Stemma hf. er
í eigu Gufupressunnar (45,45%) og
Leiti eignarhaldsfélags (18,18%) sem
bæði eru í 100% eigu Skúla Gunnars,
hið fyrrnefnda í gegnum Leiti.
Þriðji og síðasti hluthafinn er félag­
ið Sjarmur og Garmur ehf. (36,36%)
sem Skúli Gunnar og Sigmar eiga
helmingshlut í.
Segir verðið of lágt
Dómsmálið snýst um þá kröfu Sig­
mars að sú ákvörðun hluthafafund­
ar Stemmu hf., sem haldinn var 9.
maí 2016, að selja Fox ehf. lóðirn­
ar að Austurvegi 12 og 14 og önnur
réttindi, verði ógilt.
Fox ehf. er í 100%
eigu fjárfestis­
ins Harðar Jóns­
sonar. Í úrskurði
héraðsdóms
um frávísunar­
kröfu Skúla,
sem DV hefur
undir höndum,
kemur fram
að
Skúli hafi ólmur viljað selja lóðar­
réttindi Stemmu hf. en Sigmar lagð­
ist gegn þeim viðskiptum þar sem
hann taldi kaupverðið of lágt. Kemur
fram að hann hafi leitað annarra til­
boða og fengið allt að 50% hærra
kauptilboð í lóðirnar. Þrátt fyrir það
hafi Skúli í krafti meirihlutaeignar
sinnar knúið söluna, á lágu verði, í
gegn. Það hafi skert rétt hluthafa til
arðgreiðslna þar sem kaupverðið
hafi verið mun lægra en raunveru­
legt verðmæti lóðanna. Þá telur Sig­
mar að ákvörðun hluthafafundar­
ins hafi verið tekin með ólögmætum
hætti, meðal annars hafi atkvæðis­
réttur verið ranglega skráður og því
hafi salan ekki hlotið til­
skilinn fjölda at­
kvæða. n
Björn Þorfinnsson
bjornth@dv.is
Eldfjallamiðstöð á Hvolsvelli Athafnamennirnir Skúli Gunnar Sigfússon og Sigmar
Vilhjálmsson deila fyrir héraðsdómi um réttmæti þess að lóðirnar þar sem miðstöðin mun
rísa hafi verið seldar út úr sameiginlegu félagi þeirra.
Skúli og Sigmar Sigmar Vilhjálmsson freistar þess fyrir dómstólum að fá lóðarsölu
Stemmu hf. dæmda ógilda.