Víkurfréttir - 22.12.2003, Blaðsíða 24

VÍKURFRÉTTIR - JÓLABLAÐ II VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!24
G
le
ð
il
e
g
a
h
á
tí
ð
!
27. júlí - 3. ágúst voru haldnir
Heimsleikar slökkviliðsmanna
og lögreglumanna í Barcelona á
Spáni. 58 þjóðir frá öllum
heimsálfum tóku þátt á þessum
leikum. Um 11 þúsund kepp-
endur kepptu í 64 keppnisgrein-
um. Meðal keppnisgreina voru
t.d. inni og úti fótbolti, karfa,
handbolti, sjómanni, kraftlyfting-
ar, pílukast, frjálsar o.fl. greinar.
Þetta eru tíundu leikarnir sem
haldnir voru, en keppt er annað
hvert ár. Leikarnir sem byrjuðu í
Bandaríkjunum ´83 hafa sífellt
orðið vinsælli með hverju móti
og má segja að þeir séu með
svipuðu sniði og Ólympíuleik-
arnir, með opnunar og lokahátíð-
um. Þessi mót eru mjög vel
skipulögð og urðu keppendur vel
varir við það. T.a.m. er búið að
undirbúa næstu leika og skráning
hafin en þeir verða haldnir í
Kanada ´05.
Opnunarhátíðin var 27. júlí á
Ólympíuleikvanginum í
Barcelona og voru um 30.000
áhorfendur á hátíðinni. Stemn-
ingin og „show-ið“ í kringum
leikanna var ólýsanlegt. Öryggis-
gæslan var mikil vegna hræðslu á
hryðjuverkum (11. september)
því margir Bandaríkjamenn voru
staddir á leikunum og þ.á.m.
slökkviliðsstjórinn í New York.
Haldin var minningarathöfn um
slökkviliðsmennina sem féllu 11.
september.
Stemningin var ótrúlega góð á
milli keppenda, á kvöldin voru
alltaf samkomur þar sem
slökkviliðs og lögreglumenn gátu
komið saman. Þar borðuðu og
töluðu menn saman, sama hvað-
an þeir voru, skiptust á stríðssög-
um og lífsreynslum úr lífi hvors
annars.
Þetta er annað skipti sem íslensk-
ir slökkviliðsmenn fara og taka
þátt á þessum heimsleikum en
fyrst var það í Svíþjóð ´99.
Kepptu þeir þá í sundi, úti fót-
bolta, bekkpressu, pílukasti og
sjómanni.
Til Barcelona fóru 19 slökkvi-
liðsmenn og einn tollari að keppa
fyrir Íslands hönd en 7 af þeim
og tollarinn eru héðan af Suður-
nesjunum.
(Sævar Borgarsson, Herbert Eyj-
ólfsson, Jóhann Bjarki Ragnars-
son, Þórir Smári Birgisson, Ólaf-
ur Högni Ólafsson, Valgeir Óla-
son, Kristmundur Carter og Freyr
Bragason.).
Íslensku Spánarfararnir stóðu sig
með prýði. Hitinn og rakinn var
mikill eða um 40 gráður sem
bitnaði töluvert á íslensku kepp-
endunum. Þeir kepptu í kraftlyft-
ingum, fótbolta, pílukasti og sjó-
manni.
Fótboltinn gekk ekki nógu vel
en strákarnir þurftu að glíma við
mjög erfiðan hita og raka sem
reyndist erfiðara en andstæðing-
arnir sem þeir spiluðu á móti.
Þeir komust samt sem áður upp
úr fyrsta riðli en ekki lengra en
það
Jóhann Bjarki Ragnarsson tók
þátt í pílukasti og stóð sig vel.
Keppt var í 501 og krikket. Hann
komst upp úr sínum riðli í útslátt-
arkeppnina og komst alla leið í 8
manna úrslit. Þar lenti hann í úr-
slita rimmu og var óheppinn að
komast ekki áfram.
Herbert Eyjólfsson fór og keppti
í sjómanni og var athyglisvert
hvað þessi keppnisgrein er vin-
sæl á meðal áhorfenda. Um
1500 manns fylgdust með. Er-
lendis er sjómann atvinnumanna
íþrótt og voru nokkrir keppendur
þarna sem hafa keppt á slíkum
mótum þrátt fyrir að starfa sem
slökkviliðs eða lögreglumenn.
Herbert keppti í -90 kg þrátt fyrir
að vera fisléttur eða rétt um 82
kg. Hann stóð sig frábærlega og
komst alla leið í úrslita viður-
eignina um gullið á móti Banda-
ríkjamanni (Benjamin) sem hefur
keppt á sjómannsmótum í
Bandaríkjunum. Herbert tapaði
á móti honum og hreppti þar með
silfrið.
Freyr Bragason, Valgeir Ólason
og Sævar Borgarsson kepptu í
kraftlyftingum þar sem allur
hjálparbúnaður var bannaður
nema belti.
Valgeir Ólason keppti í bekk-
pressu í -90 kg. flokki. Í fyrstu
tilraun lyfti hann 135 kg. og
annarri tilraun lyfti hann 147,5
kg. Fyrir þriðju tilraun var hann,
Bandaríkjamaður og Tékki að
keppa um 2 - 4. sæti. Banda-
ríkjamaðurinn fór fyrstur í sein-
ustu tilraun og reyndi 152,5 en
honum mistókst. Þá fór Valgeir
og reyndi við sömu þyngd 152,5
kg sem hann þurfti að ná til að
tryggja sér í það minnsta þriðja
sæti og tókst það með mikilli
keppnishörku. Tékkinn var sein-
astur af þeim þrem að lyfta því
hann reyndi við 155 kg til að
tryggja sér 2. sæti og tókst hon-
um það . Þannig að Valgeir varð
af 2. sæti en náði bronsinu með
frábærri keppni.
