Víkurfréttir - 22.12.2003, Blaðsíða 48

VÍKURFRÉTTIR - JÓLABLAÐ II VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!48
G
le
ð
il
e
g
a
h
á
tí
ð
!
Gert er ráð fyrir 127 milljóna
króna neikvæðri rekstrarnið-
urstöðu í fjárhagsáætlun
Reykjanesbæjar fyrir árið
2004, en fjárhagsáætlun
Reykjanesbæjar var samþykkt
á bæjarstjórnarfundi á
þriðjudag í síðustu viku með
atkvæðum sjálfstæðismanna.
Jóhann Geirdal, Ólafur Thord-
ersen og Kjartan Már Kjart-
ansson sátu hjá við atkvæða-
greiðsluna, en Sveindís Valdi-
marsdóttir og Guðbrandur
Einarsson greiddu atkvæði á
móti. Í tilkynningu frá Reykja-
nesbæ kemur fram að neikvæð
rekstrarniðurstaða komi fyrst
og fremst til vegna mikilla
framkvæmda við uppbyggingu
hafnarsvæðis og framkvæmda
í Helguvík. Heildartekjur bæj-
arsjóðs eru áætlaðar 4,2 millj-
arðar. Þá er gert ráð fyrir að
heildarskuldir bæjarsjóðs
lækki um 136 milljónir króna
á milli ára.
Hreinar skuldir Reykjanesbæj-
ar og fyrirtækja hans hafa
lækkað um 1.249 milljónir kr.
frá árinu 2000 miðað við fram-
lagða áætlun.
Gert er ráð fyrir að skuldir
bæjarsjóðs á hvern íbúa hafi
lækkað frá árinu 2000 um
34% og eru áætlaðar 348 þús-
und kr. á íbúa í lok árs 2004 en
verða 360 þúsund kr. í lok árs
2003. Gert er ráð fyrir að
skuldir samstæðunnar hafi
hækkað um 1% á fimm ára
tímabili og verði 643 þús kr. á
íbúa árið 2004 en eru 650 þús-
und kr. í árslok 2003.
➤ F J Á R H A G S Á Æ T L U N R E Y K J A N E S B Æ J A R S A M Þ Y K K T
„Ef ekki á að fara illa fyrir
Reykjanesbæ þurfa bæjarfull-
trúar að vera samstíga í að
bæta stjórnun bæjarins. Það er
ljóst að menn
verða að grípa
til harðra að-
gerða sem ná
þarf samstöðu
um á meðal
allra bæjarfull-
trúa. Undirrit-
aður er tilbúinn
til þess að leggja sitt af mörk-
um í þeirri vinnu,“ segir Kjart-
an Már Kjartansson bæjarfull-
trúi Framsóknarflokksins í
bókun sem hann lagði fram á
fundi bæjarstjórnar Reykja-
nesbæjar í gærkvöldi við seinni
umræðu fjárhagsáætlunar
Reykjanesbæjar. Í bókuninni
sem ber yfirskriftina „Alls ekki
í lagi“ gagnrýnir Kjartan Már
bæjaryfirvöld harðlega við
áætlanagerð í tengslum við
fjárhagsáætlun bæjarins.
Bókun bæjarfulltrúa Framsókn-
arflokksins vegna fjárhagsáætl-
unar Reykjanesbæjar fyrir árið
2004, lögð fram á bæjarstjórnar-
fundi þ. 16. des. 2004.
Bæjarsjóður rekinn með 75
milljón króna halla
Fjárhagsáætlun Reykjanesbæjar
fyrir árið 2004 ber þess merki að
meirihluti sjálfstæðismanna hef-
ur ekki náð tökum á fjármálum
bæjarins. Gert er ráð fyrir tapi
bæjarsjóðs uppá rúmar 75 millj-
ónir fyrir fjármagnsliði og miðað
við fyrri reynslu má reikna með
að útgjöld verði meiri en áætlun-
in gerir ráð fyrir og tapið enn
meira. Undirritaður telur auk
þess vinnubrögð meirihlutans við
áætlunargerðina ábótavant. Þetta
er alls ekki í lagi.
