Morgunblaðið - 29.04.2017, Blaðsíða 33

spennandi öðruvísi í augum
barnsins. Vinstri manneskjan í
þorpinu hans Ingólfs Jónssonar
ráðherra, meira að segja í fram-
boði fyrir Alþýðubandalagið.
Skapaði þannig visst mótvægi í
þorpi þar sem flestir kusu Sjálf-
stæðisflokkinn, alla vega framan
af, kannski nokkrir Framsókn
en vissulega tæpast nokkrir fyr-
ir utan Aggí og Gústa Alþýðu-
bandalagið. Húsið þeirra byggt í
jaðri þorpsins, táknrænt. Meira
að segja þurfti „stuttfóta“ að
beita sig ýtrasta kjarki til að
komast til Ellu vinkonu þar sem
á milli megin-þorpsins og Vað-
ness, sem húsið þeirra hét, var
búðin hans Árna „klukk“ og þar
geymdi hann minkahundana
sína. Í hugmyndaheimi barnsins
hefðu þar eins getað verið
krókódílar svo það var um að
gera að taka til fótanna ef mað-
ur ætlaði að ná lifandi á fund
vinkonu sinnar, sem einhverra
hluta vegna tókst alltaf.
Ég held að á vissan hátt hafi
Aggí haft gaman af að vera
öðruvísi í þessu litla þorpi. Hún
var í verkalýðsbaráttunni og
lengi vann hún á skrifstofu
verkalýðsfélagsins og var líka
formaður um tíma. Á sama tíma
féll hún á margan hátt afskap-
lega vel inn í þetta litla sam-
félag sem löngum var nú eignað
Ingólfi ráðherra. Hún var mjög
félagslynd og yfirleitt var það
þegar ég kom í heimsókn að þar
voru einhverjir vina hennar líka
í heimsókn. Ekki virðast skoð-
anir hennar á stjórnmálum hafa
haft þar nokkur áhrif á, en hún
lá ekki á þeim. Menn virtu skoð-
anaskipti þrátt fyrir allt. Hún
og oddvitinn skiptust á Þjóðvilj-
anum og Morgunblaðinu og
náðu þannig að kynna sér mál-
efnin frá andstæðum hliðum.
En Aggí var aðflutt. Hún ólst
upp í Skuggahverfinu í Reykja-
vík, Reykvíkingur í föðurætt en
Vestfirðingur í móðurættina.
Móðir hennar missti manninn
frá sex börnum þegar Aggí sem
var elst var aðeins níu ára.
Vafalítið hefur lífsbarátta ekkj-
unnar haft mikil áhrif á litlu
stúlkuna sem svo ung var komin
í hlutverk elsta systkinisins og
átti ennfremur eftir að eignast
tvö í viðbót. Kannski varð það
þess valdandi að hana hefur
snemma langað til að taka þátt í
að bæta kjör þeirra sem höllum
fæti stóðu. Fyrir tvítugt var hún
farin að vinna í skógræktinni á
Tumastöðum þar sem hún
kynntist Gústa. Þau rugluðu
saman reytum og fljótt komu
börnin. Gústi átti djúpar rætur í
héraðinu. Var alinn upp á Þor-
leifsstöðum á Rangárvöllum, en
foreldrarnir fluttu árið 1944 á
Hellu sökum heilsubrests. Ungu
hjónin völdu Hellu sem framtíð-
arbústað – ekki síst var það feg-
urð árinnar eins og Aggí sagði.
Nú hafa þau hjón bæði kvatt
þorpið á bökkum árinnar þar
sem þau lifðu meðbyr og mót-
byr lífsins. Minning þeirra lifir
meðal þeirra sem nutu þess að
kynnast þeim.
Ingibjörg Ólafsdóttir.
Að kvöldi dags er kveikt á öllum
stjörnum,
og kyrrðin er þeim mild sem vin sinn
tregar,
og stundum skýla jöklar
jarðarbörnum,
og jafnvel nóttin lýsir þeim til vegar.
(Davíð Stefánsson frá Fagraskógi)
Guðrún Jóna Haraldsdóttir
eða Aggý, eins og hún var æv-
inlega kölluð af vinum sínum og
nágrönnum, var ásamt eigin-
manni sínum Ágústi Sæmunds-
syni, sem nú er látinn, ein af
frumbyggjum Hellukauptúns.
Þau Ágúst byggðu sér fyrst lítið
hús á bakka Rangár og síðan á
miðjum aldri annað stærra á
sömu lóð þar í hjarta byggð-
arinnar. Ég var svo gæfusamur
að á miðjum 8. áratug síðustu
aldar lágu leiðir okkar Guðrúnar
saman í félagsmálum og störfum
fyrir verkalýðshreyfinguna í
Rangárvallasýslu og við unnum
í tæpa tvo áratugi saman á
skrifstofu Verkalýðsfélagsins
Rangæings. Við Guðrún vorum
ekki samherjar í pólitík en við
vorum samherjar í baráttu fyrir
kjörum verkafólks allan sam-
starfstíma okkar. Þau hjónin
áttu samleið í stjórnmálaskoð-
unum sínum og voru svo einlæg
í afstöðu sinni til bættra kjara
og afkomu alþýðunnar að jafn-
vel hörðustu pólitísku andstæð-
ingar virtu og mátu afstöðu
þeirra. Það háði okkur Guðrúnu
aldrei að vera ekki pólitískir
samherjar. Þvert á móti þá held
ég að það hafi einmitt hjálpað
okkur við að fá yfirsýn yfir þau
vandamál og verkefni sem við
var að glíma hverju sinni.
