Dagblaðið Vísir - DV - 20.10.2017, Qupperneq 2

2 Helgarblað 20. október 2017fréttir
Spurning vikunnar
Mér finnst ekkert um kosningabaráttuna. Ég hef ekkert
fylgst með henni.
Ingibjörg Eiríksdóttir
Mér hefur fundist kosningabaráttan frekar leiðinleg.
Mér finnst íslensk pólitík orðin mjög skrítin. Að mínu
mati hugsa frambjóðendurnir meira um eigin hagsmuni
heldur en fólkið. Því miður.
Dagbjört Guðmundsdóttir
Ég fylgist ekki með þessu. Mér finnst þetta svo hrikalega
leiðinlegt. Hef ekki horft á einn einasta þátt eða kynnt
mér framboðin að nokkru leyti.
Ellert Baldursson
Sandkassaleikur. Allir að henda skít í hver annan.
Gunnar Jóhannesson
„Hvernig finnst þér kosningabaráttan hafa verið?“
H
já Íslandsbanka stendur nú
yfir vinna við að reikna út
leiðréttingar á lánssamn­
ingum vegna hæstaréttar­
dóms sem féll í máli bankans
gegn Neytendastofu og Sigurði
Frey Magnússyni verkfræðingi 12.
október. Eins og DV hefur áður
greint frá staðfesti dómstóllinn úr­
skurð Neytendastofu um að vaxta­
breytingaákvæði lánssamninga án
fyrirvara væru óheimil og vaxta­
hækkun bankans árið 2013 úr
4,15% í 4,85% því ólögleg.
Breyttur tónn
Edda Hermannsdóttir, sam­
skiptastjóri Íslandsbanka, segir:
„Þegar er ljóst að um er að ræða
afmarkaðan hluta lánasafns bank­
ans og einnig vegna ýmissa úr­
ræða og aðgerða bankans í kjöl­
far efnahagshrunsins var vöxtum
ekki breytt til hækkunar á löngu
tímabili. Í talsverðum fjölda til­
vika þar sem hinu umdeilda
ákvæði hefur verið beitt var vaxta­
breytingin til lækkunar. Það er þó
ljóst að nokkur hópur viðskipta­
vina mun njóta leiðréttingar á sín­
um vaxtakjörum vegna dómsins
og er nú unnið að undirbúningi
þeirra leiðréttinga. Viðskiptavin­
um verður tilkynnt um niðurstöð­
una þegar hún liggur fyrir.“ Tölur
um umfang lánanna og upphæðir
leiðréttinga liggja hins vegar ekki
fyrir á þessari stundu en fyrir dómi
sagði lögfræðingur bankans að
þúsundir lána væru undir.
Talsmenn Landsbankans
brugðust skjótt við og sögðust
ekki hafa hækkað vexti lánanna á
grundvelli vaxtabreytingaákvæða
í sínum samningum. Þeir sögðust
því ekki þurfa að bregðast sérstak­
lega við dómi Hæstaréttar.
Talsmenn Arion banka hafa
nú brugðist við dómnum. Gunn­
laugur Bragi Björnsson hjá sam­
skiptasviði segir: „Það er stutt síð­
an dómurinn féll og hann er til
skoðunar hjá lögfræðingum bank­
ans. Fyrstu viðbrögð eru þau að
hann kalli ekki á almenn viðbrögð
af hálfu bankans. Við teljum að á
einhverjum tímapunkti hafi sam­
bærileg ákvæði verið í eldri láns­
skjölum hjá okkur. Þessi dómur
fellur aðeins í þessu eina tiltekna
máli og fyrstu viðbrögð eru þau
að hann sé ekki endilega fordæm­
isgefandi. Við höldum áfram að
skoða þetta og fylgjast með fram­
vindunni en þetta eru þá ein­
hver alger undantekningartilfelli.“
Hann segir fullsnemmt að segja
til um hvort bankinn muni fara
skipulega yfir samningana og leið­
rétta kjörin ef þurfa þykir.
Anna Guðmunda Ingvarsdóttir,
lögmaður Íbúðalánasjóðs, segir
sjóðinn ekki hafa samið með slík­
um ákvæðum en hafi hins vegar
keypt lánasöfn frá ýmsum spari­
sjóðum og Dróma sem gætu haft
slík ákvæði. Jafnframt að sjóðurinn
hafi ekki hækkað vexti á grund­
velli slíkra ákvæða en verið sé að
fara yfir samninga og meta hvort
aðgerðir séu þarfar. Hún segir að
ef slík lán séu til séu þau innan
við 10% af heildarlánasafni sjóðs­
ins. Aðrar lánastofnanir, svo sem
sparisjóðir og Kvika hafa ekki svar­
að fyrirspurnum DV. Katrín Júlíus­
dóttir, framkvæmdastjóri Samtaka
fjármálafyrirtækja, segist ekki geta
tjáð sig um málið meðan það sé til
skoðunar innan Íslandsbanka.
Þurfa allir að höfða mál?
Sigurður Valgeirsson, upplýsinga­
fulltrúi Fjármálaeftirlitsins, segir
að þetta mál hafi komið inn á borð
stofnunarinnar haustið 2015 og
hafi stofnunin fylgst með fram­
vindu málsins síðan. Stofnunin hafi
hins vegar ekki úrskurðarvald um
ágreiningsmál. Eftir að slíkir dóm­
ar falla feli Fjármálaeftirlitið bönk­
unum sjálfum að meta hugsan­
legt fordæmisgildi dómsins. Þeirra
hlutverk sé að kanna áhrif niður­
staðna á eigið fé mikilvægra banka
og lánastofnana. Um hvort hver og
einn lántaki þurfi að höfða mál ef
bankarnir bregðist ekki við segir
Sigurður: „Á þessu stigi er á engan
hátt hægt að fullyrða það. Fjármála­
eftirlitið grípur til þeirra úrræða sem
réttarreglur heimila að teknu tilliti
til málsatvika hverju sinni. Neyt­
endur hafa tiltekin úrræði lögum
samkvæmt svo sem að leita til úr­
skurðarnefndar og dómstóla. Fjár­
málafyrirtæki og aðrir eftirlitsskyld­
ir aðilar skulu starfa í samræmi við
eðlilega og heilbrigða viðskipta­
hætti og venjur á fjármálamarkaði.“
Þá minnir hann einnig á að Neyt­
endastofa sinni mikilvægu eftir­
litshlutverki í þessu samhengi. n
Kristinn Haukur Guðnason
kristinn@dv.is
Arion banki og Landsbankinn telja sig ekki þurfa að bregðast við
Sigurður Freyr Magnússon Lagði
Íslandsbanka í Hæstarétti.
Óvíst hversu margir
fá leiðréttingu