Farið of geyst í ár og rekstur
fjármagnaður með sölu eigna
Niðurstaða rekstrar samstæðunn-
ar, fyrir fjármagnsliði, sýnir að
gert er ráð fyrir tapi uppá 127
milljónir. Það er jákvæð þróun
miðað við þann 650 milljón
króna halla, sem allt stefnir í að
verði staðreynd á þessu ári, en
hann verður fjármagnaður með
sölu eigna. Þessi bætta, en þó
ófullnægjandi, niðurstaða byggir
fyrst og fremst á því að halda
framkvæmdum í lágmarki á
næsta ári, en þær verða aðeins
um 140 milljónir hjá bæjarsjóði á
móti rúmum 190 milljónum í ár,
sem hlýtur að benda til þess að
menn hafi farið of geyst í ár.
Ófullnægjandi vinnubrögð við
fjárhagsætlunargerðina
Undirritaður gagnrýnir harðlega
vinnubrögð meirihlutans við
áætlunargerðina. Það er ótrúlegt
til þess að vita að meirihlutinn
skyldi hafa lagt fram rekstrará-
ætlun til fyrri umræðu án þess að
hafa látið vinna áætlaðan efna-
hagsreikning fyrir árin 2003 og
2004 til þess að átta sig á hvaða
áhrif fjárhagsáætlunin hefði á
stöðu bæjarsjóðs. Ég tel að menn
verði að bæta þessi vinnubrögð
því þau eru alls ekki í lagi.
Lykiltölur
Við skoðun lykiltalna úr áætlun-
inni sést m.a. að gert er ráð fyrir
að skuldir lækki um kr. 7.000 pr.
íbúa en eignir um kr. 23.000 pr.
íbúa. Það þýðir að raunveruleg
eign pr. íbúa Reykjanesbæjar
mun minnka um kr. 16.000. Þetta
má m.a. rekja til þess að bæjar-
fulltrúar Sjálfstæðisflokks og
Samfylkingar samþykktu að selja
stóran hluta af fasteignum sveit-
arfélagsins fyrr á þessu ári en
peningarnir, sem fyrir þær feng-
ust, hafa ekki verið notaðir nema
að hluta til niðurgreiðslu lána.
Það er alls ekki í lagi.
Húsaleiga hækkar rekstur um
305 milljónir og dregur úr
sveigjanleika
Reykjanesbær hefur nú skuld-
bundið sig til þess að leigja fast-
eignir fyrir allt að 305 milljónir á
ári til viðbótar við það sem fyrir
var. Þessi nýja leiga dregur úr
sveigjanleika í rekstri sveitarfé-
lagsins og mun mjög fljótt verða
afar íþyngjandi fyrir sveitarfélag-
ið.
Of háir skattar hamla sam-
keppnisstöðu Reykjanesbæjar
Fjölga þarf íbúum í Reykjanesbæ
og renna styrkari stoðum undir
atvinnulífið. Til þess þarf að gera
sveitarfélagið aðlaðandi fyrir ein-
staklinga og fyrirtæki því ein
mikilvægasta forsenda fjölgunar
íbúa er næg atvinna. Endurskoða
þarf ýmsa liði í álagningu opin-
berra gjalda og skatta á einstak-
linga og fyrirtæki. Fasteignagjöld
á atvinnuhúsnæði eru óvíða
hærri en í Reykjanesbæ og lóða-
leiga með því hæsta sem þekkist.
Það hlýtur að veikja samkeppnis-
stöðu sveitarfélagsins. Ljóst er að
meirihlutinn hefur ákveðið að
fella tillögu undirritaðs um lækk-
un lóðaleigu. Það f innst mér
miður.
Lokaorð
Ef ekki á að fara illa fyrir
Reykjanesbæ þurfa bæjarfulltrú-
ar að vera samstíga í að bæta
stjórnun bæjarins. Það er ljóst að
menn verða að grípa til harðra
aðgerða sem ná þarf samstöðu
um á meðal allra bæjarfulltrúa.
Undirritaður er tilbúinn til þess
að leggja sitt af mörkum í þeirri
vinnu.
Kjartan Már Kjartansson,
bæjarfulltrúi
Framsóknarflokksins
Gagnrýnir vinnubrögð bæjaryfirvalda
F J Á R H A G S Á Æ T L U N / B Æ J A R F U L L T R Ú I F R A M S Ó K N A R F L O K K S
127 milljóna kr. neikvæð
rekstrarniðurstaða
Ljósmynd: Mats
Jolablad II - 64 sidur pdf 20.12.2003 2:04 Page 48