Enga manneskju hef ég
þekkt sem hafði jafn einlægan
hug til afkomu og kjara þeirra
sem áttu undir högg að sækja í
lífsbaráttunni. Í því efni áttu
þau Ágúst trausta samleið. Guð-
rún starfaði á annan áratug á
skrifstofu verkalýðsfélaganna og
annaðist einnig um árabil störf
sem póstmaður á Hellu. Þá var
Guðrún einnig ein af þeim fjöl-
mörgu húsmæðrum í Rangár-
vallasýslu sem voru fastráðnar
hvert haust í sláturtíð hjá Slát-
urfélagi Suðurlands meðan fyr-
irtækið rak sláturhús á Hellu.
Þau Aggý og Gústi voru afar
gestrisin og áttu stóran vinahóp.
Ég minnist þess að stundum í
starfi okkar Guðrúnar hjá
verkalýðsfélögunum komu upp
álitamál, ekki síst á þeim tímum
sem tímabundið atvinnuleysi
ríkti á félagssvæðinu. Í öllum
slíkum málum var hún mjög
ákveðin í baráttu sinni fyrir
launafólk og hafði ævinlega
trausta dómgreind í þeim mál-
um sem upp komu. Ég er Guð-
rúnu ákaflega þakklátur fyrir
samstarfið.
Við Eygló kveðjum Guðrúnu
Haraldsdóttur með söknuði og
vottum börnum hennar og öðr-
um aðstandendum samúð okkar.
Sigurður Óskarsson.
Um undra-geim, í himinveldi háu,
nú hverfur sól og kveður jarðarglaum;
á fegra landi gróa blómin bláu
í bjartri dögg við lífsins helgan
straum.
(Benedikt Gröndal.)
Guðrún Jóna Haraldsdóttir
lést 15. apríl síðastliðinn að
Dvalarheimilinu Lundi, Hellu.
Aggí, eins og hún var jafnan
kölluð, flutti að Hellu ung að ár-
um er hún gekk í hjónaband.
Eiginmaður hennar var Ágúst
Sæmundsson. Þau reistu sér
framtíðarheimili á bökkum Ytri-
Rangár og bjuggu þar meðan
heilsan leyfði. Þau eignuðust
þrjú börn, sem öll eru gott og
dugandi fólk.
Aggí hefur búið hér í 65 ár,
eða vel það. Þau hjón voru mjög
samstiga í flestu, bæði voru þau
hagmælt og sömdu marga góða
bragi, t.d. fyrir þorrablót. Einn-
ig voru þau góð heim að sækja.
Aggí var vel gefin kona, bæði
til munns og handa. Hún hafði
mikla ánægju af handavinnu,
málaði fallega dúka, bjó til kort
o.m.fl.
Aggí var stofnfélagi í Kven-
félagi Oddakirkju, sem stofnað
var 1963, starfaði þar af áhuga,
alltaf sjálfsagt að hjálpa. Hún
var gleðigjafi á fundum okkar.
Hún kom hér síðast á fund 31.
október síðastliðinn akandi á
eigin bíl. Við munum sakna
hennar. Vil ég fyrir hönd Kven-
félags Oddakirkju þakka henni
samstarf á liðnum árum, þá vil
ég þakka næstum 49 ára gott
nágrenni okkar hér á bökkum
Ytri-Rangár.
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn.)
Guðríður Bjarnadóttir.
MINNINGAR 33
MORGUNBLAÐIÐ LAUGARDAGUR 29. APRÍL 2017
Virðing,
reynsla
& þjónusta
Allan
sólarhringinn
571 8222
Svafar:
82o 3939
Hermann:
82o 3938
Ingibjörg:
82o 3937
www.kvedja.is
svafar & hermann
Við þökkum innilega þeim sem sýndu okkur
samúð og vináttu við andlát og útför
BJARGAR F. HANSEN,
Skúlagötu 20,
Reykjavík.
Sérstakar þakkir færum við starfsfólki
Droplaugarstaða fyrir alúð og umhyggju.
Ólafur Haukur Árnason
Jósefína Ólafsdóttir Hilmar Finnsson
Árni Ólafsson Þorgerður Sigurðardóttir
barnabörn og langömmubörn
Ástkær móðir okkar, tengdamóðir,
amma og langamma,
ANNA SALÓME INGÓLFSDÓTTIR,
Hlíðarhjalla 62, Kópavogi,
áður Hofgerði 2, Vogum,
verður jarðsungin frá Digraneskirkju
miðvikudaginn 3. maí klukkan 13.
