Dagblaðið Vísir - DV - 06.01.2017, Blaðsíða 6

Helgarblað 6.–9. janúar 20176 Fréttir
Eina sápan
sem þú þarft fyrir alla fjölskylduna og heimilið
dr. bronner’s:
Óeining innan Viðreisnar
n Benedikt formaður sagður halda þingmönnum í myrkrinu n Ekki sátt um stefnuna
T
öluverðrar kergju gætir inn-
an Viðreisnar vegna stjórn-
armyndunarviðræðna
flokksins við Sjálfstæðis-
flokk og Bjarta framtíð. Er
annars vegar kergja í garð Benedikts
Jóhannessonar, formanns flokksins,
sem sagður er halda spilunum svo
þétt að sér að þingmenn flokksins
og bakland sé því sem næst óupp-
lýst um stöðu viðræðnanna. Hins
vegar er óeining innan þingflokks-
ins varðandi stefnumál sem leggja á
áherslu á í viðræðunum og þá ráð-
herrastóla sem sóst er eftir.
DV hefur heimildir fyrir því að
áhrifafólk innan Viðreisnar sé orðið
býsna langeygt eftir upplýsingum
um stöðu mála í viðræðum for-
manns síns við þá Bjarna Benedikts-
son, formann Sjálfstæðisflokksins,
og Óttar Proppé, formann Bjartrar
framtíðar, um hugsanlegt stjórnar-
samstarf. Í viðtölum í fjölmiðlum
síðustu daga hafa þeir þremenn-
ingar talað á þeim nótum að allt sé
að ganga saman í viðræðum flokk-
anna og fátt beri í milli. Innan Við-
reisnar er hins vegar óánægja með
það í hvaða átt viðræðurnar stefna,
eftir því sem þingmönnum flokks-
ins sýnist.
Vilja frekar utanríkisráðuneytið
Benedikt mun nú sækja mjög fast
að fá í sinn hlut stól fjármálaráð-
herra, verði af myndun stjórnarinn-
ar. Innan Viðreisnar eru hins vegar
uppi sjónarmið, í það minnsta hjá
hluta þingmanna, um að það sé
ekki endilega skynsamleg afstaða
heldur væri mun mikilvægara að
flokkurinn fengi í sinn hlut utan-
ríkisráðuneytið. Flokkurinn hafi í
kosningabaráttu sinni lagt áherslu
á Evrópumál og vestræna sam-
vinnu en einnig uppbyggingu heil-
brigðis- og velferðarkerfisins. Nú
bendi margt til að enginn þessara
málaflokka verði á hendi Viðreisn-
ar, ef marka megi það sem leki út
um stjórnarmyndunarviðræðurn-
ar, og það sé ótækt. Hins vegar ber
þess að geta að í ljósi þess hversu
lítt Benedikt hefur upplýst um gang
mála eru Viðreisnarþingmenn þó
í myrkrinu með þetta. Benedikt er
þannig sagður hafa verið í takmörk-
uðu sambandi við þingmenn síð-
ustu daga.
Líka meðvitaðir um
eins manns meirihluta
Þingmenn Viðreisnar sem DV ræddi
við segja að staðan sé óþægileg,
óþægilegt sé að hafa takmarkaða
hugmynd um hver staða viðræðn-
anna sé. Menn lesi í fjölmiðlum að
sátt sé um meginlínur og að styttist í
niðurstöðu en hafi ekki séð stafkrók
um mikilvæga málaflokka. Einn
þingmaður Viðreisnar orðaði það
þannig við blaðamann að það væru
ekki bara þingmenn Sjálfstæðis-
flokksins sem væru meðvitaðir um
að hugsanleg stjórn hefði bara eins
manns meirihluta, það væru þing-
menn Viðreisnar líka.
Þá er sögð óánægja í baklandi
flokksins vegna þess að gengið sé
út frá því sem sjálfsögðum hlut að
Þorgerður Katrín Gunnarsdóttir og
Þorsteinn Víglundsson eigi heimt-
ingu á ráðherrastólum í ríkisstjórn.
Það þyki ekki lýðræðislegt og auk
þess þyki það ekki til sóma fyrir
flokk sem hefur lagt áherslu á að
jafna verði stöðu kynjanna í samfé-
laginu að bjóða upp á ráðherralista
þar sem halli á konur.
Gott að heyra að vel gangi
Hanna Katrín Friðriksson, þing-
flokksformaður Viðreisnar, vildi
ekki tjá sig um deilurnar innan
Viðreisnar þegar DV leitaði eft-
ir því. Hún staðfesti hins vegar að
hún teldi æskilegt að eitthvað færi
að birtast handfast um stöðu við-
ræðnanna. „Það er gott að heyra að
viðræðurnar gangi vel. Ég er hins
vegar orðin óþreyjufull að sjá alla-
vega drög að útkomu til að geta
tekið efnislega afstöðu til hugsan-
legs stjórnar sáttmála. Mig er farið
að lengja nokkuð eftir því og það er
rétt að taka fram að þingmenn Við-
reisnar eru ekki búnir að taka efnis-
lega afstöðu til stjórnarsamstarfs.“
Ekki náðist í Benedikt Jóhannes-
son, formann Viðreisnar, við
vinnslu fréttarinnar. n
„Gott að
heyra að
vel gangi
Ekki á eitt sáttir Þingmenn Viðreisnar munu ekki
sáttir við framgöngu formanns síns, Benedikts Jóhann-
essonar, í stjórnarmyndunarviðræðunum. Þykir vanta
upp á upplýsingaflæðið. Mynd SiGtryGGur Ari
Orðin óþreyjufull
Hanna Katrín Friðriks-
son, þingflokksfor-
maður Viðreisnar, bíður
þess með óþreyju að
sjá drög að stjórnar-
sáttmála.
Freyr rögnvaldsson
freyr@dv.is