Sævar keppti í réttstöðulyftu og
bekkpressu samanlagt í -82,5 kg.
flokki. Í bekkpressu lyfti Sævar
142,5 kg en aðalmótherji hans
(A. Krupp frá Eistlandi) lyfti
152,5 og setti heimsmet slökkvi-
liðs og lögreglumanna í bekk-
pressu. Þegar komið var að rétt-
stöðulyftunni átti Eistinn 10 kg á
Sævar frá því í bekkpressunni og
þurfti því Sævar að lyfta 10 kg
eða meira en hann. Sævar lyfti
220 kg í fyrstu tilraun og A.
Krupp tók 210 kg. Jafnaði Sæv-
ar þar með bilið á milli sín og
Eistans. Í annarri tilraun lyfti
Sævar 232,5 kg og setti þar með
heimsmet slökkviliðs og lög-
reglumanna í réttstöðulyftu en A.
Krupp lyfti 215 kg í annarri til-
raun. Þá fór A. Krupp í 230 kg.
í þriðju tilraun til að setja pressu
á Sævar því Sævar var núna
kominn með 7,5 kg forskot.
Sævar fór í 240 kg og klikkuðu
þeir báðir á þriðju tilraun. Sævar
vann gullið og setti sitt annað
heimsmet slökkviliðs og lög-
reglumanna í samanlögðum ár-
angri 375 kg. Frábær árangur hjá
honum.
Freyr Bragason keppti einnig í
réttstöðulyftu og bekkpressu
samanlagt en var í -90 kg.
þyngdarflokki. Freyr lenti einnig
í hörku baráttu um gullið eins og
Sævar. Í bekkpressi lyfti Freyr
150 kg. í fyrstu tilraun, 155 kg í
annarri tilraun og 157,5 kg. í
þriðju tilraun. Aðalkeppinautur
hans var Bandaríkjamaður (G.
Stewart) og lyfti hann 147,5 kg í
þriðju tilraun. Þegar komið var
að réttstöðulyftu, átti Freyr 10 kg.
á hann. Freyr tók 200 kg. í fyrstu
tilraun en G. Stewart tók 215 kg.
og átti þá 5 kg. í heildina á Frey. Í
annarri tilraun tók Freyr 215 kg.
en G. Stewart tók 227,5 og átti þá
2,5 kg á Frey. Freyr reyndi við
227,5 kg í síðustu tilraun og
hafði þá þyngd. Þá fór G.
Stewart í seinustu lyftu og reyndi
við 240 kg. sem hefði verið vinn-
ingslyfta en haggaði ekki stöng-
inni og þar með vann Freyr
Bragason gullið með stæl í sam-
anlögðu 385 kg.
Stórglæsileg lokahátíð var haldin
3. ágúst í miðborg Barcelona að
viðstöddum 30.000 manns.
Stórtónleikar voru haldnir þar
sem popp og óperusöngvarar
komu fram. Einnig var flugelda-
sýning og „lasershow“
Í lokin vildu slökkviliðsmenn á
Suðurnesjum þakka eftirfarandi
fyrirtækjum fyrir frábæran stuðn-
ing svo að orðið gæti af þessari
ferð: (sjá lista til vinstri).
Fyrirtæki sem styrktu
slökkviliðsmenn á WPFG
Apótek Keflavíkur
Á Á háþrýstiþvottur
Á G Blikksmiðja
Áprentun Einars
Bakkavör
Bílasprautun Magga Jóns
Bílasprautun Suðurnesja
Bílbót
BíliðnBlikksmiðjan Á.G.
Bókabúð Keflavíkur
Brunavarnir Suðurnesja
Eignamiðlun Suðurnesja
Eldvarnir
Fasteignasala Gunnars
Firmex, Alex bílahús
Fiskval, Árni Gísla
Fitjagrill
Flugstöð Leifs Eiríkssonar
Flutningaþjónusta Gunnars
G.S. Umboðið
Gerðahreppur-skrifstofa
Hársnyrtistofa Harðar 18 já
Hekla
Hitaveita Suðurnesja
Hótel Keflavík
Húsasmiðjan
Húsgagnaverslunin Kjarna
Íslandsbanki
Íslenska Félagið
Kaffitár
Langbest
Ljósmyndsstofa Oddgeirs
Matarlyst
Merkiprent
Nesfiskur
Nýmynd
O S N lagnir
Pricewaterhouse Coopers
Pústþjónusta Bjarkars
R.H. Innréttingar
Reykjanesbær
Réttingaverkstæði Jens
S.G. Bón, bílaleiga
S.S. Bílaleiga
S.Þ. Smiðjan ehf
Samkaup
Sandgerðisbær
Skattskýslan
Slökkviliðið
Keflavíkurflugvelli
Sparisjóður Keflavík
Stapafell
Stuðlaberg
Sýslumaðurinn
Keflavíkurflugvelli
Sögun
Tískuverslunin Park
Tollgæslan Keflavíkurflugvelli
Trésmiðja Héðins
Tros ehf.
Víkurás ehf
Víkurfréttir
Þoldu illa 40°C hitann!
➤ H E I M S L E I K A R S L Ö K K V I L I Ð S - O G L Ö G R E G L U M A N N A
Jolablad II - 64 sidur pdf 20.12.2003 1:47 Page 24