Guðbjörg M. Sveinsdóttir Oddgeir E. Karlsson
Þorsteinn B. Sveinsson Kristín Pétursdóttir
Ingólfur F. Sveinsson
barnabörn og langömmubörn
Alúðarþakkir fyrir auðsýnda samúð og
hlýhug við andlát og útför
SIGURÐAR A. MAGNÚSSONAR
rithöfundar
Ragnhildur Th. Bragadóttir
Þeódóra A. Sig. Thoroddsen Hildur Sigurðardóttir
Magnús A. Sigurðsson Ragnheiður Valdimarsdóttir
Sigurður Páll Sigurðsson Hulda I. Magnúsdóttir
Kristín Sigurðardóttir Gunnar Valur Jónsson
barnabörn og barnabarnabörn
Elsku bróðir okkar,
ÓLAFUR BERGMANN SIGURÐSSON,
til heimilis á Sævarstíg 6,
Sauðárkróki,
lést á Heilbrigðisstofnun Skagafjarðar
föstudaginn 21. apríl.
Útför hans fer fram frá Sauðárkrókskirkju þriðjudaginn 2. maí
klukkan 14.
Ragnar L. Sigurðsson
Gunnar M. Sigurðsson
og fjölskylda
Innilegar þakkir til allra sem sýndu okkur
samúð og hlýhug við andlát og útför
eiginkonu minnar, móður, tengdamóður og
ömmu,
SVANHILDAR ÞORVALDSDÓTTUR,
Dælengi 4, Selfossi.
Halldór Magnússon
Aðalbjörg Elín Halldórsdóttir Skúli Valberg Ólafsson
og barnabörn
Hjartans þakkir fyrir auðsýnda samúð og
hlýhug við andlát og útför elskulegs
eiginmanns, föður, tengdaföður og afa,
ÓSKARS G. BALDURSSONAR,
Ársölum 3.
Okkur fjölskylduna langar að þakka
starfsfólki gjörgæslu Landspítalans,
krabbameinsdeildar 11E og síðast en ekki síst líknardeildarinnar
í Kópavogi. Þvílíkt starfsfólk sem við eigum á þessum stöðum,
það er ómetanlegt fyrir bæði sjúklinga og aðstandendur að
finna þessa miklu hlýju og umhyggju.
Sigþrúður B. Stefánsdóttir
Guðmundur Óskarsson
Hildur Óskarsdóttir Viðar Blöndal
Regína Ósk Óskarsdóttir Sigursveinn Þór Árnason
Trausti Óskarsson
og afabörn
Elsku ættingjar, vinir og vandamenn.
Einlægar þakkir fyrir sýnda samúð og
hlýhug, gjafir, minningarkort og kveðjur,
einnig allir sem gáfu sér tíma til að vera
viðstaddir útförina vegna andláts elsku
yndislega sonar og föður,
BJARNA GUÐMUNDSSONAR,
Langagerði 28,
sem lést 1. apríl. Sérstakar þakkir fær sr. Davíð Þór Jónsson
fyrir fallegar athafnir og minningarorð sem lýstu svo vel persónu
og lífsferli Bjarna okkar og dapurlegum örlögum þessa unga
manns. Orðin snertu án efa marga kirkjugesti. Einlægar þakkir
til sr. Gunnars Matthíassonar sjúkrahússprests, starfsfólks B2
deildar og bráðamóttöku Landspítalans Fossvogi og A32,
geðdeildar Landspítalans Hringbraut, fyrir fórnfúst starf og
aðstoð í veikindum Elínar.
Elín Pálsdóttir Ásbjörn Þorleifsson
Mikael Hrafn Bjarnason
Yndislegur sambýlismaður minn, sonur
minn og bróðir okkar,
BJÖRGVIN BJARKI
KRISTBJÖRNSSON,
Bóndhól,
Borgarbyggð,
sem andaðist föstudaginn 14. apríl,
verður jarðsunginn frá Borgarneskirkju þriðjudaginn 2. maí
klukkan 14.
Sandra Björk Bergsdóttir
Kristbjörn Jónsson
Guðmundur Birkir Kristbjörnsson
Þorgrímur Gísli Kristbjörnsson
Anna Rún Kristbjörnsdóttir
KJARTAN ÓLAFSSON
lyfjafræðingur,
Unufelli 4,
er látinn.
Útför hans hefur farið fram í kyrrþey.
Fyrir hönd ættingja og vina,
Gísli Erlendsson
Þorsteinn Vilhjálmsson
Innilegar þakkir fyrir samúð og hlýhug við
andlát og útför elsku drengsins okkar,
bróður og barnabarns,
MIKAELS RÚNARS JÓNSSONAR,
Kambahrauni 58,
Hveragerði.
Þökkum af öllu hjarta fyrir aðstoð og
stuðning sem við höfum fengið á erfiðum tíma.
Elva Óskarsdóttir Jón Gísli Guðlaugsson
Aníta Ísey Jónsdóttir
Karen Elva Jónsdóttir
Hrefna Ósk Jónsdóttir
Elín Hrönn Jónsdóttir
Guðlaugur Bragi Gíslason Elín Hrönn Jónsdóttir
Óskar Hjaltason